ម៉ាដាម ដា ជូនពរថ្ងៃកំណើតទៅកាន់អតីតគូស្នេហ៍តែត្រូវគេបញ្ចេញមតិផ្លែផ្កាឱ្យបែបនេះ

ម៉ាដាម ដា បានធ្វើឱ្យអ្នកលេងបណ្តាញសង្គមមានការចាប់អារម្មណ៍បន្ទាប់ពីបង្ហោះរូបជូនពរថ្ងៃកំណើតទៅកាន់ ប៉ាអយ ដែលជាអតីតគូស្នេហ៍ភេទដូចគ្នាដែលអ្នកទាំងពីរបានបែកគ្នាកាលពីឆ្នាំ២០២៤ បន្ទាប់ពីមានទំនាក់ទំនង៨ឆ្នាំ។ ទោះយ៉ាងណាការជូនពររបស់ ម៉ាដាម ត្រូវបានគេនិយាយផ្លែផ្កាឱ្យរហូតអ្នកលក់អនឡាញរូបនេះចេញវីដេអូឆ្លើយតប។

នៅយប់ថ្ងៃទី២ កញ្ញា ក្រោយពី ម៉ាដាម ដា បង្ហោះរូបគូនិងបានជូនពរទៅកាន់អតីតគូស្នេហ៍ចាស់ត្រូវបានគណនីមួយចូលមកបញ្ចេញមតិថា «ចុះឡើងៗមករកអ្នកចាស់វិញ អស់លុយចាយហើយមិនដឹងធ្វើម៉េច»។ ប្រយោគមួយឃ្លានេះត្រូវបាន ម៉ាដាម ចូលទៅឆ្លើយតបនិងបានចេញជាវីដេអូផងដែរ ខណៈនាងបានបង្ហោះសំណេរមួយទៀតក្នុងន័យថា គ្រាន់តែផុសជូនពរថ្ងៃខួបកំណើ ប៉ាអយ នាងក៏មានសំពាធដែរ។ ម៉ាដាម ថា ន់តែអ្នករាប់អានគ្នាខុសដែរមែន។

នៅក្នុងវីដេអូឆ្លើយតបទៅកាន់អ្នកថាវិលរកអ្នកចាស់វិញដោយសារអស់លុយចាយ ម៉ាដាម បានចោទជាសំណួរទៅកាន់អ្នកខម្មិននោះថា តើដឹងមកពីណាថានាងចាយលុយ ប៉ាអយ ហើយគិតថានាងយក ប៉ាអយ ដោយសារមានលុយឬ?។ ក្រោយមកអ្នកលក់អនឡាញរូបនេះបានពន្យល់ថាការដែលនាងរស់នៅជាមួយនឹងអតីតគូស្នេហ៍ដោយសារតែរស់នៅសប្បាយចិត្ត តស៊ូមកជាមួយគ្នា ហើយនាងទទួលបានពាក្យសម្តីច្រើនណាស់ដែលថានាងតោង ប៉ាអយ ដើម្បីភាពមានបាន។ ម៉ាដាម ថាពេលនេះនាងនិងអតីតគូស្នេហ៍គឺរាប់អានគ្នាដូចបងប្អូន ព្រមទាំងបញ្ជាក់ថានាងមិនចេះចាយលុយមនុស្សប្រុសនោះទេ ទោះបីជាលំបាកយ៉ាងណាក៏ដោយ។ ក្នុងពេលដែលមានមតិអវិជ្ជមាន អ្នកលេងបណ្តាញសង្គមមួយចំនួនទៀតក៏ចង់ឱ្យ ម៉ាដាម ដា និងអតីតគូស្នេហ៍នេះត្រូវគ្នាវិញផងដែរ។

កាលពីខែកក្កដា ឆ្នាំ២០២៤ ម៉ាដាម ដា ដែលពេលនោះស្ថិតក្នុងចំណោមអ្នកលក់អនឡាញជោគជ័យម្នាក់បានប្រកាសចែកផ្លូវគ្នាជាមួយនឹង ប៉ាអយ ដែលជាជនជាតិថៃនិងជាគូស្នេហ៍ដូចគ្នា បន្ទាប់ពីរួមសុខអស់រយៈពេល៨ឆ្នាំ។ ក្រោយពេលបែកពីគូស្នេហ៍ដែលជាភេទដូចគ្នា ម៉ាដាម ដា មានទំនាក់ទំនងជាមួយនឹងតារាសម្តែង ប៊ឺរី តែទំនាក់ទំនងមានត្រឹមតែ២ឆ្នាំប៉ុណ្ណោះអ្នកទាំងពីរក៏ជ្រើសរើសផ្លូវដើររៀងៗខ្លួន៕