កោះតាព្រហ្ម គឺជារមណីយដ្ឋានធម្មជាតិ និងជាកូនកោះដ៏ស្រស់ស្អាតមួយ នៅរាជធានីភ្នំពេញ។ កោះនេះ ជាទីតាំងល្បីល្បាញសម្រាប់ការសម្រាកលំហែ ការបោះតង់ ទេសភាពដងទន្លេ ព្រមទាំងសេវាកម្មស្ទូចត្រី និងម្ហូបអាហារបែបជនបទផងដែរ។.png)
កោះតាព្រហ្ម ស្ថិតនៅសង្កាត់ព្រែកឯង ខណ្ឌច្បារអំពៅ តាមផ្លូវជាតិលេខ ១ ដោយភ្ញៀវទេសចរចាំបាច់ត្រូវធ្វើដំណើរតាមកំពង់ដ ប្រហែល ៥ នាទី ទើបដល់កោះ។
បច្ចុប្បន្ន កោះនេះ ប្រឈមនឹងការបាត់ខ្លួនជាខ្លាំង ដោយមានការបាក់ស្រុតចូលទន្លេជាច្រើនកន្លែង ដែលធ្វើឱ្យកោះនេះរួមតូចទៅៗ។.png)
តាមរយៈវីដេអូបង្ហោះនៅលើបណ្តាសង្គម ដែលបង្ហាញពីស្ថានភាពច្រាំទន្លេកាន់តែបាក់ស្រុតទៅ មហាជន បានសម្តែងការសោកស្តាយ និងស្នើឱ្យរាជរដ្ឋាភិបាល មេត្តាត្រួតពិនិត្យលទ្ធភាពនៃការស្តាកោះនេះឡើងវិញ។
សូមបញ្ជាក់ថា កោះតាព្រហ្ម មានទំហំផ្ទៃដីប្រមាណ១១៦ហិកតា ត្រូវបានរាជរដ្ឋាភិបាលអនុញ្ញាតឱ្យក្រុមហ៊ុនឯកជនធ្វើការអភិវឌ្ឍន៍ជាតំបន់ពហុបំណង៕
