តារាចម្រៀង ថេណា បានបោះសម្តីពេញៗមាត់ចិត្តទៅកាន់ Admin ជីងចក់ ក្រោយពីអ្នកអធិប្បាយកីឡាបាល់ទាត់រូបនេះនិយាយមិនពិតពីគីឡូរបស់ខ្លួននិងថែមទាំងនិយាយថាលលោកដូចជាមនុស្សជក់ថ្នាំ។
តាមរយៈវីដេអូមួយដែលមានការចែកចាយនៅថ្ងៃទី៣០ ខែកក្កដា Admin ជីងចក់ បាននិយាយដាក់ ថេណា ថាមិនសង្ហានោះទេសាច់ដុំដូចកញ្ចាញ់ចេក ដោយបង្ហាញថាតារាចម្រៀងរូបនេះមានទម្ងន់ត្រឹមតែ៤៧គីឡូក្រាមប៉ុណ្ណោះ។ អ្នកនិយាយបាល់ទាត់រូបនេះថែមទាំងលើកឡើងថាមនុស្សប្រុសគីឡូ៤៧គឺស្គមពេក គ្មានសាច់គ្មានឈាមប្រៀបដូចជាមនុស្សជក់ថ្នាំ ហើយលោកក៏បានផ្តាំផ្ញើឱ្យ ថេណា ហូបឱ្យច្រើនប្រឹងគេងនិងញុំាអីផ្អែមៗដើម្បីឱ្យគីឡូឡើងដោយដឹងថា ថេណា ពុំសូវគេងនោះទេពេលយប់ឡើង។
វីដេអូនេះត្រូវបានតារាចម្រៀង ថេណា ចែករំលែកនៅលើបណ្តាញសង្គមដោយភ្ជាប់មកជាមួយនឹងសម្តីមុតស្រួចវិញថា «ដល់ម៉ោងលេបថ្នាំហើយ Choeun Chorkចេះតែឡប់ចឹងអ្នកមិនដឹងគេយល់ច្រឡំមានមនុស្សច្រើនណាស់ ចង់ដឹងពីកម្ពស់និងគីឡូ Zin ខ្ញុំថ្ងៃនេះប្រាប់ឱ្យដឹងកុំឱ្យឆ្ងល់ទៀត កំពស់ 1.75 គីឡូ 63»។.png)
ការលើកឡើងរបស់ Admin ជីងចក់ និង ថេណា បានទាក់ទាញការចាប់អារម្មណ៍គួរឱ្យកត់សម្គាល់ពីអ្នកលេងអ៊ីនធឺណិត។
គណនីមួយបានលើកឡើងថា «លេងគេរឿងជក់ថ្នាំ ដល់គេជេរឡប់វិញមានអីខុស លេងបន្លំមែន មែនបន្លំលេង ចាស់ភ្លើគេលេងវិញបែបchill chill ចឹង», «បើអ្នកអត់ជក់មុខដូចពូចក់សុខចិត្តយកអ្នកជក់វិញ»។ មតិខ្លះទៀតបានរិះគន់តារាចម្រៀងរូបនេះចំពោះពាក្យសម្តីមិនសមរម្យ។ គណនីមួយបានបញ្ចេញមតិថា «យាយមកគ្មានសីលធម៌មិនស្គាល់ចាស់ក្មេងសោះ៕
