តុលាការកំពូលអាមេរិកសម្រេចឱ្យកុ.មារកើតលើទឹកដីខ្លួនទាំងអស់ទទួលបានសញ្ជាតិស្វ័យប្រវត្តិ!

វាជាការសម្រេចចិត្តជាប្រវត្តិសាស្ត្រ និងក៏ដូចជាការបាក់មុខខ្លាំងមួយសម្រាប់សេតវិមាននៅពេលនេះ ក្រោយពីតុលាការកំពូលសហរដ្ឋអាមេរិក ទើបតែបានសម្រេចបដិសេធចំពោះការប៉ុនប៉ងរបស់លោកប្រធានាធិបតី Donald Trump ក្នុងការលុបចោលនូវសិទ្ធិទទួលបានសញ្ជាតិពីកំណើត សម្រាប់ទា.រកដែលកើតចេញពីឪពុក-ម្តាយជាជនអន្តោប្រវេសន៍ខុសច្បាប់។ នេះគឺជាបរាជ័យរបស់ប្រធានាធិបតី Donald Trump តែជាជ័យជំនះ និងក្តីរំពឹងចុងក្រោយបំផុតរបស់ឪពុក-ម្តាយជាជនអន្តោប្រវេសន៍ខុសច្បាប់ទាំងឡាយណាដែលបានមករស់នៅសហរដ្ឋអាមេរិក។

ជាលទ្ធផល នៅក្នុងសេចក្តីសម្រេចចិត្តតាមរយៈសំឡេងឆ្នោត ៦ ទល់នឹង ៣ ដែលដឹកនាំដោយប្រធានចៅក្រម លោក John Roberts បានបញ្ជាក់យ៉ាងច្បាស់ៗថា “គ្រប់កុមារទាំងអស់ដែលកើតនៅលើទឹកដីសហរដ្ឋអាមេរិក គឺត្រូវតែទទួលបានសញ្ជាតិអាមេរិកាំងដោយស្វ័យប្រវត្តិតាំងពីកំណើត”។ ហើយនេះជាសិទ្ធិស្របតាមវិសោធនកម្មទី១៤ នៃរដ្ឋធម្មនុញ្ញអាមេរិក ដែលបានអនុវត្តអស់រយៈពេលជាង ១៥០ ឆ្នាំមកហើយ ហើយអំណាចប្រតិបត្តិរបស់លោកប្រធានាធិបតី Trump ក៏មិនអាចកែប្រែបានឡើយ។

សេចក្តីសម្រេចដ៏សំខាន់មួយនេះ បានជួយការពារទារកប្រមាណជាង ២៥០,០០០ នាក់ ដែលកើតនៅសហរដ្ឋអាមេរិកជារៀងរាល់ឆ្នាំ ការពារមិនឱ្យបាត់បង់សិទ្ធិស្របច្បាប់ និងការពារពួកគេពីការក្លាយជា «ជនគ្មានសញ្ជាតិ» ស្របពេលដែលគ្រួសារជនអន្តោប្រវេសន៍ជាច្រើនបានបង្ហាញក្តីរំភើប និងលែងភ័យខ្លាចចំពោះការរើសអើងទៀតហើយ។

ជាការឆ្លើយតបភ្លាមៗបន្ទាប់ពីការប្រកាសនេះ លោកប្រធានាធិបតី Trump បានបង្ហាញការខកចិត្តយ៉ាងខ្លាំងនៅលើបណ្តាញសង្គម Truth Social ដោយលោកលើកឡើងថា៖ ការសម្រេចនេះ គឺមិនល្អទាល់តែសោះសម្រាប់ប្រទេសជាតិ ហើយវានឹងធ្វើឱ្យជនអន្តោប្រវេសន៍សម្រុកចូលអាមេរិកកាន់តែច្រើនដើម្បីបង្កើតកូនយកសញ្ជាតិ។

លោកក៏បានប្រកាសថា នឹងបន្តតស៊ូតាមផ្លូវច្បាប់ជាបន្តទៀត ដើម្បីរំលាយសិទ្ធិនេះឱ្យខាងតែបាន។
តើប្រិយមិត្តយល់យ៉ាងណាដែរចំពោះសេចក្តីសម្រេចរបស់តុលាការកំពូលអាមេរិកមួយនេះ? សូមបញ្ចេញមតិនៅខាងក្រោម! សូមកុំភ្លេចចុច Follow ដើម្បីទទួលបានព័ត៌មានថ្មីៗបន្ថែមទៀតពីសារព័ត៌មាន KBN News៕