វៀតណាម ក្លាយជាប្រទេសទី៣នៅអាស៊ាន ដាក់ពង្រាយមីសុីលប៉ាលីស្ទិក

វៀតណាម បានក្លាយជាប្រទេសទី៣នៅក្នុងតំបន់អាស៊ាន បន្ទាប់ពីមីយ៉ាន់ម៉ា និងឥណ្ឌូនេសុី ដែលដាក់ពង្រាយមីសុីលប៉ាលីស្ទិករយៈចម្ងាយខ្លី។

មីសុីលប៉ាលីស្ទីកនេះ មានឈ្មោះថា SCUD ដែលផលិតដោយសហភាពសូវៀត កាលពីអំឡុងសង្គ្រាមត្រជាក់។

បច្ចុប្បន្ន វៀតណាម កំពុងប្រើប្រាស់មីសុីលប៉ាលីស្ទីកចំនួន២ប្រភេទក្នុងនោះ SCUD-B របស់រុស្សុី និង SCUD-C ជារបស់ប្រទេសកូរ៉េខាងជើង។

មីសុីល SCUD អាចបាញ់បានក្នុងរយៈចម្ងាយខ្លីត្រឹមតែ១៣០គីឡូម៉ែត្រ តែបើក្នុងករណីវៀតណាមមានលទ្ធភាពផលិតល្បាលគ្រាប់នុយក្លេអ៊ែរ វាអាចបាញ់ចេញ១៥០គីឡូម៉ែត្រ។

ដោយឡែកចំពោះឥណ្ឌូនេសុីវិញ ប្រើប្រាស់ប្រព័ន្ធមីស៊ីល ខាន់(KHAN) ដែលអាចបាញ់ចេញចម្ងាយ២៨០គីឡូម៉ែត្រ ដែលផលិតដោយប្រទេសតួកគីយ៉េ។

ខណៈ មីយ៉ាន់កំពុងដាក់ពង្រាយ មីសុីលប៉ាលីស្ទិក SY-400 បាញ់បាន៤០០គីឡូម៉ែត្រ ជាផលិតផលិរបស់ប្រទេសចិន៕