យោងតាមប្រព័ន្ធផ្សព្វផ្សាយកូរ៉េការសម្តែងថ្មីៗនេះរបស់ Jennie បានទាក់ទាញអ្នកគាំទ្រតន្ត្រីរាប់ពាន់នាក់ នៅពេលដែលនាងបានបង្ហាញខ្លួនជាអ្នកសំដែងសំខាន់នៅក្នុងពិធីបុណ្យតន្ត្រី Governors Ball 2026 នៅទីក្រុងញូវយ៉ក សហរដ្ឋអាម៉េរិក។ ក្នុងនាមជាសិល្បករសំខាន់ម្នាក់ដែលបានបិទពិធីបុណ្យនេះ Jennie បានធ្វើឱ្យមានការចាប់អារម្មណ៍យ៉ាងខ្លាំងជាមួយនឹងភាពទាក់ទាញដ៏មានឥទ្ធិពល និងវត្តមានលើឆាកអាជីពរបស់ខ្លួន។
Jennie បានសម្តែងយ៉ាងស្វាហាប់ ដោយបង្ហាញពីភាពបត់បែនរបស់នាងនៅទូទាំងប្រភេទតន្ត្រី និងរចនាប័ទ្មផ្សេងៗគ្នា។ ការសម្តែងនេះទទួលបានការឆ្លើយតបយ៉ាងសាទរពីទស្សនិកជន ដែលធ្វើឱ្យតំណែងរបស់ Jennie កាន់តែរឹងមាំជាតារាចម្រៀងប៉ុបឈានមុខគេមួយរូបរបស់ពិភពលោក។ ដោយបើកឆាកជាមួយនឹងបទចម្រៀង «Filter» Jennie បានធ្វើឱ្យបរិយាកាសមានភាពស្រស់ស្រាយយ៉ាងឆាប់រហ័ស មុនពេលសម្តែងបទចម្រៀងពេញនិយមមួយចំនួនដូចជា «Damn Right» , «Mantra» និង «Handlebars»។.png)
ក្នុងរយៈពេលប្រហែល៦០ នាទី សមាជិក BLACKPINK រូបនេះបានសម្តែងបទចម្រៀងសរុបចំនួន ១៧បទដោយផ្ទាល់ ដោយរួមបញ្ចូលគ្នានូវសំឡេងច្រៀងដ៏មានអានុភាព ការរចនាឆាកដ៏គួរឱ្យចាប់អារម្មណ៍ និងចលនារាំដ៏ទាក់ទាញ។ ចំណុចលេចធ្លោដ៏ធំបំផុតមួយនៃកម្មវិធីនេះ គឺនៅពេលដែល Jennie បានច្រៀងបទចម្រៀងថ្មីដែលមិនទាន់ចេញផ្សាយរបស់នាងគឺ «Lock It Down»។ បទចម្រៀងនេះធ្លាប់ទទួលបានការចាប់អារម្មណ៍ពីមុន នៅពេលដែលនាងបានសម្តែងវានៅក្នុងពិធីជប់លៀងបន្ទាប់ពីកម្មវិធី Chanel នៅទីក្រុងសេអ៊ូល ប្រទេសកូរ៉េខាងត្បូង កាលពីចុងខែឧសភា។ នេះជាលើកដំបូងហើយដែលបទចម្រៀងនេះត្រូវបានសម្តែងនៅលើឆាកមហោស្រពតន្ត្រី ហើយវាទទួលបានការឆ្លើយតបយ៉ាងខ្លាំងពីទស្សនិកជន។.png)
ក្រៅពីបទនេះនៅមានបទចម្រៀងថ្មីផ្សេងទៀតដែល Jennie បានសម្តែងនៅលើឆាកជាហេតុកំពុងជំរុញឱ្យមានការរំពឹងទុកអំពីលទ្ធភាពនៃការចេញអាល់ប៊ុមទោលមួយទៀត បន្ទាប់ពីអាល់ប៊ុម «Ruby» ដែលបានចេញកាលពីមីនា ឆ្នាំ២០២៥។ ចាប់តាំងពីចុងឆ្នាំ ២០២៤ មក Jennie រូបនេះបានរក្សាប្រជាប្រិយភាពរបស់នាងជាប់លាប់ជាមួយនឹងបទចម្រៀង «Mantra» បន្ទាប់មកការចេញបទចម្រៀងទោលពីរបទទៀត។
Jennie បានពង្រឹងតំណែងរបស់នាងជាតារាចម្រៀងទោល Kpop កំពូលជាមួយនឹងអាល់ប៊ុម «Ruby» និងបទចម្រៀង «Like Jennie»។ ក្រៅពីការសម្តែងនៅ Governors Ball Jennie ក៏ត្រូវបានបញ្ជាក់ថានឹងចូលរួមក្នុងពិធីបុណ្យអន្តរជាតិធំៗជាច្រើននៅរដូវក្តៅនេះដែលពង្រឹងវត្តមានដ៏រឹងមាំរបស់នាងបន្ថែមទៀតនៅលើឆាកតន្ត្រីពិភពលោក៕
