ហ្វីយ៉ាតា លើកឡើងបែបនេះក្រោយអ្នកជិតខាងចោ.ទប្រកាន់តារាខ្មែរចំណាយលុយរាប់ពាន់ដើម្បីដើរលើកម្រាលព្រំក្រហម

បន្ទាប់ពីឃើញភាពលេចធ្លោរបស់កូនខ្មែរដើរលើកម្រាលព្រំក្រហមនៅឯមហោស្រពភាពយន្តកានលើកទី៧៩ អ្នកលេងបណ្តាញសង្គមថៃចេញមកចោទប្រកាន់រូបទាំងបង្កើតរូបភាពវីដេអូ AI ជាដើម។ រួមជាមួយនឹងមតិយោបល់ចោទប្រកាន់ថាភាគីខ្មែរចូលរួមដោយចំណាយប្រាក់សម្រាប់សំបុត្រចូលរួមចំណែកឯភាគីថៃវិញត្រូវបានគេអញ្ជើញ ហ្វីយ៉ាតា ចេញមកទម្លាយខ្ទេចគ្មានសល់។

ភាគីថៃបានធ្វើការចោទប្រកាន់ថាតារាខ្មែរចូលរួមក្នុងកម្មវិធី Cannes Festival 2026 នាពេលថ្មីៗនេះគឺត្រូវការចំណាយលុយក្នុងការទិញសំបុត្រដើម្បីចូលរួម។ ទោះយ៉ាងណា ហ្វីយ៉ាតា បានបង្ហាញថាភាគីថៃក៏ទិញសំបុត្រដើម្បីបានចូលរួមកម្មវិធីនេះដូចគ្នា។ នៅថ្ងៃទី២៦ ខែឧសភា បវរកញ្ញាចក្រវាលកម្ពុជាឆ្នាំ២០២៥ បានចេញមករៀបរាប់នៅលើបណ្តាញសង្គមរបស់ខ្លួនថា «ថាមិនចង់និយាយទេ តែកុំឱ្យពួកវាបានដៃពេក.. កុំឌឺដងខាងស្រុកខ្ញុំពេក ទិញសំបុត្រដើម្បីចូលរួមដូចគ្នាទេ.. កុំមកធ្វើ video ដៀលខាងផ្ទះខ្ញុំសុទ្ធតែ (ទិញៗ) ហើយខាងខ្លួនឯង សឹងតែគេ (invite).. ឃើញដើរម៉ោងតែ១ដែរសោះ» ។

ហ្វីយ៉ាតា ថា «ពួក Hollywood ថ្ងៃផ្សេង ម៉ោងផ្សង.. research ឱ្យដល់បានយល់.. មានតែពួកអ្នកស្រុកអ្នកឯងទេ បានជឿពួកអ្នកឯង… ប៉ិនមេស.. ថីមានលុយទិញតែឯងមែន? គេមានសមត្ថភាពទិញសំបុត្រ ហើយចង់តាមបិទសិទ្ធិគេទៀតមែន.. ដូចសុខជាទៅហ្នឹងក៏ទិញ បើទិញដែរបានជួបគ្នាទៀតបាត់..»។

ហ្វីយ៉ាតា លាតត្រដាងទៀតថា «កម្មវិធីដែលបង្ហាញខ្លួនហ្នឹង ខាងAgency ផ្នែកលក់សំបុត្រ ដើម្បីបានដើរបង្ហាញខ្លួនក្នុងកម្មវិធីហ្នឹងក៏បានទាក់ទងមកខ្ញុំដែរ… តម្លៃខ្ទង់ ២០០០$ ឡើងហើយ ៣ ៤ agencyដែលទាក់ទងមក.. តម្លៃខុសៗគ្នាតិចៗទាំងអស់ រហូតដល់មានអ្នកស្គាល់គ្នាឱ្យខ្សែរយៈខាងអ្នកខ្ញុំស្គាល់នៅបារាំងមក បានដឹងថាគេយកតែ ៥០០$ រឺ ៧០០$ អីទេ.. ហើយបានត្រឹមដើរលើព្រំក្រហមប៉ុណ្ណោះ តែគេនឹងរៀបចំបែងចែក videographer & photographer ឱ្យយើងម្នាក់មួយ Album គ្រប់គ្នា»។

បវរកញ្ញារូបនេះបន្ថែមទៀតថា «គេមានតាម package គេ.. ចឹងបើបងប្អូនខ្មែរយើងទិញ ដើម្បីដើរលើនោះ កុំប្រញាប់ពេក គួរចំណាយពេលផ្ទៀងផ្ទាត់តម្លៃមើលៗឱ្យអស់សិន.. តម្លៃខាងខ្លះខូច ថ្លៃម៉ង.. ហើយខាងអ្នកលក់សំបុត្រខ្លះ យកថ្លៃហើយឱ្យយើងបានត្រឹមដើរខាងមុខទេ តែអត់បានចូលក្នុងក៏មានដែរ.ចឹងត្រូវពិនិត្យឱ្យច្បាស់បងប្អូន.. ហើយម៉ោង ពួកតារា Hollywood ដើរផ្សេង និងអ្នកជាវសំបុត្រម៉ោងផ្សេង ត្រូវសួរនាំឱ្យច្បាស់សម្រាប់បងប្អូនអ្នកចង់ជាវឆ្នាំក្រោយៗ.. »។ ហ្វីយ៉ាតា រំលេចទៀតថា សម្រាប់អ្នកចង់ជាវឆ្នាំក្រោយគួរស៊ើបសួរឱ្យហើយចាប់ពីខែ ១ ឆ្នាំថ្មី ២០២៧ ដើម្បីត្រៀមលក្ខណៈស្រួលរៀប visa ផង។

ការលាតត្រដាងពីសំណាកបវរកញ្ញា ហ្វីយ៉ាតា បានជំរុញឱ្យមានការជជែកវែកញែកជាច្រើន៕