Mina បង្កឱ្យមានភាពចម្រូងចម្រាសដោយសារពាក់ក្រណាត់បាំងមុខពេលកំពុងសម្តែង

Mina សមាជិកក្រុម TWICE បានក្លាយជាចំណុចកណ្តាលនៃភាពចម្រូងចម្រាសនៅលើបណ្តាញសង្គម នៅពេលដែលនាងបានបង្ហាញខ្លួននៅលើឆាក ដោយពាក់ក្រណាត់ស្តើងបាំងមុខដែលគ្របដណ្ដប់លើផ្ទៃមុខរបស់នាង។

នៅក្នុងវីដេអូឃ្លីបដែលកំពុងចរាចរលើបណ្តាញសង្គម Mina សមាជិកក្រុម TWICE បានសម្តែងដូចសព្វមួយដង ប៉ុន្តែនាងបានបង្ហាញខ្លួនក្នុងការបិតបាំងពាក់កណ្តាលមុខរបស់នាង។ អ្នកទស្សនាមួយចំនួនបានរិះគន់ Mina ចំពោះការ «មិនឱ្យអ្នកគាំទ្រឃើញមុខរបស់នាង»ដោយចាត់ទុកថាវាមិនសមរម្យនៅលើឆាក។

ក្រោយមកមានព័ត៌មានបានលេចចេញមកថា Mina ទើបតែដកធ្មេញចេញថ្មីៗនេះដែលបណ្តាលឱ្យហើម។ ទោះបីជាស្ថិតក្នុងដំណាក់កាលនៃការជាសះស្បើយ និងមានអារម្មណ៍មិនស្រួលក៏ដោយ ក៏តារារូបនេះនៅតែបន្តកាលវិភាគសម្តែងរបស់នាង។ ការប្រើប្រាស់ក្រណាត់គ្របមុខរបស់នាងត្រូវបានគេជឿថាជាមធ្យោបាយមួយដើម្បីកាត់បន្ថយរូបភាពមិនទាក់ទាញនិងជួយនាងឱ្យមានអារម្មណ៍ជឿជាក់ជាងមុនក្នុងអំឡុងពេលសម្តែង។

អ្នកគាំទ្រជាច្រើនបាននិយាយការពារ Mina ដោយសង្កត់ធ្ងន់ថាការសម្រេចចិត្តរបស់នាងក្នុងការសម្តែងនៅលើឆាកទោះបីជាមានការឈឺចាប់ និងហើមក៏ដោយ គឺជារឿងគួរឱ្យសរសើរ។ អ្នកគាំទ្រក៏បានអះអាងផងដែរថា អ្នកណាដែលបានដកធ្មេញចេញនឹងយល់អំពីភាពធ្ងន់ធ្ងរនៃការហើមនេះ ហើយ Mina ដែលបិទមុខរបស់នាងគឺជាជម្រើសសមហេតុផលមួយដើម្បីជៀសវាងការត្រួតពិនិត្យរូបរាងរបស់នាង ខណៈពេលដែលសុខភាពរបស់នាងនៅតែមិនស្ថិតស្ថេរ។ អ្នកខ្លះថែមទាំងបានបញ្ចេញមតិថា ស្បៃមុខស្តើងនេះធ្វើឱ្យ Mina មើលទៅអាថ៌កំបាំងជាងមុន និងបង្កើតឥទ្ធិពលមើលឃើញដ៏ពិសេសមួយនៅលើឆាក។

Mina កើតនៅឆ្នាំ ១៩៩៧ នៅប្រទេសជប៉ុន។ ជាមួយនឹងរូបរាងដ៏ស្រស់ស្អាត និងសុភាពរាបសាររបស់នាង នាងក៏ជាសមាជិកដ៏ពេញនិយមបំផុតម្នាក់នៃ ក្រុមចម្រៀងនារី TWICE ផងដែរ ។ ដោយបានហ្វឹកហាត់របាំបាឡេអស់រយៈពេល ១១ ឆ្នាំ Mina តែងតែមានកាយវិការ និងអាកប្បកិរិយារបស់អ្នករាំបាឡេអាជីព។ នៅឆ្នាំ ២០២០ Mina ត្រូវដកខ្លួនចេញពីសកម្មភាពរបស់ក្រុម TWICE ជាបណ្ដោះអាសន្ន ដោយសារតែជំងឺថប់បារម្ភ។ បន្ទាប់ពីសម្រាកមួយរយៈ Mina បានត្រឡប់មកវិញ ហើយបានបង្ហាញសកម្មភាពឡើងវិញជាមួយនឹងសមាជិក TWICE ៕