បន្ទាប់ពីថតឈុតតំណាងជាតិនៅឯប្រាសាទអង្គរវត្ត បេក្ខភាព Miss Planet International 2025 បានគ្រងឈុតស្បៃខ្មែរយ៉ាងស្រស់ស្អាត។ សកម្មភាពរបស់បេក្ខភាព MPI ក៏ធ្វើឱ្យអ្នកលេងបណ្តាញសង្គមថៃក្តៅក្រហាយរហូតចូលមកបញ្ចេញមតិយោបល់ជាច្រើន។ ភាពស្រស់ស្អាតនៃស្បៃខ្មែរនេះគឺឆ្លុះបញ្ចាំងពីវប្បធម៌ខ្មែរដែលប្រទេសផ្សេងកុំចង់មកតោង។
ដូចអ្នកតាមដានវិស័យបវរកញ្ញាជ្រាបមកហើយថាបេក្ខភាពជាង៣០នាក់នៅក្នុងការប្រកួតកម្មវិធីបវរកញ្ញាដែលបង្កើតឡើយដោយស្នាដៃកូនខ្មែរ Miss Planet International កំពុងទាក់ទាញចំណាប់អារម្មណ៍ពីទស្សនិកជន។ ក្នុងឆ្នាំនេះការរៀបចំនិងការបង្ហោះរូបភាពនៅលើទំព័រផ្លូវការកាន់តែល្អប្រសើរជាងឆ្នាំមុនៗ ហើយបេក្ខភាពក៏បង្ហាញភាពរីករាយនិងបញ្ចេញសកម្មភាពនានា ស្របពេលដែល ស៊ីដនី ម៉ារិទ្ធ ដែលជាម្ចាស់ផ្ទះទោះបីជាខ្លួនឈឺយ៉ាងណាក៏នៅតែបំពេញតួនាទីបានល្អដែរ។
ស្ថិតនៅក្នុងខេត្តសៀមរាបប៉ុន្មានថ្ងៃមុននឹងវិលមករាជធានីភ្នំពេញវិញ បេក្ខភាព MPI បានថតរូបជាមួយនឹងឈុតតំណាងជាតិរៀងៗខ្លួនយ៉ាងស្រស់ស្អាតនៅលើទឹកដីប្រាសាទអង្គរវត្ត ខណៈក៏បានគ្រងឈុតស្បៃខ្មែរយ៉ាងស្រស់ស្អាតផងដែរ។ ស្បៃខ្មែរដ៏ស្រស់ស្អាតរបស់បេក្ខភាពនីមួយៗក៏ផ្អើលដល់ផេកគាំទ្របវរកញ្ញារបស់ប្រទេសវៀតណាមដូចគ្នា។
ជាមួយនឹងការចាប់អារម្មណ៍នេះ ពិតណាស់បេក្ខភាពដែលគ្រងឈុតស្បៃខ្មែរត្រូវបានអ្នកលេងបណ្តាញសង្គមថៃមួយចំនួនចូលមកបញ្ចេញមតិយោបល់ជាច្រើន។ ភាពកើតទុក្ខមិនសុខចិត្តនេះជនជាតិថៃទាំងនោះបានខម្មិនដាក់ការបង្ហោះនោះថាជាសំលៀកបំពាក់របស់ថៃ។
អ្វីដែលធ្វើឱ្យអ្នកជិតខាងកាន់តែចុកឈាមនោះកម្មវិធី Miss Planet International ក៏បាននាំបេក្ខភាពទាំងអស់ទៅទស្សនារបាំអប្សរាខ្មែរជាមួយនឹងការរាំយ៉ាងទន់ភ្លន់មិនដូចប្រទេសដែលខំចម្លងវប្បធម៌ខ្មែរនោះទេដែលចម្លងឈុតហើយរាំក្នុងទម្រង់មិនសមរម្យ៕
