ផលិតករ Teddy ទោះបីជាមិនបានចូលរួមពានរង្វាន់ Grammy Awards ឆ្នាំ២០២៦ដោយផ្ទាល់ក៏បានទទួលការថ្លែងអំណរគុណនិងការទទួលស្គាល់ពីអ្នកនិពន្ធបទចម្រៀងដែលបានទទួលពានរង្វាន់សម្រាប់បទចម្រៀង «Golden»។.png)
បទចម្រៀង «Golden» ពីអាល់ប៊ុមបទភ្លេងនៃខ្សែភាពយន្តគំនូរជីវចល «Kpop Demon Hunters» របស់ Netflix បានឈ្នះពានរង្វាន់ «Best Song Written For Visual Media» នៅឯពានរង្វាន់ Grammy លើកទី ៦៨ ដែលជាលើកដំបូងជាប្រវត្តិសាស្ត្រសម្រាប់ K-pop ក្នុងប្រភេទនេះ។ ពានរង្វាន់នេះត្រូវបានប្រកាសនៅក្នុងពិធីប្រគល់រង្វាន់មុនកម្មវិធី Grammy ដែលបានធ្វើឡើងនៅទីក្រុង Los Angeles នៅថ្ងៃទី ១ ខែកុម្ភៈ នៅសហរដ្ឋអាម៉េរិក។
ទោះបីជាវិស្វករថតសំឡេងជនជាតិកូរ៉េ Hwang Byeong Joon និងសិល្បករកូរ៉េ-អាម៉េរិក Yunin បានឈ្នះពានរង្វាន់ Grammy ក៏ដោយ ក៏ពានរង្វាន់ “Golden” គឺជាលើកទីមួយហើយដែលផលិតករ ឬអ្នកនិពន្ធបទចម្រៀង Kpop បានឈ្នះជាផ្លូវការនៅក្នុងប្រភេទនេះ។ តារាចម្រៀង EJAE , Teddy , 24 និង IDO ត្រូវបានផ្តល់កិត្តិយសជាអ្នកឈ្នះជាផ្លូវការនៃបទចម្រៀងនេះ។
បន្ទាប់ពីទទួលបានពានរង្វាន់ ផលិតករ និងអ្នកនិពន្ធបទចម្រៀង 24 បានឧទ្ទិសកិត្តិយសនេះដល់ Teddy ដែលមិនមានវត្តមាននៅក្នុងពិធីនោះទេ។ លោកបានបញ្ជាក់ថា ដំណើរការច្នៃប្រឌិតទាំងមូលគឺអរគុណដល់ Teddy ដោយហៅ Teddy ថាជា គ្រូដ៏អស្ចារ្យបំផុត មិត្តជិតស្និទ្ធបំផុត និងជាអ្នកត្រួសត្រាយផ្លូវនៃ Kpop។
Teddy Park មានឈ្មោះពិតថា Park Hong Jun គឺជាតារាចម្រៀង K-pop/rap ដ៏មានទេពកោសល្យម្នាក់ ដែលបានក្លាយជាអ្នកផលិតតន្ត្រី ដែលបានជួយបង្កើត និងគាំទ្រដល់ការឈានដល់កម្រិតអន្តរជាតិនៃតន្ត្រីកូរ៉េអស់រយៈពេលជាងពីរទសវត្សរ៍មកហើយ។ ស្នាដៃគួរឱ្យកត់សម្គាល់មួយចំនួនរបស់ Teddy រួមមានបទចម្រៀងសម្រាប់ក្រុម Big Bang, G-Dragon, Blackpink , PSY, Sunmi, 2NE1, CL, Somi និងជាច្រើនទៀត។ បច្ចុប្បន្ន Teddy គ្រប់គ្រងក្រុមហ៊ុនកម្សាន្ត The Black Label ដែលរួមមានសិល្បករដូចជា Rosé, Taeyang, MEOVV, Allday Project និង Park Bo Gum៕
