អ្នកបង្កើតមាតិកា ឆាឆា និងគូដណ្តឹងបានចូលរួមកម្មវិធីផតខាស់របស់ ខេ ដោយបានចែករំលែកពីរឿងរ៉ាវស្នេហាអ្នកទាំងពីររហូតឈានដល់ចំណុចមួយដែលចាស់ទុំទាំងសងខាងដឹងឮ។ ជាមួយគ្នានេះ ឆាឆា ក៏បានលាតត្រដាងពីមូលហេតុដែលស្រលាញ់ ទីនីន និងលាតត្រដាងចំណុចអវិជ្ជមានរបស់ ទីនីន ដូចគ្នា។
តាមការចែករំលែកវីដេអូនៅលើបណ្តាញសង្គមទិកតុក ឆាឆា បាននិយាយថាខ្លួននិងទីនីន បានស្គាល់គ្នាតាមរយៈកម្មវិធីសាលាកាលពីយូរណាស់មកហើយ។ បន្ទាប់មកក៏មានការអន់ចិត្តជាមួយគ្នាមិននិយាយរកគ្នា ហើយពេលនិយាយរកគ្នាវិញ ទីនីន បានទាក់ទងមកខ្លួនរឿងការងារហើយមួយរយៈក្រោយកាលពីឆ្នាំមុនគឺមានការស្និទ្ធស្នាលគ្នាខ្លាំង មានអ្វីធ្វើជាមួយគ្នាច្រើន។ អ្នកបង្កើតមាតិការូបនេះបានបញ្ជាក់ដែរថាចំណុចដែលខ្លួនពេញចិត្តទៅលើ ទីនីន នោះគឺ ទីនីន ឱ្យលុយហើយមិនមែនសុខៗឱ្យលុយនោះទេដោយសារតែខ្លួនខំប្រឹងធ្វើការដែរ។.png)
ឆាឆា ថាចំណុចមួយទៀតដែលចូលចិត្ត ទីនីន នោះគឺដោយសារតែ ទីនីន ចូលចិត្តផ្តល់ឱកាសឱ្យគេទោះបីជាការងារនោះអាចធ្វើបានដោយខ្លួនឯងក៏ដោយប៉ុន្តែសុខចិត្តយកលុយដែលខ្លួនឯងមានមកចែកឱ្យក្មេងៗដូចជាខ្លួនជា Content Creator បានមានចំណូលធ្វើឱ្យសេដ្ឋកិច្ចដើរ។ ចំណុចមួយទៀត ទីនីន គឺនិយាយត្រង់។ ឆាឆា បានពន្យល់ថានៅពេលទីនីន មិនពេញចិត្តអ្វីមួយគឺនាងនិយាយត្រង់ ហើយនៅមានចំណុចជាច្រើនទៀត។ ចំណុចដែល ឆាឆា មិនពេញចិត្ត ទីនីន នោះគឺនៅពេលនិយាយជាមួយទីនីន ទីនីន ធ្វើជាមិនឮ ដែលជាចំណុចមួយដែលខ្លួនស្អប់ដែលគេធ្វើដាក់បែបនេះ។ ប៉ុន្តែនៅពេល ទីនីន សួរខ្លួនវិញគឺធ្វើជាមិនឮដូចគ្នា។
គួរបញ្ជាក់ផងដែរថា សកម្មភាព ទីនីននិងឆាឆា កន្លងមកដែលបង្កើតជារូបភាពនិងវីដេអូជាមួយគ្នាបានធ្វើឱ្យទស្សនិកជនមានការចាប់អារម្មណ៍យ៉ាងខ្លាំង៕
