ចេញបទបែបសប្បាយៗដោយភ្ជាប់ឈ្មោះតារាចម្រៀង ជី ដេវីត និង ទេព បូព្រឹក្ស ក្នុងឃ្លាចម្រៀងរបស់ខ្លួនតារាចម្រៀង រ៉េដឃីង បែរជារងនូវមតិរិះគន់យ៉ាងទក់សាច់ពីអ្នកលេងបណ្តាញសង្គម។ ឃើញមានការរិះគន់មកកាន់ខ្លួនរហូតឈានដល់រិះគន់ដល់អ្នកមានគុណថែមទៀតតារាចម្រៀងរូបនេះបានសុំចិត្តកុំឱ្យប៉ះពាល់គ្រួសាររបស់លោកខណៈថែមទាំងព្រមានថាបើមានលើកក្រោយលោកជេរវិញហើយ។
នៅយប់ថ្ងៃទី៦ មករា រ៉េដឃីង បានបង្ហោះរូបភាពមួយសន្លឹកដែលថតចេញពីបទចម្រៀងរបស់លោកដែលបានចេញបែបខ្លីៗកាលពីថ្ងៃទី៤ មករា ដោយភ្ជាប់មកជាមួយនឹងចំណងជើងថា «ខ្ញុំផុសវីដេអូចម្រៀងខ្ញុំធម្មតា បទបែបSweet អត់ប៉ះពាល់អ្នកណាទេមិចបានត្រូវដៀលខ្ញុំ ហើយអ្នកខ្លះនិយាយដល់ឪម៉ែ ខ្ញុំហាមណា ឪម៉ែខ្ញុំឱ្យរកស៊ីទេ តែខ្ញុំស្រលាញ់សិល្បៈ ចឹងមានអីមិនពេញចិត្តកុំទៅដល់គាត់ ត្រឹមខ្ញុំបានហើយ នេះលើកទី១ តែលើកទី២ ប៉ះឪម៉ែខ្ញុំ ជេរវិញហើយ សុំទោសទុកមុនបងប្អូន»។
ម្ចាស់បទ «កុំឱ្យខ្ញុំដើរផ្លូវចាស់» បានបង្ហោះសំណេរមួយទៀតថា «ខ្ញុំអត់ដែលប៉ះពាល់អ្នកណាឬធ្វើអីបំពុលសង្គម តែមិចក៏មកជេរឆៅៗចឹង?អ្នកចម្រៀងលក់សាច់ជ្រូកក៏ខុស
ហេតុអី?»។ បន្ទាប់ពីបង្ហាញអារម្មណ៍របស់ខ្លួនកុំឱ្យអ្នករិះគន់ប៉ះពាល់សមាជិកគ្រួសារអ្នកគាំទ្រជាច្រើនក៏បានលើកទឹកចិត្តតារាចម្រៀង រ៉េដឃីង កុំឱ្យគិតច្រើនលើអ្នកមិនពេញចិត្តលោកផងដែរ។
មិនត្រឹមតែចេញជាសំណេររបស់ប៉ុណ្ណោះទេ រ៉េដឃីង គឺបានចេញជាវីដេអូថែមទៀតដោយបានរៀបរាប់ពីដំណើរដើមទងដូចអ្វីដែលលោកបង្ហោះជាសំណេរ។ រ៉េដឃីង បានទទូចម្តងហើយម្តងទៀតថាប្រសិនជាមិនពេញចិត្តលោកសូមកុំវាយប្រហារគ្រួសារលោកពីព្រោះម្តាយឪពុកលោកមិនបានពាក់ព័ន្ធនឹងការងារសិល្បៈរបស់លោកទេ៕
