សោ.កស្ដាយណាស់! លំនៅឋានពលរដ្ឋខ្មែរាប់ពាន់ខ្នង ត្រូវរងការបំផ្លា.ញនិងកាន់កាប់ដោយយោធាថៃ

បន្ទាយមានជ័យ៖ តាមការឲ្យដឹងពីអាជ្ញាធរខេត្តបន្ទាយមានជ័យ លំនៅឋានរបស់ប្រជាពលរដ្ឋ 2,324 ខ្នងនៃប្រជាពលរដ្ឋសរុប 7,152 គ្រួសារ ត្រូវបានរងផលប៉ះពាល់ដោយផ្ទាល់ក្រោយការរាយបន្លាលួស និងដាក់ទូកុងទីន័រហ៊ុមព័ទ្ធលំនៅឋានពលរដ្ឋកម្ពុជាដែលស្ថិតនៅក្រោមការគ្រប់គ្រងរបស់កម្ពុជាក្នុងភូមិសាស្ត្រភូមិជោគជ័យ ព្រៃចាន់ឃុំអូរបីជាន់ ស្រុកអូរជ្រៅ និងនៅតំបន់បឹងត្រកួន ឃុំគោរមៀត ឃុំបន្ទាយឆ្មារ ស្រុកថ្មពួក ខេត្តបន្ទាយមានជ័យ។

យោងតាមរបាយការណ៍របស់រដ្ឋបាលស្រុកអូរជ្រៅ និង រដ្ឋបាលស្រុកថ្មពួក នៃខេត្តបន្ទាយមានជ័យ ស្ដីពីផលប៉ះពាល់ក្នុងជម្លោះព្រំដែនកម្ពុជា-ថៃបានឱ្យដឹងថា ចំពោះស្រុកអូរជ្រៅមាន ប្រជាពលរដ្ឋរងផលប៉ះពាល់មានចំនួន 1.256 គ្រួសារស្មើនឹងមនុស្សរាយ 4707 នាក់ ស្រី 2,363 នាក់កុមារ1293នាក់។ ផ្ទៃដីរងផលប៉ះពាល់មានចំនួន 2091.13 ហិចតា ក្នុងនោះ ផ្ទៃដីលំនៅឋាននិងអាជីវកម្ម និងដីរដ្ឋមានចំនួន 2091.13 ហិចតា។

លំនៅឋានរងផលប៉ះពាល់មានចំនួន 829 ខ្នងអាជីវកម្មចំនួន 50 កន្លែង ចំពោះស្រុកថ្មពួក ពលរដ្ឋរងផលប៉ះពាល់មានចំនួន 5896គ្រួសារមនុស្សរាយ21512នាក់ ផ្ទៃដីរងផលប៉ះពាល់សរុបចំនួន 292 ហិចតា លំនៅឋានមានចំនួន 1495 ខ្នង។ សរុបផលប៉ះពាល់ទាំងពីរស្រុករបស់ ខេត្តបន្ទាយមានជ័យគឺមានពលរដ្ឋរងផលប៉ះពាល់ សរុបចំនួន 7,152 គ្រួសារ។ ដោយឡែកផ្ទៃដីរងផលប៉ះពាល់ មានចំនួនសរុប 2,383.13 ហិចតា។ លំនៅឋានសរុបមានចំនួន 2,324 ខ្នង។

លំនៅឋានរងផលប៉ះពាល់មានចំនួន 829 ខ្នងអាជីវកម្មចំនួន 50 កន្លែង ចំពោះស្រុកថ្មពួក ពលរដ្ឋរងផលប៉ះពាល់មានចំនួន 5896គ្រួសារមនុស្សរាយ21512នាក់ ផ្ទៃដីរងផលប៉ះពាល់សរុបចំនួន 292 ហិចតា លំនៅឋានមានចំនួន 1495 ខ្នង។ សរុបផលប៉ះពាល់ទាំងពីរស្រុករបស់ ខេត្តបន្ទាយមានជ័យគឺមានពលរដ្ឋរងផលប៉ះពាល់ សរុបចំនួន 7,152 គ្រួសារ។ ដោយឡែកផ្ទៃដីរងផលប៉ះពាល់ មានចំនួនសរុប 2,383.13 ហិចតា។ លំនៅឋានសរុបមានចំនួន 2,324 ខ្នង។

ជុំវិញបញ្ហានេះ រាជរដ្ឋាភិបាលកម្ពុជាបានធ្វើការតវ៉ាយ៉ាងខ្លាំងក្លាបំផុតប្រឆាំងនឹងការរំលោភបំពានរបស់ថៃ រួមទាំងការបន្តឈរជើង និងកាន់កាប់ដោយខុសច្បាប់ ប្រតិបត្តិការយោធារបស់កងកម្លាំង ប្រដាប់អាវុធថៃ នៅខេត្តទាំងបួនខាងលើរបស់កម្ពុជា។ ដោយមិនអើពើចំពោះស្មារតីនៃសេចក្តីប្រកាសរួម របស់កិច្ចប្រជុំពិសេសនៃគណៈកម្មាធិការព្រំដែនទូទៅ នាថ្ងៃទី២៧ ខែធ្នូ ឆ្នាំ២០២៥ ស្តីពីការហាមមិន ឱ្យមានសកម្មភាពញុះញង់ ការប្រើកម្លាំងគ្រប់ប្រភេទប្រឆាំងប្រជាជនស៊ីវិល និងគោលដៅស៊ីវិលក្នុង គ្រប់កាលៈទេសៈ កងទ័ពថៃកំពុងតែបង្កើនការវាយកម្ទេចហេដ្ឋារចនាសម្ព័ន្ធស៊ីវិល និងវប្បធម៌របស់កម្ពុជា ជាពិសេសនៅក្នុងភូមិព្រៃចាន់ ជោគជ័យ និងតំបន់បឹងត្រកួន ខេត្តបន្ទាយមានជ័យ និងនៅតំបន់ច្រក ទ្វារអន្តរជាតិថ្មដា ក្នុងខេត្តពោធិ៍សាត់ របស់កម្ពុជា។

អាស្រ័យហេតុនេះ កម្ពុជាសង្ឃឹមថា សហគមន៍អន្តរជាតិនឹងជួយជំរុញប្រទេសថៃឱ្យដោះស្រាយជម្លោះព្រំដែនស្របតាមច្បាប់អន្តរជាតិ និងកាតព្វកិច្ចរបស់ខ្លួន ក្រោមសន្ធិសញ្ញានិងកិច្ចព្រមព្រៀងដែលមានស្រាប់៕