ទីក្រុងគៀវ៖ នៅខណៈពេលដែលពិភពលោកកំពុងប្រតិកម្មនឹងការចាប់ខ្លួន ប្រធានាធិបតីវេណេស៊ុយអេឡា លោក នីកូឡាស ម៉ាឌូរ៉ូ ពីសំណាក់សហរដ្ឋអាមេរិក លោក វ៉ូឡូឌីមៀ ហ្សេឡេនស្គី ប្រធានាធិបតីអ៊ុយក្រែន ក៏បានបង្ហាញគំនិតចង់ឲ្យលោក ដូណាល់ត្រាំ ធ្វើការព័ទ្ធចាប់ខ្លួនមេដឹកនាំរុស្ស៊ី លោក វ៉ាឡាឌីមៀ ពូទីន ដូចគ្នាដែរ។.jpg)
យោងតាមពាក្យសំដីរបស់លោក ហ្សេឡេនស្គី បានថ្លែងទៅកាន់អ្នកសារព័ត៌មានកាលពីថ្ងៃអាទិត្យម្សិលមិញ បានឲ្យដឹងថា បន្ទាប់ពីបញ្ចប់ប្រតិបត្តិការដោយជោគជ័យក្នុងការចាប់ខ្លួនលោក ម៉ាឌូរ៉ូ ប្រធានាធិបតីវេណេស៊ុយអេឡា ពេលនេះលោកប្រធានាធិបតីត្រាំគួរតែដឹងហើយថា «តើនរណាជាអ្នកបន្ទាប់?».jpg)
លោក ហ្សេឡេនស្គី បានលើកឡើងបន្ថែមថា៖ «ប្រសិនបើអាមេរិកអាចចាត់ការជាមួយមេដឹកនាំផ្តាច់ការតាមវិធីនេះបាន នោះសហរដ្ឋអាមេរិកនឹងដឹងពីអ្វីដែលត្រូវធ្វើបន្ទាប់ហើយ» លោក ហ្សេឡេនស្គី បាននិយាយបន្ថែមដោយទទូចថា លោក Trump គួរតែដោះស្រាយជាមួយលោក Putin តាមវិធីដូចគ្នា។ ក្នុងន័យនេះ មេដឹកនាំរបស់អ៊ុយក្រែន ហាក់បង្ហាញពីចេតនាចង់ជំរុញឲ្យមេដឹកនាំសហរដ្ឋអាមេរិក ធ្វើការចាប់ខ្លួនលោកពូទីន ដូចប្រតិបត្តិការដែលលោកបានធ្វើចំពោះមេដឹកនាំវេណេស៊ុយអេឡាដែរ។.jpg)
ដោយឡែក ទាក់ទងនឹងប្រតិបត្តិការរបស់អាមេរិកក្នុងការចាប់ខ្លួន លោក ម៉ាឌូរ៉ូ ដដែលនេះ ប្រទេសរុស្ស៊ីបានបង្ហាញប្រតិកម្មនិងជំហរផ្ទុយពីប្រទេសអ៊ុយក្រែន ដែលដូចទៅនឹងប្រទេសជាច្រើនផ្សេងទៀត គឺរុស្ស៊ី ជំរុញឲ្យសហរដ្ឋអាមេរិក ធ្វើការដោះលែងលោក ម៉ាឌូរ៉ូ និង ភរិយារបស់លោកមកវេណេស៊ុយអេឡាវិញ ព្រមទាំងធ្វើការថ្កោ.លទោសយ៉ាងដាច់អហង្ការចំពោះការសម្រេចចិត្តរបស់លោកត្រាំ។.jpg)
តែទោះជាយ៉ាងណា ដោយប្រឈមមុខនឹងការចោទប្រកាន់ពីបទភេរវកម្មគ្រឿងញៀនសហព័ន្ធដ៏ធំពីសំណាក់សហរដ្ឋអាមេរិក ប្ដីប្រពន្ធមេដឹកនាំរបស់វេណេស៊ុយអេឡា នឹងត្រូវដាក់ឲ្យស្ថិតក្រោមការឃុំខ្លួននៅមជ្ឈមណ្ឌលឃុំឃាំង Metropolitan ក្នុងទីក្រុង Brooklyn ហើយអ្នកទាំងពីរត្រូវបានគេរំពឹងថា នឹងឡើងបង្ហាញខ្លួនក្នុងសវនាការរបស់តុលាការសហព័ន្ធនៅដើមថ្ងៃចន្ទសប្ដាហ៍នេះ៕
