សូម្បីតែថៃដូចគ្នាក៏យល់ថាមិនទង្វើរបស់រដ្ឋាភិបាលថៃនៅពេលនេះគឺជារឿងដែលគួរឲ្យអាម៉ាសផងដែរ ព្រោះនៅខណៈដែលបានចូលរួមកិច្ចប្រជុំ GBC ភាគីទាំងពីរបានឯកភាពគ្នាហើយថា នឹងមានការដោះលែងយោធិនកម្ពុជា 18នាក់ ក្រោយបទឈប់បា.ញ់ 72ម៉ោង ប៉ុន្តែមកទល់នឹងពេលនេះភាគីថៃនៅតែលេបសម្ដី ដោយលើកយកមូលហេតុបែបនេះបែបនោះដើម្បីជាលេសបន្តពន្យាពេលការដោះលែងនោះម្ដងហើយម្ដងទៀត។.jpg)
ការណ៍នេះបានជំរុញឲ្យលោក Pravit Rojanaphruk អតីតអ្នកកាសែតដ៏ឆ្នើមម្នាក់របស់ប្រទេសថៃបានបង្ហោះសារនៅលើបណ្ដាញសង្គមយ៉ាងដូច្នេះថា៖ វាដល់ពេលត្រូវដោះលែងទាហានកម្ពុជាទាំង 18នាក់ហើយ។ កុំពន្យារពេលទៀតអី វានឹងបំផ្លាញភាពជឿជាក់ និងទំនុកចិត្តរបស់ប្រទេសដទៃមកលើ ប្រទេសថៃ!
បន្ថែមលើនោះ លោក Pravit ក៏បាននិយាយទៀតថា វាមិនសមទាល់តែសោះ ដែលនៅបន្តឃុំខ្លួនទាហានកម្ពុជា ដោយលើកឡើងពីហេតុផលប្រទះឃើញដ្រូនហោះចូលទឹកដីថៃ ពីព្រោះអន្តរជាតិអាចចាត់ទុកប្រទេសថៃថាបំពានពាក្យសន្យារបស់ខ្លួន។
ក្នុងនេះលោក Pravit ចង់បង្ហាញការយល់ឃើញរបស់លោកថា កាលដែលរដ្ឋាភិបាលថៃនៅបន្តពន្យាពេលការដោះលែងទាហានខ្មែរទាំងដែលពួកគេត្រូវបានចាប់ឃុំខ្លួនដោយខុសច្បាប់បែបនេះ នឹងទាញថៃឲ្យធ្លាក់ចុះនូវតម្លៃ និងការជឿទុកចិត្ត ពីសំណាក់ប្រទេសដទៃមើលមកកាន់ខ្លួន។
មិនត្រឹមតែបានទាមទារឲ្យមានការដោះលែងទាហានខ្មែរទាំង 18នាក់ជាបន្ទាន់នោះទេ កន្លងមកគេតែងសង្កេតឃើញថា លោក Pravit គឺជាជនជាតិថៃមួយរូបដែលមានការគិតនៅកណ្ដាល មានហេតុផលត្រឹមត្រូវក្នុងការលើកឡើងពីជម្លោះរវាងប្រទេសថៃជាមួយកម្ពុជា និងតែងតែដាស់តឿនដល់រដ្ឋាភិបាល និងក្រុមជ្រុលនិយមរបស់ថៃ ឲ្យផ្លាស់ប្ដូរផ្នត់គំនិតគាំទ្រយោធាធ្វើសង្រ្គា.មជាមួយប្រទេសជិតខាងចេញ។
ជាក់ស្ដែង កាលពីពេលថ្មីៗនេះ អតីតអ្នកកាសែតឆ្នើមរូបនេះបាននិយាយដោយត្រង់ថា យោធាថៃកំពុងតែ«ស្រវឹងសង្រ្គាម»ធ្វើអ្វីលែងដឹងខុសត្រូវ និងលែងខ្វល់ពីការមើលឃើញរបស់អន្តរជាតិមកលើខ្លួនហើយ។ លោកបានផ្ដាំទៅក្រុមជ្រុលនិយមថៃ ឲ្យបើកភ្នែកមើលការចុះផ្សាយរបស់សារព័ត៌មានអន្តរជាតិផង ថាពួកគេបានកត់សម្គាល់ពីចរិតព្រៃផ្សៃរបស់យោធាថៃធ្វើលើកម្ពុជាយ៉ាងម៉េចខ្លះ? ជាពិសេសកាលដែលទៅបំផ្លាញរូបសំណាកព្រះវិស្ណុទាំងដែលទីតាំងនោះស្ថិតនៅក្នុងដីកម្ពុជា បានប៉ះពាល់ដល់កេរ្តិ៍ឈ្មោះប្រទេសខ្លាំងបំផុត។
ទាំងនេះ គឺជាការលើកឡើងរបស់អតីតអ្នកកាសែតដ៏ឆ្នើមរបស់ថៃ ដែលបានធ្វើរៀបរាប់ចំៗមិនខ្លាចមតិរិះគន់នៅលើបណ្តាញសង្គមហ្វេសប៊ុកផ្លូវការរបស់លោក ក៏ដោយសារតែលោកចង់បង្ហាញពីភាពត្រឹមត្រូវ និងការពិតប្រាប់ទៅកាន់ប្រជាជនថៃគ្រប់ៗគ្នា។ តែទោះជាយ៉ាងណាក៏ដោយ មនុស្សដែលនិយាយត្រង់មិនសូវទទួលបានការឲ្យតម្លៃឡើយនៅក្នុងសង្គមថៃបច្ចុប្បន្ន៕.jpg)
