សុខ ពិសី ថាឃើញនាងចាស់កុំភ្ញាក់ផ្អើលព្រោះជាមនុស្សមិនមែនជាទេវតា

តារាចម្រៀង សុខ ពិសី តែងតែត្រូវបានអ្នកគាំទ្រស្រលាញ់ជាច្រើនជាពិសេសតារាចម្រៀងរូបនេះមិនប្រកាន់ថែមទាំងរីករាយជាមួយអ្នកគាំទ្របើទោះបីជាមានការកាត់តរូបភាពឬ Toll ជាដើម។ មិនត្រឹមតែប៉ុណ្ណោះតារាចម្រៀងស្រីក្នុងទ្រនំសាន់ដេរូបនេះបានធ្វើឱ្យសាធារណជនភ្ញាក់ផ្អើលពេលឃើញ សុខ ពិសី ចេញមកប្រតិកម្មខ្លាំងៗទៅកាន់ប្រទេសថៃទោះបីជានាងជា BA ឱ្យផលិតផលថៃក្តី។
https://blogger.googleusercontent.com/img/b/R29vZ2xl/AVvXsEjX0k6BBiw0BkcD9PWyGSZiL5GWEg9qcGmShrA_lRyl5pvfMCasQt9yPGP6MeC7VTQyu78mkfSFxdVCVsXrPZMFvB2nmKeEGXkzmJvMQWcc7uxDYDxqnrTwDK1NGzlMGJIT94JXUZiNt_fo7biY2YWsYG6NLVZV5Mbz9dHXSAlINQXFVdlNV8c6IV2kDj3X/s2048/image_2025-10-31_15-27-19%20(2).pnghttps://blogger.googleusercontent.com/img/b/R29vZ2xl/AVvXsEjX0k6BBiw0BkcD9PWyGSZiL5GWEg9qcGmShrA_lRyl5pvfMCasQt9yPGP6MeC7VTQyu78mkfSFxdVCVsXrPZMFvB2nmKeEGXkzmJvMQWcc7uxDYDxqnrTwDK1NGzlMGJIT94JXUZiNt_fo7biY2YWsYG6NLVZV5Mbz9dHXSAlINQXFVdlNV8c6IV2kDj3X/s2048/image_2025-10-31_15-27-19%20(2).png
យ៉ាងណាមិញ ថ្មីៗនេះរូបភាពរបស់ សុខ ពិសី ដែលអង្គុយញុំាអីហាក់ធ្វើឱ្យមានការជជែកវែកញែកពីអ្នកនិយមលេងអ៊ីនធឺណិតមួយចំនួន រហូតដល់តារាចម្រៀង សុខ ពិសី ចេញមកបង្ហោះសំណេរហាក់ដូចជាកំពុងអន់ចិត្ត។

សុខ ពិសី បានបង្ហោះថា «ខ្ញុំជាមនុស្សមិនមែនទេវតា ខ្ញុំចេះចាស់ ចេះឈឺ ក៏ចេះស្លាប់ដូចអ្នកគ្រប់គ្នា ដូចច្នេះបើថ្ងៃមុខឃើញខ្ញុំចាស់ សូមកុំភ្ញាក់ផ្អើលពេក សុំអង្វរ»។ តារាចម្រៀងវ័យ៣៥ឆ្នាំរូបនេះក៏បានចែករំលែកខ្លឹមសារមួយដោយភ្ជាប់មកសម្តីដែរថា «Real fan តែងតែឃើញ សុខពិសី ស្អាត បើមិនមែនហ្វេនវិញ និយាយពីថាទើសអត់ឈប់»។

គួរបញ្ជាក់ផងដែរថា ដ្បិតតែប្រឡូកក្នុងអាជីពសិល្បៈច្រើនឆ្នាំ សុខ ពិសី នៅតែមានទីផ្សារទាក់ទាញទស្សនិកជនជាមួយនឹងបទចម្រៀងមនោសញ្ចេតនាដែលជាពណ៌ផ្ទាល់ខ្លួនរបស់តារាស្រីរូបនេះ។ ក្រៅពីអាជីពសិល្បៈ សុខ ពិសី គឺជាថៅកែរូបមួយលើអាជីវកម្មតែគុជ។ មានសម្រស់ស្អាត សំឡេងក៏ពីរោះ សុខ ពិសី ទុកបេះដូងឱ្យនៅទំនេរ មិនព្រមបើកចំហចំណងស្នេហ៍ជាសាធារណៈឡើយ៕