កាលពីថ្ងៃទី២៦ ខែតុលា ឆ្នាំ២០២៥ ប្រជាពលរដ្ឋខ្មែរបានសាទរយ៉ាងខ្លាំងនៅពេលនាយករដ្ឋមន្រ្តីកម្ពុជានិងថៃបានចុះកិច្ចព្រមព្រៀងសន្តិភាព នៅកិច្ចប្រជុំកំពូលអាស៊ាន នៅប្រទេសម៉ាឡេស៊ីដែលមានប្រធានាធិបតី ដូណាល់ ត្រាំ និងលោក អាន់វ៉ា អ៊ីប្រាហ៊ីម ធ្វើជាសាក្សី។ ព្រឹត្តិការណ៍នេះបានជំរុញឱ្យពិធីការិនី សុភ័ក្រ កុសុម៉ា រំភើបចិត្តយ៉ាងខ្លាំងប៉ុន្តែនាងថាការពហិការទំនិញថៃនៅតែបន្ត។ ងាកមកកាន់តារាចម្រៀង កែវ វាសនា វិញក៏បានសន្យាដែរថាមិនជាន់ទឹកដៃថៃ។.png)
អ្នកនាង កុសុម៉ា បានបង្ហោះនៅលើផេកធំកាលពីថ្ងៃទី២៦ តុលា ថា «ថ្ងៃនេះរំភើបដល់ស្រក់ទឹកភ្នែក ទីបំផុតប្រទេសដ៏ស្លូតត្រង់របស់យើងទទួលបានសុខសន្តិភាពហើយ។ សូមគោរពអរគុណនិងដឹងគុណថ្នាក់ដឹកនាំដែលលោកបានខិតខំប្រឹងប្រែង ពុះពារគ្រប់ឧបសគ្គដើម្បីរកសុខសន្តិភាពជូនប្រទេសជាតិ។ ពេលនេះលោកអាចសម្រាន្តលក់ស្រួលវិញហើយ បញ្ជាក់ ពហិការនៅតែបន្ត»។
ខ្លឹមសាររបស់ សុភ័ក្រ កុសុម៉ា ដែលប្តេជ្ញាចិត្តចំពោះការពហិការទំនិញសៀមនេះបានធ្វើឱ្យពលរដ្ឋជាច្រើនទៀតបានបង្ហាញការគាំទ្រនិងតាំងចិត្តបែបនេះដូចគ្នាទោះបីជាស្ថានភាពពេលនេះប្រទេសទាំងពីរវិលទៅរកភាពប្រសើរ ប៉ុន្តែពួកគេមិនវិលទៅគាំទ្រផលិតផលថៃដូចមុនទៀតឡើយ។.png)
ងាកមិនកាន់តារាចម្រៀងក្នុងទ្រនំសាន់ដេគឺ លោក កែវ វាសនា វិញបានសន្យាជាមួយនឹងទស្សនិកជនថានឹងមិនជាន់ទឹកដីថៃឡើយ។ នៅថ្ងៃទី២៧ ខែតុលា ម្ចាស់បទ«ចង់វិលរកសង្សារចាស់» បានបង្ហោះថា «ខ្ញុំមិនជោរទេនិយាយមែន ទោះបើកច្រកវិញក៏ខ្ញុំសន្យានឹងខ្លួនឯងហើយថាលែងជាន់ប្រទេសនោះទៀតសន្យាគឺសន្យា»។
គួរបញ្ជាក់ផងដែរថា មិនត្រឹមតែពិធីការិនី សុភ័ក្រ កុសុម៉ា តារាចម្រៀង កែវ វាសនា ប៉ុណ្ណោះទេដែលជំរុញចលនាមិនគាំទ្រផលិតផលថៃនិងមិនជាន់ទឹកដីថៃតទៅទៀតទោះបីជាប្រទេសទាំងពីរមានស្ថានភាពល្អប្រសើរ ប៉ុន្តែសិល្បករនិងសិល្បការិនីជាច្រើនទៀតក៏បានបំផុសស្មារតីនិងប្តេជ្ញាចិត្តបែបនេះដូចគ្នា៕
