Cheng Yi ទទួលបានមតិវិជ្ជមានវិញក្រោយរឿងថ្មីជាមួយ Li Yitong ចាក់ផ្សាយ

បន្ទាប់ពីស្ងប់ស្ងាត់មួយរយៈដោយសារតែរងការរិះគន់ក្នុងរឿង «The Journey of Legend» តារាសម្ដែង Cheng Yi បានត្រឡប់មកវិញជាមួយនឹងរឿងថ្មីមានចំណងជើងថា «Sword and Beloved»ជាមួយនឹងតារាស្រី Li Yitong។ រឿងនេះ Cheng Yi ទទួលបានមតិវិជ្ជមានពីទស្សនិកជន។

ស្នាដៃនេះដឹកនាំដោយ Du Lin ដោយមានការចូលរួមពី Cheng Yi, Li Yitong, He Rui Xian, Guo Jun Chen និងសិល្បករជាច្រើនរូបទៀត។ ក្នុងរឿង «Sword and Beloved» តារាសម្តែង Cheng Yi ដើរតួជា Wangquan Fu Gui ជាយុវជនម្នាក់ដែលត្រូវបានលើកឡើងជាអាវុធចុងក្រោយដើម្បីបំផ្លាញអារក្ស។ ជីវិតរបស់តួឯកប្រុសត្រូវបានផ្លាស់ប្តូរនៅពេលដែលបានជួប Qing Tong ជាតួឯកស្រីដែលជាបិសាចពីងពាងដែលជ្រៀតចូលទៅក្នុងផ្ទះតួប្រុសក្នុងនាមជាចារកម្ម។ ពីទំនាក់ទំនងដែលបានកំណត់ទុកជាមុនជាមួយនឹងឧបសគ្គជាច្រើន អ្នកទាំងពីររួមគ្នាបន្តដំណើរដើម្បីទទួលបានសេរីភាព និងបំណងប្រាថ្នាសម្រាប់ឯកភាពសកល។

នៅថ្ងៃដំបូងនៃការចាក់ផ្សាយ ខ្សែភាពយន្តនេះបានបង្កើតកំណត់ត្រាគួរឱ្យចាប់អារម្មណ៍ចំនួន ២ ក្នុងឆ្នាំ២០២៥ ក្លាយជាខ្សែភាពយន្តឈានដល់សញ្ញាសីតុណ្ហភាព ៦០០០លឿនបំផុតបន្ទាប់ពីត្រឹមតែ ៨០ នាទីនិងមានសីតុណ្ហភាពខ្ពស់បំផុតនៅថ្ងៃដំបូងនៅលើ iQIYI ឈានដល់ ៨០២០ពិន្ទុ។ ទោះជាយ៉ាងណាក៏ដោយបន្ទាប់ពីការចាក់ផ្សាយពីរបីថ្ងៃចំនួននៃការមើលជាមធ្យមនៃខ្សែភាពយន្តនេះបានប្រែប្រួលពី ១៨-១៩ លានដងដែលមិនទាន់អាចបំបែកកំណត់ត្រាផ្សេងឡើយ។ជាការតបស្នងវិញ ភាពយន្តនេះបានទទួលនូវមតិ វិជ្ជមានពីទស្សនិកជន ដោយសារឥទ្ធិពលពិសេសដ៏ស្រស់ស្អាត ឈុតឆាកសកម្មភាពដ៏អស្ចារ្យ និងតន្ត្រីដ៏ប៉ិនប្រសប់។ Cheng Yi ត្រូវបានគេសរសើរចំពោះអាកប្បកិរិយាស្ងប់ស្ងាត់ និងការបញ្ចេញទឹកមុខដ៏ស្រទន់របស់ខ្លួន ខណៈ Li Yitong រកបានពិន្ទុសម្រាប់សម្រស់ដ៏ទន់ភ្លន់និងស្រស់ស្អាតរបស់នាង។

ថ្វីដ្បិតតែចំនួនអ្នកទស្សនាមិនទាន់ផ្ទុះឡើងក៏ដោយ ប៉ុន្តែភាពយន្តនេះនៅតែត្រូវបានចាត់ទុកថាជាជំហានទៅមុខដើម្បីជួយឱ្យ Cheng Yi ទទួលបានកេរ្តិ៍ឈ្មោះឡើងវិញបន្ទាប់ពីរងការរិះគន់ចាស់ដៃពីខ្សែភាពយន្ត«The Journey of Legend» ។ ខ្សែភាពយន្ដនេះបង្ហាញពីការខិតខំប្រឹងប្រែងរបស់ Cheng Yi នៅក្នុងប្រភេទរឿងភាគប្រវត្តិសាស្ត្រដែលមានការប្រកួតប្រជែងខ្លាំងរបស់ទូរទស្សន៍ចិន៕