ញាក់សាច់! ផេកគាំទ្រតារាថៃ Freen Sarocha ព្រ.មានទៅកាន់អ្នកគាំទ្រ K-Pop ក្រោយបែ.កធ្លា.យសំឡេងឆាតក្នុងក្រុម

ថ្មីៗនេះនៅលើបណ្តាញសង្គមមានការវែកញែកយ៉ាងច្រើនពីអ្នកគាំទ្រកម្ពុជារបស់តារាថៃ Freen Sarocha និងអ្នកគាំទ្រក្រុមចម្រៀង K-Pop ដែលទាស់ពាក្យសម្តីគ្នាយ៉ាងក្តៅគគុក។ អ្វីដែលកាន់តែក្តៅគគុកក្រុមអ្នកគាំទ្រតារាថៃថែមទាំងចេញលិខិតជូនដំណឹងថែមទៀតបន្ទាប់ពីបែកធ្លាយសំឡេងឆាតនៅក្នុងក្រុមដែលមានការចែកចាយថាមានចំនួន២៥០នាក់។

មានអ្នកគាំទ្រជាច្រើនដែលធ្លាប់គាំទ្រតារាថៃពីមុនបានផ្លាស់ប្តូរការគាំទ្របន្ទាប់ពីថៃបង្កសង្គ្រោមធ្វើឱ្យទាហានខ្មែរច្រើនរូបពលី ពលរដ្ឋជាច្រើនគ្រួសាររងទុក្ខវេទនា ខណៈទាហានទាំង១៨នាក់ដែលថៃចាប់យកទៅទាំងខុសច្បាប់នៅមិនទាន់មានការដោះលែងនៅឡើយ។ ពលរដ្ឋកម្ពុជាមួយផ្នែកធំក៏បានចាប់ផ្តើមពហិការទំនិញសៀមចំណែកផេកគាំទ្រវិស័យ Kpop ដែលមានក្រុមមានជនជាតិថៃក៏ប្រកាសមិនអាប់ដេតសកម្មភាពពួកគេទៀតនោះទេដូចជា Lisa សមាជិក BLACKPINK រួមទាំង Chiquita និង Pharita ដែលជាសមាជិក BABYMONSTER។

ទោះយ៉ាងណាថ្មីៗនេះនៅលើបណ្តាញសង្គមស្រាប់តែផ្ទុះសង្គ្រាមពាក្យសម្តីរវាងអ្នកគាំទ្រតារាថៃនិងអ្នកគាំទ្រ K-Pop នៅក្នុងប្រទេសកម្ពុជាព្រោះតែនៅបង្ហាញសកម្មភាពគាំទ្រតារាថៃដដែល។ ដើមចមដំបូងគឺមានការវែកញែកពីតារា Kpop Soobin នៃសមាជិក TXT និងអ្នកគាំទ្រ Freen Sarocha រហូតមានការរីករាលដាលបន្ថែមទៀត។

លើសពីនេះក៏មានការបែកធ្លាយនៃសំឡេងក្នុងក្រុមរបស់អ្នកគាំទ្រតារាថៃ Freen ខណៈមានការបង្ហើបថាក្នុងក្រុមនោះមានសមាជិកគាំទ្រតារាថៃចំនួន២៥០នាក់។

ក្រោយពីសំឡេងនិងឆាតបានបែកធ្លាយនៅលើបណ្តាញសង្គមស្រាប់តែមានការចែកចាយលិខិតមួយពីអ្នកគាំទ្រ K-Pop ដែលបង្ហាញថាម្ចាស់ផេក Freen Sarocha Official ចេញលិខិតជូនដំណឹងស្តីពីការរំលោភបំពានសិទ្ធិក្នុងការផ្សព្វផ្សាយចេញជាសាធារណៈ។ ក្នុងលិខិតនោះបានសរសេរថា ៖ យើងខ្ញុំក្នុងនាមជាអ្នកគ្រប់គ្រង Page Facebook / Telegram Channel Freen Sarocha Official សូមជម្រាបជូនដំណឹងដល់អ្នកដែលបានតាមដានផេក ឬ ឆាណែល របស់ពួកយើងឱ្យបានដឹងថា នៅថ្ងៃទី ៧ ខែតុលា ឆ្នាំ២០២៥ គ្រុបឆាណែលរបស់យើងខ្ញុំ ត្រូវបានជនបណ្តាញសង្គមខាងក្រៅ ធ្វើការថត Screenshot យកទៅផុសនៅក្នុងបណ្តាញសង្គមដោយប្រើពាក្យប្រមាថមើលងាយនិងសម្ដីអសុរោះ និងការចូលរួម comment ដោយពាក្យមិនសមរម្យជាច្រើន ដូច្នេះហើយក្នុងនាមយើងខ្ញុំជា អេតមីន ឆាណែល សូមប្រកាសជាសាធារណៈចំពោះការប្រមាថតាមបណ្តាញសង្គម Facebook អ្នក បង្ហោះរូបភាព សម្លេង និងបានបរិហារកេរ្តិ៍ ជាសាធារណៈ ឬ ជេរប្រមាថ គេតាមបណ្តាញសង្គម Facebook & comment យើងសូមធ្វើការរក្សាសិទ្ធិជាឯកជនរបស់ពួកយើងក្នុងការដាក់ពាក្យបណ្តឹងព្រហ្មទណ្ឌ ដើម្បីជាការរក្សាកិត្តិយសរបស់ខ្លួន យោងតាមមាត្រា ៣០១, ៣០២, ៣០៣, ៣០៧ ច្បាប់ស្តីពី បទ ស្តាប់ ឬ ថត ពាក្យសម្ដីឯកជនយកទៅបង្ហោះសាធារណៈ»។

អ្នកគាំទ្រតារាថៃ Freen បានព្រមានអ្នកដែលបានប្រព្រឹត្តិនូវទង្វើទាំងនោះឱ្យធ្វើការលុប និងបញ្ឈប់ទង្វើ អសីលធម៌បែបនេះ ព្រោះក្រុមការងាររបស់ពួកគេបានធ្វើការប្រមូលថតទុកជាព័ស្តុតាងរួចរាល់អស់ហើយ ប្រសិនជាមាន សកម្មភាពទាំងនោះបន្តទៀត ពួកគេនឹងអនុវត្តតាមផ្លូវច្បាប់»៕