ដូចប្រិយមិត្តមួយចំនួនធំជ្រាបមកហើយថាតារាចម្រៀង សួស វីសា បានធ្វើឱ្យមហាជនរិះគន់បន្ទាប់ពីឃើញសកម្មភាពរបស់នាងនិងស្វាមីបាននាំក្រុមគ្រួសារចូលហាងភីហ្សាមួយដែលជាម៉ាកយីហោរបស់ប្រទេសថៃ។ ភ្លាមៗបន្ទាប់ពីមានមតិរិះគន់ សួស វីសា បានចេញសារសូមទោសពីប្រទេសបារាំងដោយបញ្ជាក់ពីមូលហេតុនិងថាការចូលនោះគឺជារឿងអចេតនា។
មិនត្រឹមតែបង្ហោះសារសូមទោសប៉ុណ្ណោះទេ សួស វីសា និងថមមី រួមទាំងក្រុមគ្រួសារគឺបានចេញវីដេអូសូមទោសតែម្តងចំពោះកំហុសឆ្គងលើកនេះកើតឡើងដោយអចេតនាដោយសន្យាថាមិនឱ្យមានជាលើកទី២ឡើយ។ ជុំវិញករណីនេះដែលកើតឡើងចំពោះតារាចម្រៀង សួស វីសា តារាចម្រៀង សួ វិចិត្រ ក៏បានចែករំលែកដែរថាលោកក៏ធ្លាប់ច្រឡំចូលដូចគ្នា។ 
ម្ចាស់ពាន Beat The Best រដូវកាលទី១ បានឱ្យដឹងថា «ខ្ញុំក៏ធ្លាប់បានច្រឡំចូលដែរបង ព្រោះខ្ញុំភ្លេចខ្លួន ស្រាប់តែឃើញទឹកម្ទេសមកទើបឃើញអក្សរ ខ្ញុំក៏បានភ្ញាក់ខ្លួនហើយដើរចេញភ្លាមៗ សូមបងប្អូនអធ្យាស្រ័យឱ្យគាត់ផងបងប្អូនអើយ»។ លោក បន្ថែមថា « ជាក់ស្ដែងមិញខ្ញុំទៅទិញសាប៊ូកក់សក់មានតែរបស់សៀមខ្ញុំក៏មិនទិញដែរ យូរៗភ្លាត់ម្ដងព្រោះថារបស់សៀមលក់នៅខ្មែរច្រើនពេក»។.png)
ក្រោយពី សួ វិចិត្រ លូកមាត់ក្នុងករណីរៀមច្បង សួស វីសា និងបង្ហើបថាលោកធ្លាប់ច្រឡំចូលគាំទ្ររបស់ផ្ទះលេខ២នេះ អ្នកលេងបណ្តាញសង្គមបានចូលទៅបញ្ចេញមតិប្រតិកម្មចម្រុះក្រោមការចែករំលែករបស់លោកផងដែរ៕
