ហ្វីយ៉ាតា ថាបើតំណែង ND ចេញពីលោក ឆយ នាងបោះបង់តំណែងដូចគ្នា

កន្លងមកនេះមានពាក្យចចាមអារ៉ាមថា មានអ្នកចង់បង្អាក់ដំណើរការប្រកួតរបស់ ហ្វីយ៉ាតា លើឆាកអន្តរជាតិក្នុងកម្មវិធី Miss Universe ហើយអ្វីដែលធ្វើឱ្យទស្សនិកជនកាន់តែជាក់ច្បាស់បន្ទាប់ពី ហ្វីយ៉ាតា បានទម្លាយសំណេរយ៉ាងក្តៅគគុកមួយ។

នៅថ្ងៃទី៦ ខែតុលា លោក ឆយ ដែលជាអ្នកគ្រប់គ្រងកម្មវិធី Miss Universe Cambodia 2025 បានបង្ហោះសំណេរមួយថា «គុណធម៌ និងភាពស្មោះត្រង់»។ សំណេរនេះត្រូវបាន ហ្វីយ៉ាតា បវរកញ្ញាចក្រវាលកម្ពុជាឆ្នាំ២០២៥ ចែករំលែកបន្តអមជាមួយនឹងខ្លឹមសារថា «ខ្ញុំបានបងជា ND ខ្ញុំសំណាងណាស់.. ចង់ផ្ដាំ fan club ខ្ញុំថា បើតំណែង ND ត្រូវចេញពី B Chhoy ដោយអ្វីមួយ Queen របស់អ្នកម្នាក់នេះ ក៏ចេញដូចគ្នា..ហើយបើគេមិនឈប់ចង់បំផ្លាញដំណើររបស់ពួកខ្ញុំ បើបែបនេះមែន បំណងនៃការតំណាងប្រទេស ក៏លែងមានដែរ Save Chhoy,Save FIYATA.»។

ក្រោយពីពាក្យសម្តីចេញពីបង្ហោះខាងលើនេះរបស់ ហ្វីយ៉ាតា បានធ្វើឱ្យមានការពិភាក្សាគ្នាយ៉ាងក្តៅគគុក អ្វីដែលមានពាក្យចចាមអារ៉ាមកន្លងមកនេះថាមានអ្នកបង្អាក់សកម្មភាពរបស់ ហ្វីយ៉ាតា ក្នុងការប្រកួតនៅលើទឹកដីប្រទេសថៃជារឿងពិត។

អ្នកលេងបណ្តាញសង្គមបានបញ្ចេញមតិថា អ្នកខាងនោះ(ផ្ទះលេខ២) ចង់លុបបំបាត់ខ្មែរលលើឆាកអន្តរជាតិហើយ ហើយអ្នកផ្ទះឯងនៅធ្វើចឹងទៀត។ គណនីផ្សេងទៀតថា អ្នកដែលធ្វើនោះសាហាវណាស់។ អ្នកគាំទ្រវិស័យបវរកញ្ញាជាច្រើនទៀតក៏បានផ្តល់កម្លាំងចិត្តនិងបង្ហាញគោលជំហរខាង ហ្វីយ៉ាតា និងលោក ឆយ ផងដែរ។

មកទល់ពេលនេះមានពាក្យចចាមអារ៉ាមជាបន្តបន្ទាប់ទាក់ទងនឹងការប្រកួតក្នុងស្រុកក្នុងកម្មវិធីដ៏ល្បី Miss Universe Cambodia 2025 ហើយទស្សនិកជនក៏ចង់ដឹងពីមុខមាត់អ្នកដែលចង់បង្អាក់សកម្មភាពរបស់ ហ្វីយ៉ាតា ក្នុងការតំណាងឱ្យកម្ពុជាឈរនៅលើឆាកអន្តរជាតិដូចគ្នា៕