អំពើឈ្លានពានរបស់ប្រទេសថៃមកកាន់ប្រទេសកម្ពុជាមិនឈប់មិនឈរបានជំរុញឱ្យតារាពហុជំនាញ ខាត់ សុឃីម ដាក់បណ្តាសាប្រទេសមួយនេះយ៉ាងដំណំបន្ថែមទៀតបន្ទាប់ពីជួបគ្រោះបាក់ផ្លូវដ៏ធំមួយប្រៀបដូចជាព្រះធរណីស្រូប។
កាលពីព្រឹកថ្ងៃទី២៤ ខែកញ្ញា មានហេតុការបាក់ផ្លូវដ៏ធំមួយបានកើតឡើងដែលបណ្ដាលឱ្យមានរណ្ដៅជម្រៅប្រហែល៥០ម៉ែត្រ នៅទល់មុខនឹងមន្ទីរពេទ្យ Vajira ក្នុងទីក្រុងបាងកក ប្រទេសថៃ។ អ្នកលេងបណ្តាញសង្គមកម្ពុជាជាច្រើនជឿថាការបាក់ផ្លូវដ៏ធំនេះគឺប្រៀបដូចជាព្រះធរណីស្រូបតែម្តង។ ទន្ទឹមនឹងប្រទេសថៃជួបប្រទះហេតុការណ៍នេះ តារពហុជំនាញ ខាត់ សុឃីម គឺដាក់បណ្តាសាមកកាន់ប្រទេសថៃថែមទៀតព្រោះប្រទេសនេះចិញ្ចឹមចិត្តចង់បានទឹកដីខ្មែរ។
អ្នកនាង ខាត់ សុឃីម បានបង្ហោះរូបភាពមួយសន្លឹកកាលពីថ្ងៃទី២៤ កញ្ញា អមមកជាមួយនឹងពាក្យពេចន៍ថា «ដាក់បណ្ដាសាជូនប្រទេសសៀម សូមព្រះធរណី, ព្រះអគ្គី, ព្រះគង្គា, និង ព្យុះសូណាមី ធ្វើយ៉ាងណាឱ្យប្រទេសអាចោរសៀមវង្វេងប្រវត្តិសាស្ត្រ ដែលឈ្លានពានទឹកដីខ្មែរ ឱ្យវារលាយ, ឱ្យវាលិចលង់, ភ្លើងឆេះសន្ធោសន្ធៅ, និង វិនាសអន្តរាយយ៉ាងខ្លាំងក្លាបំផុតជាងពេលណាៗៗៗៗទាំងអស់! សូមឱ្យប្រទេសចោរសៀមទទួលយកនូវក្តីវិនាសផងចុះ!»។
ចំពោះរូបភាពដែលមានការបាក់ស្រុតមានរណៅដ៏ធំនេះ អ្នកនាង ខាត់ សុឃីម បានផ្តាំទៅថៃឱ្យនឹកឃើញពីរណៅដែលកម្ពុជារងគ្រោះពីការទម្លាក់គ្រាប់បែករបស់ថៃផងដែរ។ តារាចម្រៀងរូបនេះបានសរសេរថា «សៀមនឹកដល់កម្ពុជាផង នៅពេលដែលអ្នកឃើញរណ្តៅ បែបនេះនៅក្នុងប្រទេសរបស់អ្នក សូមឱ្យអ្នកនឹកឃើញទៅដល រណ្តៅ F-16 ដែលអ្នកបានទម្លាក់មកលើកម្ពុជាផង»។
គួរបញ្ជាក់ផងដែរថា ចាប់តាំងពីប្រទេសថៃបំពានមកលើកម្ពុជា គេសង្កេតឃើញថាប្រទេសនេះតែងតែជួបហេតុការណ៍គ្រោះជាបន្តបន្ទាប់បន្តកន្ទុយគ្នារហូតធ្វើឱ្យអ្នកមួយចំនួនដែលជឿទៅលើជំនឿបាននិយាយថានេះជាបាបកម្មដែលថៃមកឈ្លានពានកម្ពុជា ចង់បានទឹកដីកម្ពុជាទើបផលតបស្នងបែបនេះ៕
