លោក ណុប បាយ៉ារិទ្ធ តបមួយឆ្ងាញ់ទៅកាន់មនុស្សមុខពីរហៃអើរឿងរិះគ.ន់អ្នកសិល្បៈមិនខ្វល់ខ្វាយរឿងប្រទេសជាតិ

សកម្មភាពរបស់អ្នកសិល្បៈមិនថាតូចឬធំតែងតែត្រូវក្រសែភ្នែកជាច្រើនចាំមើល មានពេលខ្លះក៏ទទួលបានការសរសើរចំណែកពេលខ្លះទៀតគឺរងការរិះគន់ទក់សាច់។ ទោះបីជាប្រឡូកអាជីពសិល្បៈរាប់ឆ្នាំមានអ្នកជំនាន់ក្រោយស្ងប់ស្ងែងយ៉ាងណា តារាចម្រៀង ណុប បាយ៉ារិទ្ធ ទំនងត្រូវបានអ្នកលេងបណ្តាញសង្គមវែកញែកហើយទើបលោកទប់ចិត្តមិនចេញមកបង្ហោះបែបនេះ។

នៅថ្ងៃទី១១ ខែកញ្ញា លោក ណុប បាយ៉ារិទ្ធ បាន Add Story ជាមួយនឹងការរៀបរាប់ថា «គេនិយាយពីអ្នកសិល្បៈថាមិនខ្វល់និយាយរឿងជាតិ ព្រោះអ្នកនិយាយនោះអត់មានfriendជាមួយអ្នកសិល្បៈ គេអត់បានចូលទៅមើលអាខោនអ្នកសិល្បៈ ឱ្យបានគ្រប់គ្នាទេ ថាអ្នកណាធ្វើ អ្នកណាមិនធ្វើ តែក្មេងមួយដែលមាន friend ជាមួយតារាសឹងគ្រប់គ្នានៀក វាឃើញ វាដឹងហើយវាឆ្លៀតចូលទៅ ខមមិនហៃអើ សុទ្ធតែតារាខ្មែរមិនហ៊ាននិយាយរឿង ជាតិក្នុងកាលៈទេសៈហ្នឹងទេខ្លាចធ្លាក់កូដ»។

តារាចម្រៀង ណុប បាយ៉ារិទ្ធ បានលើកឡើងទាំងហួសចិត្តទៀតថា« ហើយម៉េច តារាខ្មែរនឹងបានកូដពីសៀម? តារាខ្មែរ អត់ចេះខឹង អត់ចេះឈឺចាប់ទេ? ចឹងហើយចូលឆ្នាំចិនមិនទាន់ទេ ឃើញក្បាលមកសូមអាំងប៉ាវហើយ។ ចង់ប្រាប់ថាអត់ដែលទុកចិត្តអាក្បួនឯងសូម្បី១% កន្លងមកព្រោះតែការអាណិតទេ កុំច្រឡំតែមកឃើញខម្មិនអាក្បួនឯងភ្លាវ ហៃអើទាំងអត់បើកភ្នែក ចឹងទៀតសម្រាកបានហើយ»។

គួរបញ្ជាក់ផងដែរថា លោក ណុប បាយ៉ារិទ្ធ គឺអ្នកសិល្បៈមួយរូបមិនញញើតមាត់ក្នុងការតបតទៅកាន់សៀមនោះទេ លោកបានបញ្ចេញមតិជាច្រើន និងបានរួមចំណែកជួយដល់ជនភៀសសឹកដែលរងគ្រោះពីការឈ្លានពានពីភាគីថៃផងដែរ៕