អ្នកគាំទ្រចោទប្រកាន់ Song Da Eun ថាកុហកខណៈនាងមានមិត្តប្រុសរួចហើយមកបំផ្លាញកេរ្តិ៍ឈ្មោះ Jimin

អ្នកគាំទ្រ BTS ចោ.ទប្រកាន់តារាសម្តែង Song Da Eun ដែលមានពាក្យចចាមអារ៉ាមជាមួយ Jimin ថានាងកុហក និងទាញយកប្រយោជន៍ពីកេរ្តិ៍ឈ្មោះរបស់តារាចម្រៀង K-Pop ល្បីឈ្មោះរូបនេះ។

យោងតាម Sports Chosun កាលពីថ្ងៃទី២៨ ខែសីហា គណនីប្រព័ន្ធផ្សព្វផ្សាយសង្គមរបស់អ្នកគាំទ្រ BTS (ARMY) បានបង្ហោះអត្ថបទមួយដែលអះអាងថា Song Da Eun មានមិត្តប្រុសម្នាក់ទៀត ហើយនាងបានផ្សាយបន្តផ្ទាល់ជាមួយបុរសម្នាក់នេះនៅថ្ងៃទី២៧ ខែសីហា។

ទោះជាយ៉ាងណាក៏ដោយ គួរកត់សំគាល់ថា Song Da Eun បច្ចុប្បន្នគឺជា TikToker ដែលមានជំនាញក្នុងការបង្ហោះការផ្សាយផ្ទាល់ប្រចាំថ្ងៃ និងសហការជាមួយភ្ញៀវផ្សេងៗ។ ដូច្នេះអាចថានេះគ្រាន់តែជា TikToker ម្នាក់ទៀតដែលធ្វើអន្តរកម្មជាមួយនាងតាមបណ្ដាញសង្គម។

លើសពីនេះ អ្នកគាំទ្របានវិភាគ Jimin បានផ្លាស់ទៅរស់នៅ Nine One Hannam Apartment ក្នុងឆ្នាំ ២០២១ ខណៈដែល Song Da Eun បានបង្ហោះរូបថតមួយចំនួនដែលបង្ហាញពីការណាត់ជួបជាមួយនរណាម្នាក់ដែលរស់នៅទីនោះតាំងពីឆ្នាំ ២០១៩។ ដូច្នេះហើយទើបអ្នកគាំទ្រ BTS គិតថា Song Da Eun មិនរស់នៅជាមួយ Jimin ទេ។

អ្នកគាំទ្របានចោទប្រកាន់ Song Da Eun ពីបទកុហកដោយចេតនា និងមានភាពមិនច្បាស់លាស់អំពីការណាត់ជួប Jimin ដើម្បីទាក់ទាញការចាប់អារម្មណ៍។
ពាក្យចចាមអារ៉ាមអំពីទំនាក់ទំនងស្នេហារបស់អ្នកទាំងពីរបានបន្តកើតមានតាំងពីឆ្នាំ ២០២២ នៅពេលដែលអ្នកគាំទ្របានរកឃើញថា Song Da Eun ប្រាប់ពីទំនាក់ទំនងរបស់នាងជាមួយ Jimin ដោយបង្ហោះរូបថតជាច្រើនដែលមានព័ត៌មានលម្អិតទាក់ទងនឹង Jimin ។

កាលពីឆ្នាំ២០២៤ Song Da Eun បានចែករំលែកវីដេអូដែលឆ្កែរបស់នាងកំពុងលេងនៅក្នុងអាផាតមិនមួយដែលមើលទៅស្រដៀងនឹងផ្ទះរបស់ Jimin ក្នុងភាពយន្តឯកសារ BTS។ បន្ទាប់មកនាងបានបង្ហោះរូបថតស្រោមកាសតែបន្ទាប់មកបានលុបវាចោលភ្លាមៗ។

អ្នកគាំទ្រ BTS បានប៉ាន់ស្មានថា Song Da Eun និង Jimin បែកគ្នាយូរហើយ ព្រោះព័ស្តុតាងដែលនាងបញ្ចេញគឺតាំងពីច្រើនឆ្នាំមុន។ អ្នកគាំទ្របានរិះគន់ Song Da Eun ចំពោះការកេងប្រវ័ញ្ចរូបភាពរបស់ Jimin និងឈ្លានពានឯកជនភាពរបស់លោកដើម្បីទទួលបានការចាប់អារម្មណ៍។ អ្នកគាំទ្រក៏មិនសប្បាយចិត្តដែរដែលក្រុមហ៊ុនគ្រប់គ្រងរបស់ BTS គឺ BigHit Music រក្សាភាពស្ងៀមស្ងាត់ចំពោះពាក្យចចាមអារ៉ាម ដែលធ្វើដូចគ្នាពេល V និង Jennie ត្រូវគេសង្ស័យថាមានទំនាក់ទំនងស្នេហាក្នុងឆ្នាំ ២០២២ ដល់ ២០២៣។

ទោះជាយ៉ាងណាក៏ដោយ យោងទៅតាម Ten Asia ការជ្រើសរើសរបស់ BigHit Music ដើម្បីរក្សាភាពស្ងៀមស្ងាត់កើតចេញពីការព្រួយបារម្ភថា ជំហររបស់ក្រុមហ៊ុនចំពោះពាក្យចចាមអារ៉ាមណាត់ជួបរបស់ idols ដោយមិនគិតពីថាតើពួកគេពិតឬមិនពិតអាចនាំឱ្យមានភាពចម្រូងចម្រាសដែលមិនចាំបាច់។

អ្នកក្នុងឧស្សាហកម្មម្នាក់បានវិភាគថា៖ «បញ្ហាណាត់ជួបរបស់សមាជិក BTS តារាល្បីៗលើពិភពលោក មិនមែនជារឿងឯកជនទេ ប៉ុន្តែក៏ជាកង្វល់ជាសកលផងដែរ។
ភាពស្ងៀមស្ងាត់របស់ក្រុមហ៊ុនអាចត្រូវបានគេមើលឃើញថាជាជម្រើសយុទ្ធសាស្រ្ត ដោយគិតគូរពីអារម្មណ៍អ្នកគាំទ្រក្នុងស្រុក និងអន្តរជាតិ ប្រតិកម្មទីផ្សារ និងសូម្បីតែការការពារសិល្បករ»៕