កាលពីខែមេសា ពេលថតរឿងមុខរបស់តារាសម្តែង Bai Lu នៅតែស្រស់ស្រាយជាធម្មតាប៉ុន្តែនៅក្នុងខែកក្កដា និងសីហា នៅពេលដែលចូលរួមក្នុងគម្រោងភាពយន្តរឿង «Mo Li» Bai Lu បានស្រកទម្ងន់មុខរបស់នាងមានសភាពស្លេកស្លាំង ហើយនាងមើលទៅហាក់ដូចជាមិនសូវរស់រវើកជាងពេលមុនឡើយនិងបានផ្លាស់ប្តូរយ៉ាងខ្លាំងក្នុងរយៈពេលប៉ុន្មានខែថ្មីៗនេះ។
មតិជាច្រើននិយាយថា Bai Lu ស័ក្តិសមសម្រាប់រូបរាងធាត់ ដូច្នេះការសម្រកទម្ងន់របស់នាងធ្វើឱ្យរូបរាងរបស់នាងមិនសូវទាក់ទាញ។ ជាមួយគ្នានេះដែរ អ្នកគាំទ្ររបស់តារាស្រីរូបនេះ ក៏បានសម្តែងការព្រួយបារម្ភផងដែរដោយនិយាយថាការងារមមាញឹក និងកង្វះពេលសម្រាករបស់នាងបានប៉ះពាល់ដល់សុខភាពរបស់ Bai Lu ។.png)
នៅក្នុងឆមាសទីមួយនៃឆ្នាំ ២០២៥ Bai Lu តែម្នាក់ឯងមានខ្សែភាពយន្តចំនួន ៣ ជាប់គ្នាដែលសម្តែងដោយនាងបានចេញផ្សាយ។ អស់រយៈពេល ៣ ឆ្នាំមកហើយ Bai Lu ស្ទើរតែគ្មានពេលសម្រាក។ នាងបានចូលរួមក្នុងគម្រោងភាពយន្តថ្មីមួយយ៉ាងឆាប់រហ័សបន្ទាប់ពីគម្រោងមួយត្រូវបានបញ្ចប់។ ម៉ោងថតយូរ ការធ្វើដំណើរឥតឈប់ឈរ ការគេងមិនលក់ និងរបបអាហារមិនទៀងទាត់បានប៉ះពាល់ដល់សុខភាព និងប្រព័ន្ធភាពស៊ាំរបស់ Bai Lu ។
ក្នុងខែមិថុនា អំឡុងពេលផ្សាយផ្ទាល់ Bai Lu បាននិយាយថា នាងចង់សម្រាកឱ្យបានច្រើន បន្ទាប់ពីប្រឹងប្រែងធ្វើការអស់រយៈពេលយូរ។ នាងបាននិយាយថា «រឿង Feud ប្រហែលជាស្នាដៃចុងក្រោយរបស់ខ្ញុំដែលទស្សនិកជនអាចទស្សនាបានក្នុងឆ្នាំនេះ(២០២៥) ខ្ញុំបានចាក់ផ្សាយរឿងភាគ៣រឿងជាប់ៗគ្នាក្នុងរយៈពេលកន្លះឆ្នាំ វាពិតជាហួសហេតុពេកហើយ ខ្ញុំចង់អរគុណអ្នកគាំទ្រទាំងអស់ ប៉ុន្តែខ្ញុំគិតថាខ្ញុំត្រូវសម្រាកបន្ថែមទៀតនាពេលអនាគត»។.png)
ទោះបីជា Bai Lu បានប្រកាសថានឹងមិនមានខ្សែភាពយន្តថ្មីចាក់ផ្សាយនៅក្នុងពាក់កណ្តាលទីពីរនៃឆ្នាំ ២០២៥ ក៏ដោយតារាស្រីរូបនេះនៅតែកំពុងថតគម្រោងថ្មី Mo Li។ កាលពីមុន គម្រោងភាពយន្តទើបតែបញ្ចប់ការថតកាលពីខែមេសាបន្ទាប់ពីថតបាន៥ខែ ត្រឹមតែ ១ ខែក្រោយមក (ឧសភា) Bai Lu បានចូលរួមជាមួយក្រុមការងារភាពយន្ត Mo Li ។
មិនត្រឹមតែបារម្ភពីសុខភាពរបស់នាងប៉ុណ្ណោះទេ នៅដើមខែសីហា ក្រុមហ៊ុនគ្រប់គ្រងរបស់ Bai Lu បានធ្វើឱ្យអ្នកគាំទ្រមានការរំជើបរំជួលនៅពេលមានការប្រកាសថាតារាស្រីរូបនេះត្រូវបានយាយីពីជនមិនស្គាល់អត្តសញ្ញាណកាលពីពេលថ្មីៗនេះថែមទៀត៕
