បាងកក៖ ពេលនេះ ថៃចេញចរិតពិតហើយ! ក្រៅពីបន្តឃុំទាហានខ្មែរដោយផ្ទុយពីច្បាប់អន្តរជាតិស្តីពីការដោះឈ្លើយសឹកក្រោយពេលឈប់បា.ញ់ ពេលនេះថៃយកទាហានខ្មែរទាំង 18នាក់មកធ្វើជាចំណាប់ខ្មាំងដោយចំហ ហើយនិយាយថាខ្លួននឹងដោះលែងយោធាខ្មែរទាំង 18នាក់នេះនៅពេលណាដែលខ្មែរ«ឈប់ប្រើមីន» ។ នេះបើយោងតាមសារព័ត៌មានបាងកកប៉ុស្តិ៍។
នៅថ្ងៃទី12 ខែសីហា ឆ្នាំ2025 សារព័ត៌មានបាងកកប៉ុស្តិ៍បានចុះផ្សាយថា៖ ថៃនឹងមិនដោះលែងទាហានខ្មែរទាំង18នាក់ ដែលត្រូវបានថៃចាប់ខ្លួននេះជាដាច់ខាត ព្រោះភាគីកម្ពុជានៅតែបន្តបំពានលើកិច្ចព្រមព្រៀងឈប់បា.ញ់ជាបន្តបន្ទាប់ រួមទាំងការដាំគ្រាប់មីនថ្មីៗនៅតាមព្រំដែន។ នេះបើតាមអ្នកនាំពាក្យកងទ័ពថៃ លោកឧត្តមសេនីយ៍ទោ Winthai Suvaree បានប្រកាសកាលពីម្សិលមិញ។
លោក Winthai បានបន្តថា៖ ការឃុំខ្លួនទាហាននេះ គឺអនុលោមតាមច្បាប់អន្តរជាតិ រួមទាំងអនុសញ្ញាទីក្រុងហ្សឺណែវ ហើយថា ពួកគេកំពុងបន្តស្ថិតក្នុងការឃុំឃាំងដោយយោធាថៃនៅឡើយនាពេលនេះ។ កនាំពាក្យរូបនេះបានអះអាងថា ការដោះលែងទាហានទាំង18នាក់នេះ អាចនឹងអនុញ្ញាតឲ្យពួកគេចូលរួមក្នុងការវា.យប្រហារបន្ថែមទៀតលើកងកម្លាំងថៃ។
.jpg)
បើតាមលោក Winthai បានឲ្យដឹងបន្ថែមទៀតថា កងទ័ពថៃបានរងរបួសដោយសារគ្រាប់មីនកម្ពុជាដែលទើបដាក់ថ្មីនៅក្នុងតំបន់ល្បាត និងធ្លាប់ត្រូវបានបោសសម្អាតលកាលពីមុនរួចមកហើយ។ ក្នុងឧប្បត្តិហេតុថ្មីមួយទៀត ទាហានថៃបានរកឃើញគ្រាប់មីនប្រឆាំងមនុស្ស 18 PMN-2 នៅក្នុងតំបន់ Phu Makheu ខេត្ត Si Saket របស់ប្រទេសថៃ ដែលនេះចាត់ទុកថាជាការប្រព្រឹត្តល្មើសនឹងសន្ធិសញ្ញាអូតាវ៉ា រួមទាំងកិច្ចព្រមព្រៀងសន្តិភាព។
ដោយឡែក បើងាកមកខាងអ្នកនាំពាក្យក្រសួងការពារជាតិកម្ពុជា លោកស្រី ម៉ាលី សុជាតា នាព្រឹកថ្ងៃអង្គារ ទី12 ខែសីហានេះ បានឲ្យដឹងថា គិតមកទល់ពេលនេះមានរយៈពេល១៤ថ្ងៃហើយ ដែលទាហានកម្ពុជាចំនួន18នាក់ ត្រូវបានទាហានថៃចាប់ខ្លួនដោយខុសច្បាប់ក្រោយបទឈប់បា.ញ់ចូលជាធរមាន ខណៈដែលក្រុមគ្រួសាររបស់ពួកគាត់កំពុងរង់ចាំទាំងយប់ទាំងថ្ងៃ។
គួរបញ្ចាក់ផងដែរថា យោធាថៃបានលើកយកបញ្ហានានាមកប្រកែកដោះសារមិនចេះចប់ ដើម្បីមានលេសបន្តឃុំទាហានកម្ពុជាធ្វើជាចំណាប់ខ្មាំង។ ការធ្វើបែបនេះ ក្រសួងការពារជាតិកម្ពុជាបានអះអាងថា គឺជាការអនុវត្តផ្ទុយទាំងស្រុង ពីបទឈប់បាញ់រវាងកម្ពុជា-ថៃ រួមជាមួយកិច្ចព្រមព្រៀងសន្តិភាពក្រោពេលបញ្ចប់សង្រ្គា.ម។
កម្ពុជានៅតែបន្តទទូចជាដាច់ខាត ឲ្យភាគីថៃអនុវត្តឲ្យបានខ្ជាប់ខ្ជួននូវបទឈប់បា.ញ់ ប្រគល់មកវិញនូវទាហានកម្ពុជាទាំង18រូបដែលខ្លួនបានចាប់ទៅ ក្រោមច្បាប់មនុស្សធម៌អន្តរជាតិដើម្បីរក្សាសន្តិភាព៕
