Influencer ជា ស្រីនា បានចេញមកស្រាយចម្ងល់របស់អ្នកគាំទ្រដោយ សង្ស័យថានាងផ្ទៃពោះព្រោះតែឃើញឡើងគីឡូប្លែក។ យ៉ាងណា ស្រីនា បានបញ្ជាក់ច្បាស់ៗនាងពុំបានទម្ងន់នោះទេគឺគ្រាន់តែនាងឡើងគីឡូប៉ុណ្ណោះ។
កាលពីពេលថ្មីៗនេះ ជា ស្រីនា ភរិយា ហេង វិសាល បានចេញវីដេអូមួយនៅលើបណ្តាញ សង្គមទិកតុកឆ្លើយតបទៅកាន់អ្នកគាំទ្រជាច្រើនបន្ទាប់ពីចូលរួមអបអរសាទរនាងមានទម្ងន់។ ស្រីនា ថានាងសូមអរគុណទៅកាន់អ្នកគាំទ្រដែលបានខម្មិនអបអរសាទរនាងប៉ុន្តែ នាងចង់បញ្ជាក់ថានាងមិនមានកូននោះទេគឺគ្រាន់តែឡើងគីឡូ។ 
ស្រីនា បានឆ្លើយតប ទៀតថា មានអ្នកខម្មិនម្នាក់គិតថានាងមានកូនព្រោះគិតថា នាងនឹង មិនបណ្តោយខ្លួនឱ្យឡើងគីឡូដូច្នេះទេ។ ស្រីនា ថានាងពិតជាឡើងគីឡូមែនព្រោះ នាងញុំាបាន ញុំាច្រើន ទើបវាឡើងគីឡូ។
កាលពីពេលថ្មីៗនេះទៀតសោត ជា ស្រីនា ក៏បានចេញវីដេអូពីជីវិតប្រចាំថ្ងៃរបស់ខ្លួនបន្ទាប់ ពីមានអ្នកគាំទ្រជាច្រើនបានសំណូមពរ។ ក្នុងនោះ Influencer ល្បីឈ្មោះរូបនេះថាមួយ រយៈពេលចុងក្រោយនេះនាងបានដកខ្លួនពីបណ្តាញសង្គមច្រើនហើយផ្តោតទៅលើមុខជំនួញរបស់ខ្លួន។ ជា ស្រីនា ក៏បាននិយាយថារូបរាងរបស់នាងឥឡូវមិនមែនជារូបរាងក្នុងក្តីស្រមៃរបស់នាងប៉ុន្តែយ៉ាងណានាងក៏អរគុណរាងកាយខ្លួនឯងដែលធ្វើឱ្យនាងមានកម្លាំងមាំមួនអាចឱ្យនាងទៅធ្វើការបាន។
គួរឱ្យដឹងថា នេះមិនមែនជាលើកទី១នោះទេដែលអ្នកគាំទ្រមានការសង្ស័យ ជា ស្រីនា មានផ្ទៃពោះប៉ុន្តែយ៉ាងណា ស្រីនា បានចេញមកបកស្រាយចង្ងល់ភ្លាមៗពុំឱ្យអ្នកគាំទ្រយល់ច្រឡំយូរនោះទេ។ ជា ស្រីនា និង ហេង វិសាល បានរៀបការជាមួយគ្នាកាលពីខែមីនា ឆ្នាំ២០២៤៕
