ប៉ីប៉ី ឌី ផ្តល់យុទ្ធសាស្រ្តដល់ ពេជ្រ វត្តីសារ៉ាវឌ្ឍី ក្នុងវគ្គសំណួរចម្លើយដើម្បីកាន់តែល្អឥតខ្ចោះ

ប៉ីប៉ី ឌី បានចូលទៅខម្មិនលើកទឹកចិត្តនិងជូនពរ ពេជ្រ វត្តីសារ៉ាវឌ្ឍី ក្នុងការប្រកួតកម្មវិធីបវរកញ្ញាចក្រវាលកម្ពុជាឆ្នាំ២០២៥ ដែលថ្ងៃផ្តាច់ព្រ័ត្រកាន់តែខិតជិតមកដល់។ ទន្ទឹមនឹងនេះ ប៉ីប៉ី ឌី បានជំរុញឱ្យបេក្ខភាពរូបនេះកុំនិយាយលឿនៗពេកក្នុងវគ្គសំណួរចម្លើយ។

នៅក្នុងការបង្ហោះមួយរបស់ ពេជ្រ វត្តីសារ៉ាវឌ្ឍី បុគ្គលដ៏ល្បីល្បាញ ប៉ីប៉ី ឌី បានចូលទៅខម្មិន ថា «ជិតដល់ថ្ងៃ final ហើយ ជូនពរឱ្យជោគជ័យអូនហើយបើអាចវគ្គ Q&A កុំនិយាយលឿនៗពេកណា សុំមួយៗច្បាស់ៗ កាន់តែperfect»។

ឃើញរៀមច្បងដែលជាបុគ្គលជោគជ័យលើវិស័យសិល្បៈនិងជំនួញខម្មិនបែបនេះ ពេជ្រ វត្តីសារ៉ាវឌ្ឍី បានឆ្លើយតបវិញថា «wow bong so happy to see your comment ប្អូននឹងធ្វើឱ្យបានល្អហើយយកខំមិនបងទៅបន្ថែមនៅថ្ងៃ final ឱ្យកាន់តែ perfect បង»។

Miss Universe Cambodia 2025 វគ្គប្រកួតបឋមនឹងប្រព្រឹត្តទៅនៅថ្ងៃទី២៤ ខែកក្កដា ឆ្នាំ២០២៥និងវគ្គផ្ដាច់ព្រ័ត្រ នៅថ្ងៃទី២៦ ខែកក្កដា ឆ្នាំ២០២៥ ដែលមានទីតាំងនៅសាលវិមាន ពហុកីឡាដ្ឋានជាតិអូឡាំពិក។

គួរឱ្យដឹងថា មុននឹងទទួលបានជ័យជម្នះក្នុងការប្រកួតកម្មវិធី Miss Grand Cambodia 2022 និងបានជាប់លំដាប់រងទី៥នៅលើឆាកអន្តរជាតិ ពេជ្រ វត្តីសារ៉ាវឌ្ឍី ក៏ធ្លាប់បានប្រកួតកម្មវិធីបវរកញ្ញាចក្រវាលកម្ពុជាប៉ុន្តែមិនទទួលបានជ័យលាភីឯកនោះទេ។ នេះជាជំហានថ្មីមួយទៀតសម្រាប់ ពេជ្រ វត្តីសារ៉ាវឌ្ឍី លើវិស័យបវរកញ្ញាបន្ទាប់ពីសាងដុំកំភួនលើវិស័យនេះ។ ទោះជាទទួលជ័យជម្នះពីកម្មវិធីផ្សេងក្តី បេក្ខភាពរូបនេះក៏ត្រូវឆ្លងកាត់ការប្រកួតយ៉ាងស្វិតស្វាញដូចគ្នាជាមួយនឹងជើងខ្លាំងដែលចូលរួមប្រកួតក្នុងឆ្នាំនេះ៕