ប្រតិ.កម្មរបស់ Zhao Lusi ក្នុងអំឡុងពេល Live បានបង្កើតភាពចម្រូ.ងចម្រា.សលើបណ្តាញសង្គម

ថ្មីៗនេះ Zhao Lusi បាននាំឆ្កែចិញ្ចឹមរបស់នាងទៅកាន់ការផ្សាយផ្ទាល់របស់ម៉ាកយីហោ។ សកម្មភាពនេះបានបង្កភាពចម្រូងចម្រាសជាច្រើនជាមួយនឹងមតិចម្រុះនៅលើបណ្តាញសង្គម។ ក្នុងអំឡុងពេលនៃការផ្សាយផ្ទាល់សត្វឆ្កែរបស់ Zhao Lusi បានធ្វើដាក់ MC ក្នុងស្ថានភាពតក់ស្លុត។ ទោះបីជាមានអ្នកព្យាយាមឱ្យសត្វឆ្កែស្ងាត់ក៏ដោយប៉ុន្តែនៅតែ មិនអាចធ្វើបាន។ នេះបានធ្វើឱ្យស្ទូឌីយ៉ូមានសំលេងរំខាន និងឆ្គងយ៉ាងខ្លាំង។

ឧប្បត្តិហេតុនេះបានឈានដល់កំពូលនៃការស្វែងរក Weibo ។ ក្នុងពេលជាមួយគ្នានេះ ពាក្យគន្លឹះដូចជា «ឆ្កែចិញ្ចឹមរបស់ Zhao Lusi», «Zhao Lusi និយាយអំពី Love’s Ambition», «Zhao Lusi តុបតែងខ្លួនរបស់នាង»… មានកម្រិតពិភាក្សាខ្ពស់។

ក្នុងអំឡុងពេលនៃការផ្សាយបន្តផ្ទាល់ Zhao Lusi ក៏បានឆ្លើយតបទៅនឹងកាលវិភាគ នៃរឿង «Love’s Ambition »ផងដែរ។ នាងបាននិយាយថា៖ «រឿងហ្នឹង (សំដៅលើរឿង) អត់បានបញ្ចាំងកន្លះថ្ងៃអត់ដឹងធ្វើម៉េចអត់ដឹងថាមានបញ្ហាអី?ពាក្យសម្តីរបស់ Zhao Lusi បានបង្កឱ្យមានការចម្រូងចម្រាស។

មនុស្សជាច្រើនជឿថា ការហៅភាពយន្តដែលនាងបានប្រឹងប្រែងអស់ជាច្រើនខែថា «រឿងនោះ» បង្ហាញពីការខ្វះការគោរពចំពោះខ្លួនឯង ក៏ដូចជាក្រុមការងារ និងសហការីទាំងមូល។ ក្នុងនាមជាតារាសម្តែង Zhao Lusi ត្រូវបានណែនាំឱ្យ ជ្រើសរើសវិធីនិយាយដែលសមស្របជាងនេះ។

ក្នុងការផ្សាយបន្តផ្ទាល់របស់ម៉ាកយីហោនេះ តួឯកស្រីនៃរឿង Love’s Ambition បានលើកឡើងម្តងទៀតអំពីការតុបតែងខ្លួនរបស់នាង។ នាងបានបង្ហើបថា នាងបាននិយាយទូរស័ព្ទជាមួយអ្នកគាំទ្ររបស់នាងរយៈពេល ៤-៥ ម៉ោង។ ខ្លឹមសារភាគច្រើនទាក់ទងនឹង អ្នកគាំទ្រដែលព្យាយាមបញ្ចុះបញ្ចូល Zhao Lusi មិនឱ្យធ្វើការតុបតែងខ្លួនរបស់នាង ប៉ុន្តែជ្រើសរើសក្រុមជំនាញដើម្បីធ្វើវា។

ទោះជាយ៉ាងណាក៏ដោយ Zhao Lusi នៅតែចង់ធ្វើការតុបតែងខ្លួនរបស់នាង។ តារាស្រីរូបនេះបាននិយាយថា៖ «ចង់ស្អាតដើម្បីធ្វើឱ្យខ្លួនឯងសប្បាយចិត្ត មិនចង់ផ្គាប់ចិត្តអ្នកដទៃទេ ពីមុនខ្ញុំស្តាប់ដំបូន្មាន ឧទាហរណ៍ធ្វើគ្រឿងសម្អាងខ្លួនឯង ប៉ុន្តែក្រោយពីឈឺ ខ្ញុំមានអារម្មណ៍ប្លែក ហើយខ្ញុំក៏មានអារម្មណ៍ខ្មាសគេដែរ។ Zhao Lusi ក៏បានបញ្ជាក់ដែរថា ស្ទីលតុបតែងខ្លួនរបស់នាងមានឥទ្ធិពលដល់មនុស្សជុំវិញខ្លួន។ សាច់ញាតិ និងមិត្តភក្តិបានចាប់ផ្ដើមធ្វើតាមការតុបតែងខ្លួន និងម៉ូតសក់ដែល Zhao Lusi បានណែនាំ៕