តារាសម្តែងដ៏ស្រស់សង្ហាលោក សេង មង្គល ត្រូវបានគេចោទប្រកាន់ថាលោកមានអ្នក ចិញ្ចឹមបន្ទាប់ពីបើកហាងកាហ្វេផងនិងធ្វើផ្ទះថ្មីជូនអ្នកមានគុណស្របពេលជាមួយគ្នាផង។ ការចោទប្រកាន់នេះបានធ្វើឱ្យលោក សេង មង្គល សម្តែងការហួសចិត្តយ៉ាងខ្លាំង ហើយបានវាយបកវិញថាបើលោកមានអ្នកចិញ្ចឹមមែនលោកនឹងបើកហាងកាហ្វេម្តង១០។
បច្ចុប្បន្ននេះតួឯកប្រុស សេង មង្គល ពុំទាន់បង្ហាញស្នាដៃថ្មីតាមរយៈខ្សែភាពយន្តណា មួយឡើយ ខណៈកាលពីមុនលោកបង្ហាញមុខជាអ្នកតំណាងអ្នកជំនួញអនឡាញថ្មី ឈ្មោះមួយរូប ថែមទាំងធ្វើឱ្យអ្នកមួយចំនួនមានការយល់ច្រឡំពីទំនាក់ទំនងទៀតផង។ ទោះជាយ៉ាងណា លោក សេង មង្គល និង ថៅកែរបស់ខ្លួនបានរក្សាគម្លាតហើយលែង បន្តជាអ្នកតំណាងផលិតផលបន្តទៀត។
ទោះបីជាមិនបានបង្ហាញមុខលើខ្សែភាពយន្តនិងមិនបានធ្វើជា BA ដូចមុនមួយរយៈចុងក្រោយនេះលោក សេង មង្គល គឺបានបើកហាងកាហ្វេរួមទាំងធ្វើផ្ទះថ្មីជូនឪពុកម្តាយរបស់លោកផងដែរ។ យ៉ាងណាមិញរឿងបើកហាងកាហ្វេនិងធ្វើផ្ទះតារាសម្តែងរូបនេះស្រាប់តែមានគេចោទប្រកាន់ថាលោកមានអ្នកចិញ្ចឹម។
ថ្លែងដោយអារម្មណ៍ហួសចិត្ត លោក សេង មង្គល បានចេញមុខឆ្លើយតបនៅល្ងាចថ្ងៃទី១១ កក្កដា ថា «រឿងហួសចិត្ត…..ខំធ្វើការរកលុយចង់ងា.ប់គ្រាន់តែឯងបើកហាងកាហ្វេ និង ធ្វើផ្ទះជូនលោកឪពុកអ្នកម្តាយក្នុងពេលតែមួយ អ្នកខ្លះក៏លើកតម្កើងឯងថាមានអ្នកចិញ្ចឹមភ្លែត (ចង់សើច) ហួសចិត្តចង់ចូលដល់80 យី… អីក៏ម៉េសៗ…»។
តួឯកប្រុសរូបនេះបន្តទៀតថា «បើលោកមានអ្នកចិញ្ចឹមមែនលោកនឹងបើក១០ហាងក្នុងពេលតែមួយហើយ មួយវិញទៀតបើលោកធ្លាប់បានធ្វើការជាមួយនរណាម្នាក់ហើយបោកលុយគេមែននោះ ម្ល៉េះពេលនេះគេមិនទុកឱ្យលោករស់សុខស្រួលទេ ប្រហែលជាឡាយហែកឯងខ្ទេចខ្ទីហើយ យល់នៅប៉ុណ្ណឹង..»។
ការចេញមកបកស្រាយខាងលើនេះអ្នកគាំទ្រក៏បានបញ្ចេញមតិកុំឱ្យតារាសម្តែងរូបនេះគិតច្រើនពីសម្តីអ្នកដទៃ៕
