នរិទ្ធ ឆ្លើយតបបែបនេះក្រោយអ្នកគាំទ្រចោ.ទសួរថា យូហៃ និង ហ្សាណា ស្រលាញ់គ្នាមែន?

ទំនាក់ទំនងរវាងស្រីស្អាត រ៉េត ស៊ូហ្សាណា និង យូហៃ ជាម្ចាស់ពានកម្មវិធីប្រលងចម្រៀង រ៉េប តែងតែត្រូវបានអ្នកគាំទ្រយកចិត្តទុកដាក់និងចង់ដឹងពីទំនាក់ទំនងពិតប្រាកដរបស់ អ្នកទាំងពីរខណៈអ្នកគាំទ្រជាច្រើនពិតជាចង់ឱ្យពួកគេក្លាយជាគូស្នេហ៍ក្នុងជីវិតពិតណាស់។

យ៉ាងណាមិញចាប់តាំងពីមានពាក្យចចាមអារ៉ាមនិងការផ្គូរផ្គងរវាង ហ្សាណា និង យូហៃ មកតារាចម្រៀងទាំងពីរពុំបាននិយាយប្រាប់អ្នកគាំទ្រឱ្យដាច់ស្រេចនោះទេ ប៉ុន្តែនៅតែ បន្តសកម្មភាពយកចិត្តទុកដាក់ចំពោះគ្នា។ លើសពីនេះតារាចម្រៀង នរិទ្ធ ឧស្សាហ៍ ញ៉ោះអ្នកទាំងពីរខ្លាំងណាស់ដូចជាបង្ហាញការស្និទ្ធស្នាលទៅកាន់ ហ្សាណា ហើយនិយាយឌឺដងទៅកាន់ យូហៃ ដែលជាអតីតកូនក្រុមរបស់ខ្លួន។

សកម្មភាពក៏ដូចជាក្រសែភ្នែករបស់ យូហៃ ទៅកាន់ ហ្សាណា គឺពិតជាបានធ្វើឱ្យមនុស្សជាច្រើនអត់សង្ស័យមិនបាននោះទេថាលោកមានចិត្តទៅកាន់តារាចម្រៀងស្រីរូបនេះ។ ហេតុតែចង់ដឹងពីទំនាក់ទំនងពិតប្រាកដរវាង ហ្សាណា និង យូហៃ អ្នកគាំទ្រស្រាប់តែបានចោទសួរទៅកាន់ នរិទ្ធ នៅក្នុងការ Live តែម្តងហើយតារាចម្រៀងរូបនេះក៏បានឆ្លើយតបវិញផងដែរ។

តាមរយៈការ Live កាលពីពេលថ្មីៗនេះនៅលើគណនី Instagram អ្នកគាំទ្របានសួរតារាចម្រៀង នរិទ្ធ ថា យូហៃ ស្រលាញ់ ហ្សាណា មែន? សំណួរនេះ នរិទ្ធ បានឆ្លើយតបទៅកាន់អ្នកគាំទ្រថា «ខ្លួនមិនឱ្យពីរនាក់នេះស្រលាញ់គ្នានោះទេ លោកនឹងធ្វើជាអ្នកជ្រែតជ្រែក ធ្វើជាជនទី៣»។

ចម្លើយរបស់តារាចម្រៀង នរិទ្ធ គឺមិនសូវជាខុសគ្នាប៉ុន្មាននោះទេចំពោះសកម្មភាពរបស់ លោកកន្លងមកដែលបាននិយាយលេងសើចឌឺដងទៅកាន់ យូហៃ។ ទោះបីជាមិនទទួល បានចម្លើយច្បាស់លាស់ពីតារាចម្រៀង នរិទ្ធ ពីទំនាក់ទំនងរបស់ម្ចាស់បទ «2AM» ក្តីប៉ុន្តែអ្នកគាំទ្រមួយចំនួនក៏បានបង្ហាញការសប្បាយចិត្តរាល់ពេលឃើញ យូហៃ និង ហ្សាណា មានទំនាក់ទំនងល្អជិតស្និទ្ធគ្នាបើទោះបីត្រឹមតែជាដៃគូសហការ តារារួមទ្រនំ ជា មួយគ្នាក៏ដោយ។ ប៉ុន្តែប្រសិនជាអ្នកទាំងពីរពិតជាស្រលាញ់គ្នាមែនគឺកាន់តែធ្វើឱ្យអ្នកគាំទ្រ ដែលបានគាំទ្រឱ្យអ្នកទាំងពីរក្លាយជាគូស្នេហ៍កាន់តែសប្បាយចិត្តទ្វេដង។

គួរបញ្ជាក់ផងដែរថា នាពេលឆាប់ៗខាងមុននេះតារាចម្រៀងក្នុងទ្រនំបារមីក៏ត្រៀមចេញទៅសម្តែងនៅឯសហរដ្ឋអាម៉េរិកផងដែរ៕