ខេត្តនគររាជសីមា៖ ថ្នាក់ដឹកនាំមូលដ្ឋាន មន្រ្តីរាជការ សិស្សសាលា ព្រះសង្ឃ និងពលរដ្ឋចំនួន ១៦៧នាក់ ក្នុងចំណោម ២០០នាក់ នៅស្រុកកូរ៉ាត់ ខេត្តនគររាជសីមា ត្រូវបានគេពិនិត្យឃើញមានផ្ទុកសារធាតុញៀ.ន ក្រោយសមត្ថកិច្ចឆ្មក់តេស្តសារធាតុញៀ.នខុសច្បាប់ដោយមិនប្រាប់ដំណឹងជាមុន។.jpg)
យោងតាមសារព័ត៌មានបាងកកប៉ុស្តិ៍ កាលពីថ្ងៃទី៨ ខែកក្កដា បានឲ្យដឹងថា៖ អាជ្ញាធរបានចុះទៅធ្វើតេស្ដពិនិត្យធាតុញៀនដោយមិនប្រាប់ដំណឹងជាមុន ទៅលើមនុស្សប្រមាណ ២០០នាក់ នៅសាលាខេត្តកាលពីថ្ងៃអង្គារ បន្ទាប់មកមនុស្សចំនួន ១៦៧នាក់ក្នុងចំណោមនោះ រួមទាំងថ្នាក់ដឹកនាំមូលដ្ឋាន និងព្រះសង្ឃមួយអង្គផងដែរ ទទួលបានលទ្ធផលវិជ្ជមាន បញ្ជាក់ថាមានផ្ទុកនូវសារធាតុញៀន។
អភិបាលខេត្ត Chaiwat Chuenkosum បានបញ្ជាឲ្យក្រុមការងារចុះពិនិត្យទឹកនោមកាលពីថ្ងៃអង្គារ ទៅលើបុគ្គលិករដ្ឋាភិបាលអចិន្ត្រៃយ៍ និងបណ្តោះអាសន្ន រួមទាំងបុគ្គលិកជាប់កិច្ចសន្យារបស់ទីភ្នាក់ងាររដ្ឋទាំងអស់ដែលមានមូលដ្ឋាននៅសាលាខេត្ត។.jpg)
គំនិតផ្តួចផ្តើមនេះ គឺជាផ្នែកមួយនៃយុទ្ធនាការ “White Korat: Clean Your Own House” ក្នុងគោលបំណងបង្កើតតំបន់សុវត្ថិភាព និងដោះស្រាយបញ្ហាគ្រឿងញៀននៅតាមមូលដ្ឋាន។
ការសាកល្បងនេះត្រូវបានធ្វើឡើងនៅក្នុងសាលសន្និសីទ Prem Tinsulanonda នៅជាន់ទីពីរនៃអគាររដ្ឋាភិបាលក្នុងខេត្តនគររាជសីមា។ មន្ត្រីរាជការ បុគ្គលិកជាប់កិច្ចសន្យា និងបុគ្គលិករដ្ឋាភិបាលប្រមាណ ២០០នាក់ ត្រូវតម្រូវឲ្យធ្វើតេស្តដោយមិនមានការប្រាប់ជាមុន។
គួរឲ្យដឹងថា កាលពីខែមុន មនុស្សសរុបចំនួនចំនួន 34,022 នាក់ត្រូវបានធ្វើតេស្តសារធាតុញៀនខុសច្បាប់ ដោយមិនប្រាប់ជាមុនដូចគ្នានៅទូទាំង 32 ស្រុក។ ក្នុងនោះមានមន្ត្រីរាជការ និងបុគ្គលិករដ្ឋាភិបាលផ្សេងទៀត អ្នកស្ម័គ្រចិត្ត ថ្នាក់ដឹកនាំមូលដ្ឋាន ព្រះសង្ឃ សិស្សសាលា និងសាធារណជន។.png)
ជាលទ្ធផល មនុស្សសរុបចំនួន ១៦៧នាក់ បានធ្វើតេស្តវិជ្ជមានចំពោះការប្រើប្រាស់គ្រឿ.ងញៀ.នខុសច្បាប់ ក្នុងនោះមានអ្នកស្ម័គ្រចិត្ត២នាក់ មេភូមិ២នាក់ ជំនួយការមេភូមិ៥នាក់ ព្រះសង្ឃ១អង្គ សមាជិកសាធារណៈ១៤៧នាក់ និង១០នាក់ផ្សេងទៀត៕
