Jennie និង V មានពាក្យចចាមអារ៉ាមស្នេហាម្តងទៀត

Jennie សមាជិក Blackpink និង V សមាជិក BTS មានពាក្យចចាមអារ៉ាមថាទាក់ទងគ្នា កាលពីឆ្នាំ២០២៣ ប៉ុន្តែបានស្ងប់ស្ងាត់មកវិញ ខណៈអ្នកគាំទ្រទាំងសងខាងបដិសេធ ថាមិនមែនជារឿងពិត។ ទោះយ៉ាងណា ថ្មីៗនេះបន្ទាប់ពី V ចេញពីបំពេញកាតព្វកិច្ចយោធាពាក្យ ចចាមអារ៉ាមរវាងតារាល្បីទាំងពីរម្តងទៀតបង្កឱ្យមានការភ្ញាក់ផ្អើលនៅក្នុងឧស្សាហកម្មកម្សាន្តកូរ៉េ។

បន្ទាប់ពីស្ងប់ស្ងាត់មួយរយៈ រឿងរ៉ាវហាក់ដូចជាកំពុងចលាចលម្តងទៀត និងត្រូវបាន “ជីកកកាយ” បន្ទាប់ពី V ចេញពីយោធាជាផ្លូវការ។ ការបង្ហោះចុងក្រោយរបស់ V មានខ្លឹមសាររំលឹក Jennie ទោះបីជា caption ជា «tete» ជំនួសឱ្យ «jeje» ក៏ដោយ វាគ្រប់គ្រាន់សម្រាប់អ្នកគាំទ្រគិតថាមានអត្ថន័យលាក់កំបាំង។ ភ្លាមៗនោះ អ្នកនិយមលេង អ៊ីនធឺណិតជាច្រើន ក៏បានចែករំលែកនូវព័ស្តុតាងជាច្រើន ដែលនិយាយថាមិនអាចទៅរួច ឬគ្រាន់តែជាការចៃដន្យតែប៉ុណ្ណោះ។ ក្នុងចំណោមនោះ រូបថតដែល Jennie បានបង្ហោះពី ក្រោយឆាកនៃ MV «Seoul City» ត្រូវបានគេនិយាយថាមានព័ត៌មានលម្អិតដែលត្រូវ នឹងប្រវត្តិយោធារបស់ V ។ មិនត្រឹមតែប៉ុណ្ណោះ នំខេកអបអរការការវិលត្រឡប់មកវិញ របស់ V ចែករំលែកជាមួយពាក្យថា «ខ្ញុំសប្បាយចិត្តដែលបាននៅជាមួយអ្នក» ត្រូវបាននិយាយថាមកពីហាងនំប៉័ងដែល Jennie តែងតែប្រើ។

ដោយមិនឈប់នៅទីនោះ កូនសោរ V ពាក់នៅលើកាបូបស្ពាយរបស់លោកនៅថ្ងៃដែល ចេញពីទាហានត្រូវបានគេនិយាយថាជាគូជាមួយ keychain Jennie ដែលធ្លាប់ប្រើពីមុន។ ប្រព័ន្ធផ្សព្វផ្សាយសង្គមនៅតែបន្តចែកចេញជាពីរក្រុម បន្ទាប់ពីព័ស្តុតាងនៃការណាត់ជួបរបស់ V និង Jennie ត្រូវបានចែករំលែក។ អ្នកខ្លះគិតថានេះជាការនិយាយហួសហេតុពេក ហើយអ្នកខ្លះទៀតគិតថាអ្នកទាំងពីរពិតជាមានទំនាក់ទំនងជាមួយគ្នា ហើយនេះមិនមែនជាលើកទីមួយទេដែលមានព័ស្តុតាងចៃដន្យបែបនេះ។

កាលពីមុនមានគណនីមួយ បានបង្កភាពចលាចលក្នុងចំណោមសហគមន៍អ្នកគាំទ្រ របស់ BTS និង Blackpink ដោយបញ្ចេញនូវពេលវេលាណាត់ជួបជាបន្តបន្ទាប់ដែលគេ ជឿថាជារវាង V និង Jennie ។ ទោះបីជាមិនបានបញ្ជាក់ការពិតក៏ដោយ ប៉ុន្តែបន្ទាប់ពី រូបថតមួយឈុតនេះ ទស្សនិកជនជាច្រើនក៏បានរកឃើញថា អ្នកទាំងពីរបានស្លៀក សម្លៀកបំពាក់ដែលត្រូវគ្នាជាច្រើនដង ហើយមានរឿងចៃដន្យនៅក្នុងរូបថតដែលបាន បង្ហោះនៅលើទំព័រផ្ទាល់ខ្លួនរបស់ពួកគេ។

មិនតែប៉ុណ្ណោះនៅក្នុងខែឧសភា ឆ្នាំ ២០២៣ បណ្តាញសង្គមបានផ្សព្វផ្សាយ វីដេអូមួយ របស់ Jennie និង V កាន់ដៃគ្នាដើរនៅទីក្រុងប៉ារីស ប្រទេសបារាំង។ មានព័ស្តុតាងជា ច្រើនដែលថាសម្លៀកបំពាក់របស់ Jennie និង V ត្រូវគ្នានឹងតួអង្គទាំងពីរ នៅក្នុងវីដេអូ ដែលនាំឱ្យមនុស្សជាច្រើនជឿថា V និង Jennie ពិតជាមានទំនាក់ទំនង ស្នេហា នឹងគ្នា។ យ៉ាងណាមិញ បើទោះបីជាមានពាក្យចចាមអារ៉ាម ជាច្រើនទាក់ទងគ្នាក៏ដោយរហូតមក ដល់ពេលនេះ អ្នកទាំងពីរមិនដែលបដិសេធ ឬបញ្ជាក់ពាក្យចចាមអារ៉ាមនេះទេ៕