ថ្មីៗនេះតារាចម្រៀង ទេព បូព្រឹក្ស ត្រូវបានអ្នកលេងបណ្តាញសង្គមមួយចំនួនបានបញ្ចេញ មតិវែកញែកទៅលើមុខមាត់តារាចម្រៀងរូបនេះ។ ទោះយ៉ាងណា ការបញ្ចេញមតិមួយ ចំនួន ជី ដេវិត ឆ្លងតបដោយផ្ទាល់តែម្តងដោយលោកនិយាយថា ខ្លួនចេះមើលថែ ទេព បូព្រឹក្ស។
វាបានក្លាយជាប្រធានបទជជែកវែកញែកទៅលើរូបសម្រស់របស់ ទេព បូព្រឹក្ស បន្ទាប់ពី តារាចម្រៀងស្រីឯករាជ្យរូបនេះបានបង្ហោះរូបភាព Pre Weeding របស់ខ្លួនជាបន្តបន្ទាប់ហើយមុខមាត់ដែលមានការផាត់មុខថ្មីៗនេះត្រូវបានអ្នកមួយចំនួនគិតថាមិនស្រស់ស្អាតចាញ់សម្រស់ដែលមិនទាន់កែសម្ផស្ស។ 
មិនឆ្លើយតបដោយសម្តីក្រោធក្រោយពីមានអ្នកវែកញែកអំពីមុខមាត់របស់ខ្លួន ទេព បូព្រឹក្ស បានបង្ហោះវីដេអូស្វីតៗរបស់ខ្លួនជាមួយ ជី ដេវិត ប៉ុន្តែបង្កប់អត្ថន័យថា ហើយគេឡើងគួរឱ្យស្រលាញ់នៀក។ ជី ដេវិត ក៏បានចែករំលែកបន្តជាមួយនឹងសម្តីថា «គេឡើង Cute»។ ការចែករំលែកបន្តពីសំណាកតារាចម្រៀងរូបនេះគេបាន ឃើញលោកឆ្លើយតបមតិមួយចំនួនដែលបាននិយាយពីភរិយារបស់ខ្លួន។
គណនីមួយ បានចូលទៅខម្មិននៅក្នុងការបង្ហោះរបស់ ជី ដេវិត ថា «កាលចេញសម្ដែងដំបូងជាមួយ ឆន សុវណ្ណរាជ សុភាពស្អាត មុខធម្មជាតិស្អាតណាស់ អាឡូវពិបាកមើលណាស់សុំទោសនិយាយចង់ឱ្យល្អ»។ ការខម្មិននេះ ជី ដេវិត បានឆ្លើយតបយ៉ាងពិសេសថា «បាទអរគុណច្រើនបង បងកុំបារម្ភពីប្រពន្ធខ្ញុំពេកបង ខ្ញុំចេះមើលថែគាត់ហើយ»។
.png)
គួរបញ្ជាក់ផងដែរថា ជី ដេវិត និង ទេព បូព្រឹក្ស នឹងចូលរោងជ័យនាថ្ងៃទី៧ មិថុនា ឆ្នាំ២០២៥ ចំណែកនៅថ្ងៃទី៨ មិថុនា អ្នកទាំងពីរគឺបានរៀបចំកម្មវិធីសម្រាប់ហ្វេនៗចូលរួមជាច្រើនពាន់នាក់។ អ្វីដែលមហាជនកោតសរសើរតារាចម្រៀងទាំងពីររូបនេះគឺបានរៀបចំធៀបការរំលេចពីប្រាសាទខ្មែរខុសពីអ្នកដទៃ ហើយបានថតរូបភាព Pre Weeding ពីប្រាសាទជាច្រើនកន្លែង នៅក្នុងប្រទេសកម្ពុជា៕
