មិនឱ្យចាញ់ចិត្តនឹងអ្នកសួរតារាចម្រៀង ជី ដេវិត បានឆ្លើយតបវិញប្រកបដោយភាពត្រជាក់ នៅពេលគេបានសួរនៅក្នុងការបង្ហោះរបស់ខ្លួនក្នុងថ្ងៃមង្គលការមានអញ្ជើញតារាចម្រៀងរ៉េប វណ្ណដា ឬអត់?
.png)
ដូចប្រិយមិត្តជ្រាបមកហើយថាសម្ព័ន្ធភាពរបស់ តារាចម្រៀង ជី ដេវិត និង វណ្ណដា តែងតែ ត្រូវបានអ្នកប្រើប្រាស់បណ្តាញសង្គមតាមដានជានិច្ច ពេលខ្លះក៏ធ្វើឱ្យហ្វេនៗរំភើបប៉ុន្តែ ពេលខ្លះទៀតគឺបានធ្វើឱ្យហ្វេនៗមួយចំនួនមានជម្លោះជាមួយគ្នាមិនដែលដាច់តាំងពី ដើមរហូតមកដល់បច្ចុប្បន្ននេះ។ ទន្ទឹមនឹងតារាចម្រៀង ជី ដេវិត កំពុងមមាញឹក នៅក្នុង ការអញ្ជើញអ្នកសិល្បៈចូលរួមក្នុងថ្ងៃមង្គលរបស់ខ្លួននាពេលខាងមុខអ្នកប្រើប្រាស់ បណ្តាញសង្គមមួយចំនួនបានបញ្ចេញមតិចង់ដឹងថា ជី ដេវិត ហៅការ វណ្ណដា ឬអត់?
ជាក់ស្តែងនៅថ្ងៃទី១៩ ឧសភា នេះនៅលើគណនីបណ្តាញសង្គមផ្ទាល់ខ្លួន ជី ដេវិត បានបង្ហោះសំណេរខ្លីមួយថា «រៀបសំបុត្រការវិលមុខតែសប្បាយ»។ ការបង្ហោះនេះបាន ជំរុញឱ្យគណនីហ្វេកប៊ុកមួយឈ្មោះថា Heng បានចូលខម្មិនលើការបង្ហោះរបស់ ជី ដេវិត ថា «ប្រូហៅវណ្ណដាអត់? ចម្លើយខ្លីៗមក (ហៅ ឬ អត់)»។
មិនឱ្យចាញ់ចិត្តអ្នកខម្មិន តារាចម្រៀងរូបនេះបានតបចូលទៅឆ្លើយតបដោយផ្ទាល់វិញថា «ក្រែងជាមិត្តស្និតស្នាលហី? ម៉េចមិនសួរខ្លួនឯងទៅ»។ ការឆ្លើយតបពីសំណាកតារា ចម្រៀង ជី ដេវិត អំពីការសួរជីកឬសជីកគល់ពី វណ្ណដា នេះបានធ្វើឱ្យអ្នកលេងបណ្តាញ សង្គមចូលទៅ Reply ជាច្រើនទៀត។
កន្លងមកសង្គ្រាម Diss Track រវាង វណ្ណដា និង ជី ដេវិត គឹបានធ្វើឱ្យមានការចាប់ អារម្មណ៍យ៉ាងខ្លាំងបន្ទាប់ពីអ្នកទាំងពីរឌឺដងតាមរយៈតន្រ្តី ហើយវិលមកជានានិងចាប់ ដៃគ្នាវិញ។ ទោះយ៉ាងណា ការ Diss Track ចុងក្រោយនេះរបស់ ជី ដេវិត ទៅកាន់ វណ្ណដា បានធ្វើឱ្យទស្សនិកជនគិតថាទំនាក់ទំនងអ្នកទាំងពីរនឹងពិបាកផ្សះផ្សារគ្នាដូច ពីមុនណាស់៕
