ចូរប្រយ័ត្ន! ហាមដាច់ខាតបរិភោគចំណីអាហារទាំងនេះក្នុងពេលជាមួយគ្នា

អ្នកជំនាញផ្នែកចំណីអាហារហាមបរិភោគចំណីអាហារទាំងនេះក្នុងពេលជាមួយគ្នា ពីព្រោះវានឹងប៉ះពាល់សុខភាព ប៉ុន្តែមនុស្សភាគច្រើនពុំចាប់អារម្មណ៍ តែងតែបរិភោគចំណីអាហារទាំងនេះជាមួយគ្នាជាញឹកញាប់ ។ តើចំណីអាហារណាខ្លះដែលហាមបរិភោគជាមួយគ្នា និងប៉ះពាល់សុខភាពដូចម្តេចខ្លះ?

១-ទឹកដោះគោ និងផ្លែក្រូច ៖ ហាមផឹកទឹកដោះគោ និងបរិភោគផ្លែក្រូច ឬផ្លែឈើមានរសជាតិជូរក្នុងពេលជាមួយគ្នា ពីព្រោះជាតិអាស៊ីតក្នុងផ្លែក្រូច នឹងធ្វើឱ្យទឹកដោះគោជាប់គ្នាជាដុំក្នុងក្រពះអាហារ ដែលបណ្តាលឱ្យពិបាករំលាយអាហារ និងហើមពោះ ។

២-ឪឡឹក និងទឹកកក ៖ ហាមបរិភោគឪឡឹក និងទឹកកកជាមួយគ្នា ពីព្រោះទាំងពីរមុខនេះសុទ្ធតែត្រជាក់ខ្លាំងធ្វើឱ្យឈឺពោះ ឆ្អល់ពោះ ជាពិសេស អ្នកមានបញ្ហាប្រព័ន្ធរំលាយអាហារខ្សោយ ។

៣-ទុរេន និងស្រាបៀរ ៖ ហាមបរិភោគទុរេនជាមួយស្រាបៀរ ឬកាហ្វេ ពីព្រោះនឹងធ្វើឱ្យបេះដូងលោតញាប់ខុសធម្មតា និងក្តៅខ្លួន ។ ការបរិភោគទុរេនជាមួយជាតិកាហ្វេអ៊ីន ឬស្រាបៀរ នឹងធ្វើឱ្យប៉ះពាល់ប្រព័ន្ធដុតបំផ្លាញខ្លាញ់ ។

៤-ស៊ុតមាន់ និងសណ្តែកសៀង ៖ ហាមបរិភោគស៊ុតមាន់ជាមួយសណ្តែកសៀង ពីព្រោះប្រូតេអ៊ីនក្នុងសណ្តែកសៀង អាចរារាំងប្រូតេអ៊ីនពីស៊ុត ។

៥-យ៉ៅអ៊ួ និងអាហារចៀន ៖ ហាមបរិភោគយ៉ៅអ៊ួជាមួយអាហារចៀន ពីព្រោះខ្លាញ់ក្នុងអាហារចៀននឹងធ្វើឱ្យប៉ះពាល់ដល់ដំណើរការរបស់មីក្រូសរីរាង្គល្អ ។ ការបរិភោគអាហារប្រភេទនេះជាមួយគ្នា នឹងធ្វើឱ្យហើមពោះ រាគរូស ។

៦-នំបញ្ចុក និងភេសជ្ជៈជាតិហ្គាស ៖ ហាមបរិភោគនំបញ្ចុកជាមួយភេសជ្ជៈជាតិហ្គាស ដើម្បីចៀសវាងការឡើងជាតិស្ករទ្វេដង ហើយហ្គាសក្នុងភេសជ្ជៈនឹងធ្វើឱ្យឆ្អល់ពោះ ពិបាករំលាយអាហារ ។

៧-ចេកអំបូង និងទឹកដោះគោ ៖ ហាមបរិភាគចេកអំបូងជាមួយទឹកដោះគោដាច់ខាត ពីព្រោះការបរិភោគអាហារទាំងពីរនេះនឹងពិបាករំលាយអាហារ ព្រមទាំងកើនឡើងជាតិស្ករ ។

៨-ត្រី និងបន្លែមួយចំនួន ៖ ហាមបរិភោគត្រីជាមួយបន្លែមួយចំនួន ដូចជា ៖ ផ្ទី ពីព្រោះធ្វើឱ្យរាងកាយស្រូបយកកាល់ស្យូមក្នុងត្រីតិចជាងមុន ។

៩-ទឹកកក និងអាហារក្តៅ ៖ ហាមផឹកទឹកកក ពេលបរិភោគអាហារក្តៅៗ ពីព្រោះសីតុណ្ហភាពរាងកាយនឹងផ្លាស់ប្តូរភ្លាមៗប៉ះពាល់ប្រព័ន្ធរំលាយអាហារ និងក្រពះ ។

១០-បាយដំណើបសង់ខ្យា ៖ ការបរិភោគបាយដំណើបសង់ខ្យា នឹងធ្វើឱ្យកម្រិតស្ករក្នុងឈាមកើនឡើងខ្ពស់ ហើយវាធ្វើឱ្យឆ្អែតតែមួយភ្លែតប៉ុណ្ណោះក្រោយបរិភោគបាយដំណើបសង់ខ្យា យើងនឹងឆាប់ឃ្លានវិញ ៕