យើងតែងគិតថា ផ្លែឈើគ្រប់ប្រភេទសុទ្ធតែផ្តល់នូវអត្ថប្រយោជន៍ជាច្រើនដល់សុខភាព ហើយអាចបរិភោគពេលណាក៏បាន គ្មានបញ្ហាអ្វីទេ ប៉ុន្តែជ្រាបទេថា អ្នកជំនាញចំណីអាហារបានណែនាំឱ្យផ្លែឈើ៧មុខនេះពេលព្រឹកដើម្បីជួយសុខភាព និងហាមដាច់ខាតបរិភោគពេលល្ងាច ពីព្រោះវានឹងប៉ះពាល់សុខភាព ឬរំខានការសម្រាកពេលយប់ ។ តើផ្លែឈើទាំង៧មុខនេះមានអ្វីខ្លះ?
១-ផ្លែក្រូច ៖ ការបរិភោគផ្លែក្រូចពេលព្រឹក នឹងធ្វើឱ្យមានអារម្មណ៍ស្រស់ស្រាយ ដោយសារផ្លែក្រូចសម្បូរវីតាមីន C និងអាចជួយប្រឆាំងជំងឺផ្តាសាយយ៉ាងមានប្រសិទ្ធភាព ។ ប៉ុន្តែបើបរិភោគផ្លែក្រូចពេលល្ងាច គឺជាតិអាស៊ីតរបស់វាអាចធ្វើឱ្យហើមពោះ ក្រហាយ ឬរលាកក្រពះ ។
២-ចេកអំបូង ៖ ការបរិភោគចេកអំបូងពេលព្រឹក ផ្តល់នូវថាមពលដ៏ល្អដល់រាងកាយ និងស័ក្តិសមជាមួយអ្នកប្រញាប់ទៅបំពេញការងារ គ្មានពេលវេលាចម្អិនអាហារព្រឹក ។ ប៉ុន្តែការបរិភោគចេកអំបូងពេលល្ងាច គឺជាតិស្ករក្នុងចេកអំបូងនឹងធ្វើឱ្យឆាប់ឡើងទម្ងន់ដោយពុំដឹងខ្លួន ។
៣-ឪឡឹក ៖ ឪឡឹកនឹងជួយបណ្តេញកាកសំណល់ពីក្នុងខ្លួន និងធ្វើឱ្យយើងស្រស់ថ្លា បើបរិភោគវាពេលព្រឹក ។ ប៉ុន្តែបើបរិភោគឪឡឹកពេលល្ងាច ឬក្បាលព្រលប់ យើងនឹងបត់ជើងតូចញឹកញាប់ និងរំខានការសម្រាកពេលយប់ ។
៤-ស្វាយទុំ ៖ ស្វាយទុំសម្បូរដោយជាតិសរសៃជួយឱ្យពោះវៀនដំណើរការល្អ បើបរិភោគពេលព្រឹក ប៉ុន្តែការបរិភោគស្វាយទុំពេលល្ងាច គឺប្រឈមនឹងជាតិស្ករខ្ពស់ កើតជំងឺទឹកនោមផ្អែម ជាពិសេស អ្នកកំពុងសម្រកទម្ងន់ ។
៥-ផ្លែមៀន ៖ ការបរិភោគផ្លែមៀនពេលព្រឹកជួយដល់ខួរក្បាល និងបង្កើនថាមពលរាងកាយ ។ អ្នកជំនាញចំណីអាហារហាមដាច់ខាតបរិភោគផ្លែមៀនពេលល្ងាច ពីព្រោះវានឹងធ្វើឱ្យក្តៅក្នុង ឬណែនដើមទ្រូង ។
៦-ផ្លែមង្ឃុត ៖ ផ្លែមង្ឃុតផ្តល់នូវអត្ថប្រយោជន៍ជាច្រើនដល់រាងកាយ ដូចជា ៖ ផ្តល់ថាមពល ជួយថែរក្សាភ្នែក ថែរក្សាសុខភាពមាត់ធ្មេញ និងអញ្ចាញធ្មេញ ។ ប៉ុន្តែបើបរិភោគវាពេលល្ងាច នឹងប៉ះពាល់ដល់ប្រព័ន្ធរំលាយអាហារធ្វើឱ្យយើងមិនស្រួលខ្លួន ។.png)
៧-ស្រការនាគ ៖ ផ្លែស្រការនាគ នឹងជួយឱ្យងាយស្រួលបន្ទោរបង់ បើបរិភោគវាពេលព្រឹក ប៉ុន្តែបើបរិភោគពេលល្ងាច វានឹងធ្វើប៉ះពាល់ពោះវៀន ឬពោះវៀនធ្វើការធ្ងន់ជាងធម្មតា ។
.png)
សរុបមក គួរតែជ្រើសរើសពេលវេលាបរិភោគផ្លែឈើ មិនមែនចេះតែបរិភោគគ្រប់ពេលនោះទេ ពីព្រោះបើបរិភោគខុសពេលវេលា វានឹងធ្វើឱ្យប៉ះពាល់សុខភាព ។ ការផ្លាស់ប្តូរពេលវេលាបរិភោគផ្លែឈើ អាចធ្វើឱ្យរាងកាយផ្លាស់ប្តូរយ៉ាងច្រើន ចុះលោកអ្នកវិញ បានផ្លាស់ប្តូរពេលវេលាបរិភោគផ្លែឈើដែរឬទេ?
