ប្រិយមិត្តមួយចំនួនជ្រាបហើយថាអ្នកបង្កើតមាតិកាល្បីឈ្មោះក្នុងសង្គមលោក ហេង វាសនា បងប្រុសបង្កើតលោក ហេង វិសាល បានប្រកាសចំណងស្នេហ៍ជាសាធារណៈ ជាមួយគូស្នេហ៍ភេទដូចគ្នាគឺ Fong ។ នាពេលថ្មីៗនេះអ្នកទាំងពីរបានលាតត្រដាងនៅក្នុង កម្មវិធីសម្ភាសន៍មួយដោយបញ្ជាក់ថាខាងក្រុមគ្រួសារមិនជំទាស់ពីទំនាក់ទំនងអ្នកទាំងពីរ ឡើយ។
នៅក្នុងកម្មវិធី 3Fun ដែលបានចាក់ផ្សាយនៅរាត្រីថ្ងៃទី១៦ ឧសភា គឺមានវត្តមានរបស់ អ្នកបង្កើតមាតិកាលោក ហេង វាសនា និង Fong ដែលជាគូស្នេហ៍។ នេះជាលើកដំបូង សម្រាប់អ្នកទាំងពីរចូលរួមផ្តល់បទសម្ភាសន៍ចាប់តាំងពីលាតត្រដាងពីទំនាក់ទំនងមក។ កម្មវិធីនេះក៏បានធ្វើឱ្យអ្នកគាំទ្ររបស់ពួកគេបានដឹងពីរឿងរ៉ាវខ្លះៗនៃការចាប់ផ្តើមទំនាក់ ទំនងពីហ្វេន ទៅជាអ្នកគ្រប់គ្រង និងការផ្ញើទុរេនឱ្យ Fong ញុំា។ មិនលាក់លៀមនោះទេ Fong បានបញ្ជាក់ថាខ្លួនគឺជាអ្នកស្រលាញ់និងសារភាពទៅ ហេង វាសនា មុន ហើយការ យកចិត្តទុកដាក់លើចំណុចតូចៗ បានជំរុញឱ្យអ្នកទាំងពីរបង្កើត ទៅជាសម្ព័ន្ធភាពស្នេហ៍។
ជាមួយគ្នានេះដែរ ហេង វាសនា បាននិយាយថាចំពោះទំនាក់ទំនងស្នេហាភេទដូចគ្នា ជាមួយ Fong គឺមានមតិអវិជ្ជមានមួយចំនួនតូច ប៉ុន្តែមានភាពវិជ្ជមានច្រើន ខណៈចំណុច អវិជ្ជមាននោះគឺមានការប្រៀបធៀបទៅនឹង ហេង វិសាល ដែលជាប្អូនរបស់ខ្លួន។ ទោះយ៉ាងណាចំពោះទំនាក់ទំនងស្នេហាអ្នកទាំងពីរខាងក្រុមគ្រួសារមិនជំទាស់ការទាក់ទងរបស់ពួកគេឡើយ គឺមានការយល់ព្រម ខណៈ ហេង វាសនា និយាយថាទំនាក់ទំនងនេះ ហេង វិសាល គឺដឹងមុនគេ។ មិនត្រឹមតែប៉ុណ្ណោះអ្នកទាំងពីរក៏មានគម្រោងដឹកដៃគ្នាចូល រោងការនាពេលអនាគតផងដែរ។
សេចក្តីស្រលាញ់ក្នុងរយៈពេល២ឆ្នាំមកនេះ Fong និង ហេង វាសនា បាននិយាយថាការ ប្រចែប្រចណ្ឌ គឺពិតជាមានហើយជាភាគីរបស់ Fong ប៉ុន្តែគឺជាការឈ្លោះតែម្នាក់ឯងពេល បានឆែកទូរសព្ទមើលឆាតរបស់ ហេង វាសនា៕
