សម្រស់របស់ V ត្រូវបានគេសរសើរថាជារូបតំណាងសម្រស់ពិភពលោក

យោងតាមគេហទំព័រ Allkpop V សមាជិក BTS បានឈរនៅលើកំពូលតារាង «Male Idol with Gorgeous Appearance» ដែលធ្វើឡើងដោយសហគមន៍តារា Kpop Choeaedol ។ គេហទំព័រនេះបានលើកសរសើរ V ថាជារូបតំណាងសម្រស់ពិភពលោក។

ជារឿយៗ V ត្រូវបានអ្នកគាំទ្រសរសើរលោកចំពោះទម្រង់មុខដ៏មានមន្តស្នេហ៍ច្រមុះដ៏ ស្រស់ស្អាត និងចិញ្ចើមកោង ដែលទាំងអស់នេះបង្កើតឱ្យមានមន្តស្នេហ៍ដែលភ្លឺថ្លា និងទន់ភ្លន់។ ពីមុន V ជាប់ចំណាត់ថ្នាក់ជាច្រើនដងថាជាបុរសសង្ហាជាងគេលើពិភព លោក។ លោកត្រូវបានគេដាក់ឈ្មោះថា «មុខសង្ហាបំផុតប្រចាំឆ្នាំ ២០១៧» ដោយ TC Candler ដែលឈរនៅលើកំពូលតារាង «បុរសអាស៊ីដែលទាក់ទាញបំផុតទាំង ១០០» អស់រយៈពេល ៣ ឆ្នាំជាប់ៗគ្នា ហើយបានជាប់ចំណាត់ថ្នាក់កំពូលនៃការស្វែងរក «បុរសសង្ហាបំផុត» របស់ Google Trends ក្នុងរយៈពេលមួយទសវត្សរ៍កន្លងមកនេះ។



អ្នករិះគន់វប្បធម៌ប៉ុបប្រេស៊ីលធ្លាប់បានហៅ V ថាជា «រូបតំណាងនៃវប្បធម៌បូព៌ាឆ្លងកាត់ រូបភាព បែបបស្ចិមប្រទេសនៃភាពជាបុរស ហើយបានសរសើរតួនាទីរបស់តារាចម្រៀង រូបនេះ ក្នុងការពង្រីកស្តង់ដារសម្រស់ពិភពលោក។ គ្រូពេទ្យវះកាត់កែសម្ផស្សដ៏ល្បីរបស់ កូរ៉េពណ៌នា V ថាមាន «មុខសំខាន់ដែលរួមបញ្ចូលគ្នានូវលក្ខណៈបុរស និងស្ត្រី»។



សារព័ត៌មានអន្តរជាតិ TechnoSports បានបញ្ចេញបញ្ជី «បុរសសង្ហាបំផុតទាំង ១០ នៅលើពិភពលោកក្នុងឆ្នាំ ២០២៥» ដែលតារាចម្រៀងកូរ៉េ V (Kim Taehyung) នៃសមាជិកក្រុម BTS ជាប់ឈ្មោះជាបុរសដែលទាក់ទាញជាងគេ។ របាយការណ៍បានគូស បញ្ជាក់ថា V បានវ៉ាដាច់តារាហូលីវូដ Brad Pitt ដើម្បីដណ្តើមបានតំណែងកំពូល។

មានហេតុផលពីរយ៉ាងដែល V តែងតែទទួលបានចំណាត់ថ្នាក់ខ្ពស់សូម្បីតែពេលប្រកួត ប្រជែងជាមួយតារាអាស៊ី ឬសិល្បករអឺរ៉ុប និងអាម៉េរិក នោះគឺ V មានកេរ្តិ៍ឈ្មោះល្អ និង រូបរាងដែលស័ក្តសមនឹងសោភ័ណភាពពេញនិយម។ ម្យ៉ាងវិញទៀត វត្តមានរបស់ V ក្នុងចំណាត់ថ្នាក់ខ្ពស់ នឹងជួយឱ្យបញ្ជីទទួលបានការចាប់អារម្មណ៍និងទាក់ទាញការ ពិភាក្សា កាន់តែច្រើនពីសាធារណជន។

V មានមុខជាមួយនឹងសមាមាត្រមាសដ៏ល្អឥតខ្ចោះ។ ជាពិសេសតារាប្រុសមានច្រមុះខ្ពស់ស្រួចដែលចាប់ផ្តើមចេញពីចិញ្ចើម។ នេះគឺជាទម្រង់ច្រមុះដ៏កម្រនិងពិបាកសម្រេចបាន តាមរយៈការវះកាត់កែសម្ផស្ស៕

---