តម្លៃប្រេងសាំងនៅកម្ពុជានឹងចុះថ្លៃចាប់ពីថ្ងៃទី១១ ដល់ទី២០ ខែឧសភានេះ

រាជធានីភ្នំពេញ ៖ ក្រសួងពាណិជ្ជកម្មបានចេញសេចក្ដីជូនដំណឹងទាក់ទងនឹងតម្លៃលក់រាយរបស់ប្រេងឥន្ធនៈនៅតាមស្ថានីយដែលត្រូវអនុវត្តចាប់ពីថ្ងៃទី១១ ដល់ថ្ងៃទី២២ ខែឧសភា ឆ្នាំ២០២៥ នេះតទៅ។

យោងតាមសេចក្តីជូនដំណឹងរបស់ក្រសួងពាណិជ្ជកម្ម បានចេញផ្សាយនៅថ្ងៃទី១១ខែឧសភានេះ តម្រូវអោយស្ថានីយប្រេងលក់សាំងធម្មតាក្នុងតម្លៃ ៣៧០០រៀលក្នុងមួយលីត្រ រីឯ ប្រេងមាស៊ូតធម្មតាតម្លៃ៣៤៥០រៀលក្នុងមួយលីត្រ ចាប់ពីថ្ងៃទី១១ដល់ថ្ងៃ២០ខែឧសភា។

ផ្អែកតាមតម្លៃដែលកំណត់ដូចខាងលើនេះ វាមានន័យថាចំពោះសាំងធម្មតាត្រូវចុះថ្លៃចំនួន៥០រៀលក្នុងមួយលីត្រ ចំណែកចំពោះប្រេងម៉ាស៊ូតធម្មតាត្រូវចុះថ្លៃ១០០រៀលក្នុងមួយលីត្រ។

គួរជម្រាបថា ការបញ្ចុះថ្លៃប្រេងនេះគឺផ្អែកតាមគោលការណ៍ណែនាំរបស់សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា និងការរួមចំណែកពីក្រុមហ៊ុនលក់ប្រេងដើម្បីជួយសម្រួលដល់ជីវភាពប្រជាជនកម្ពុជា និង យោងតាមការប្រែប្រួលតម្លៃប្រេងនៅទីផ្សារពិភពលោកផងដែរ។

អាស្រ័យហេតុ នេះក្រសួងពាណិជ្ជកម្មសង្ឃឹមថាស្ថានីយប្រេងទាំងអស់ត្រូវអនុវត្តតាមសេចក្តីជូនដំណឹងខាងលើនេះ៕