មិនត្រឹមតែទស្សនិកជនប៉ុណ្ណោះទេដែលមានអារម្មណ៍សប្បាយចិត្តនៅពេលឃើញវត្តមាន ឌីជេ ក្តិប និង វណ្ណដា បង្ហាញការសម្តែងរួមគ្នានៅលើឆាកតន្រ្តីកាលពីកន្លងមកថ្មីៗនេះសូម្បីតែសាមីខ្លួនផ្ទាល់គឺ ឌីជេ ក្តិប ក៏រំភើបចិត្តមិនចាញ់អ្នកគាំទ្រប៉ុន្មាននោះទេរហូតដល់ពោលពាក្យនេះឡើង។.png)
នៅថ្ងៃទី៦ ឧសភា ឌីជេ ក្តិប បានបង្ហោះរូបភាពជាមួយនឹង វណ្ណដា ក្នុងគា្រដែលអ្នកទាំងពីរបានសម្តែងនៅឯការប្រគំតន្រ្តីរបស់ វណ្ណដា នៅឯខេត្តបាត់ដំបងកាលពីថ្ងៃទី៣ ឧសភា កន្លងមកនេះ។ ភ្ជាប់មកជាមួយនឹងរូបភាព៣សន្លឹកម្ចាស់បទ «បើកលុយ» បានបង្ហាញអារម្មណ៍របស់ខ្លួនយ៉ាងដូច្នេះថា « Mann Vannda អរគុណណាស់អូនសម្លាញ់!សម្រាប់ក្ដីស្រលាញ់រួមនឹងការឱ្យតម្លៃ១នេះ»។
ឌីជេ ក្តិប ក៏បានបង្ហាញអារម្មណ៍មានមោតនភាពទៅកាន់ វណ្ណដា ដែលបង្កើតស្នាដៃនៅលើឆាកអន្តរជាតិ។ លោកថ្លែងយ៉ាងដូច្នេះថា «បងពិតជារំភើបហើយពិតជាមានអារម្មណ៍មោទនភាពចំពោះរាល់ស្នាដៃបទចម្រៀងរបស់ប្អូនដែលបានពាំនាំនូវឧបករណ៍ភ្លេងខ្មែរ វប្បធម៌ខ្មែរបង្អួតនៅលើឆាកអន្តរជាតិ (ដោយក្ដីគោរពពីបងពេញបេះដូង) សូមជូនពរប្អូនទទួលបានសុខភាពល្អ សំណាងល្អ ក៏ដូចជាសម្រេចបានគ្រប់ភារៈកិច្ចការងារនិងបំណងប្រាថ្នា។_អរគុណ»។
គួរឱ្យដឹងថាមិនត្រឹមតែ ឌីជេ ក្តិប ប៉ុណ្ណោះទេដែលបង្ហាញអារម្មណ៍រំភើបបន្ទាប់ពីទទួលបានកតិ្តយសជាសិល្បៈរៀមច្បងចូលរួមការប្រគំតន្រ្តីរបស់ វណ្ណដា កាលពីពេលថ្មីៗនេះតារាពហុជំនាញ ខាត់ សុឃីម ដែលជាតារាកិត្តិយសមួយរូបក៏បានបង្ហាញអារម្មណ៍រំភើបហួសពីការរំពឹងទុក និងបានអរគុណទៅកាន់ វណ្ណដា រួមទាំងផលិតកម្មបារមីដែលផ្តល់កិត្តិយដល់សិល្បៈរៀមច្បង៕
