Song Hye Kyo រំភើបឡើងស្រក់ទឹកភ្នែកនៅក្នុងកម្មវិធីពានរង្វាន់ដោយសារតែតារាសម្តែង Yeom Hye Ran

តារាសម្តែងល្បីឈ្មោះ Song Hye Kyo បានស្រក់ទឹកភ្នែកដោយកម្រអំឡុងពេលការទទួលពានរង្វាន់ របស់តារាសម្តែងរួមអាជីព Yeom Hye Ran នៅឯ Baeksang ឆ្នាំ២០២៥ លើកទី៦១។ នេះបង្ហាញពីទំនាក់ទំនងដ៏ជ្រាលជ្រៅរបស់ពួកគេបន្ទាប់ពីធ្លាប់បានសម្តែងរឿងជាមួយគ្នា។

នៅល្ងាចថ្ងៃទី ៥ ខែឧសភា ពានរង្វាន់ Baeksang Arts ឆ្នាំ ២០២៥បានប្រព្រឹត្តទៅដោយផ្តល់កិត្តិយសដល់បុគ្គលឆ្នើម និងគម្រោងក្នុងវិស័យទូរទស្សន៍ ភាពយន្ត និងរឿងភាគនៅក្នុងប្រទេសកូរ៉េខាងត្បូងកាលពីឆ្នាំ២០២៤។ ក្នុងចំណោមឈ្មោះដែលគេនិយាយច្រើនបំផុតគឺ Song Hye Kyo បើទោះជាតារាស្រីរូបនេះត្រឡប់ទៅផ្ទះដោយដៃទទេដោយបានបាត់បង់ពានរង្វាន់ធំក៏ដោយ។

ឆ្នាំនេះ Song Hye Kyo ត្រូវបានតែងតាំងជាតួឯកស្រីល្អបំផុតក្នុងខ្សែភាពយន្តសម្រាប់តួនាទីរបស់នាងនៅក្នុង Dark Nuns ។ ជាអកុសល ថ្វីដ្បិតតែការសម្តែងរបស់នាងទទួលបានការសរសើរខ្ពស់ក៏ដោយ ទីបំផុតវាមិនបានសម្រេចទាំងស្រុងក្នុងការបញ្ចុះបញ្ចូលគណៈវិនិច្ឆ័យនោះទេ។ ទោះបីជាចាកចេញពីពិធីនេះដោយគ្មានពានរង្វាន់ក៏ដោយ ក៏ Song Hye Kyo នៅតែបន្តពេញនិយមនៅលើអ៊ីនធឺណិត មួយផ្នែកដោយសារតែភាពស្រស់ស្អាតរបស់នាង ហើយមួយផ្នែកក៏អរគុណចំពោះការបញ្ចេញមតិ និងការប្រាស្រ័យទាក់ទងរបស់នាងជាមួយតារារួមការងារផងដែរ។

អ្វីដែលគេនិយាយច្រើនជាងគេបំផុតដែលមាន Song Hye Kyo នៅ Baeksang ឆ្នាំនេះ គឺនៅពេលដែលនាងត្រូវបានគេឃើញស្រក់ទឹកភ្នែកពេលឃើញមិត្តជិតស្និទ្ធរបស់នាងត្រូវបានគេគោរពគឺ Yeom Hye Ran ដែលជាដៃសម្តែងជាមួយនឹង Song Hye Kyo ក្នុងរឿង The Glory។ ឆ្នាំនេះ Yeom Hye Ran ត្រូវបានគេទទួលស្គាល់ម្តងទៀត ដោយទទួលបានពានរង្វាន់ជាតួឯកស្រីគាំទ្រល្អបំផុតសម្រាប់តួនាទីរបស់នាងក្នុងរឿងភាគដ៏ល្បី «When Life Gives You Tangerines»។ នៅពេលដែល Yeom Hye Ran ដើរឡើងដើម្បីទទួលពានរង្វាន់ មិនត្រឹមតែ IU (ដែលដើរតួជាកូនស្រីក្នុងរឿង) យំប៉ុណ្ណោះទេ ប៉ុន្តែ Song Hye Kyo ក៏ស្រក់ទឹកភ្នែកផងដែរ។ ថ្វីដ្បិតតែរយៈពេលខ្លី ហើយនាងត្រូវបានគេចាប់បានដោយចៃដន្យ ពីការផ្តោតអារម្មណ៍លើកាមេរ៉ា ប៉ុន្តែអ្នកទស្សនានៅតែកត់សម្គាល់នូវការបញ្ចេញទឹកមុខ បង្ហាញមោទនភាព និងសុភមង្គលរបស់ Song Hye Kyo។

មនុស្សជាច្រើនបានសរសើរនាងថាមានចិត្តកក់ក្តៅ និងស្រលាញ់មិត្តរួមការងារដោយស្មោះ កាលពីមុន ពេលកំពុងថតរឿង «The Glory» Song Hye Kyo មានទំនាក់ទំនងជិតស្និទ្ធជាច្រើនជាមួយ Yeom Hye Ran ។ ជាក់ស្តែង Yeom Hye Ran ធ្លាប់ត្រូវបានបង្ហាញនៅក្នុង Story Instagram របស់ Song Hye Kyo រួមជាមួយនឹងការសរសើរចំពោះរូបរាងរបស់តារាស្រីរូបនេះដែលជាអ្វីដែល Song Hye Kyo កម្រធ្វើសម្រាប់មិត្តរួមការងារ។

Song Hye Kyo និង Yeom Hye Ran ជាអ្នករួមចំណែកយ៉ាងខ្លាំងក្នុងការជោគជ័យក្នុងរឿង The Glory។ កម្មវិធីនេះបានជួយធ្វើឱ្យអាជីពរបស់ Song Hye Kyo រស់ឡើងវិញ បន្ទាប់ពីជាប់គាំងអស់ជាច្រើនឆ្នាំ ដោយសារភាពចម្រូងចម្រាសផ្ទាល់ខ្លួន និងការខ្វះទិសដៅ។ សម្រាប់ Yeom Hye Ran រឿងនេះបានធ្វើឱ្យនាងទទួលបានការចាប់អារម្មណ៍ជាយូរមកហើយបន្ទាប់ពីតស៊ូជាមួយនឹងតួសម្ដែងដែលមិនសូវស្គាល់ច្រើនឆ្នាំ។ ចាប់តាំងពីសម្តែងរឿងនេះមកអ្នកទាំងពីរនៅតែស្និទ្ធស្នាលគ្នា ហើយការជួបជុំគ្នាម្តងទៀតនៅឯ Baeksang ឆ្នាំ ២០២៥ បានធ្វើឱ្យអ្នកគាំទ្រកាន់តែមានក្តីសង្ឃឹមសម្រាប់ការសហការគ្នានាពេលអនាគតរវាងពួកគេ៕