ក្រុមហ៊ុនតារាសម្តែង Kim Soo Hyun ប្តឹ.ងគ្រួសារ Kim Sae Ron ក្រោយធ្លាយរូបភាពរ.សើប

ក្រុមហ៊ុនតារាសម្ដែង Kim Soo Hyun បានប្ដឹងក្រុមគ្រួសាររបស់អតីតមិត្តស្រី Kim Sae Ron និង Channel YouTube ដែលបានបញ្ចេញរូបថតឯកជនរបស់ខ្លួននៅពេលអ្នកទាំងពីរមានទំនាក់ទំនងជាមួយគ្នាដែលរូបភាពរសើបនោះបង្កឱ្យលោកមានក្តីអាម៉ាសនិងសម្ពាធផ្លូវចិត្ត

យោងតាមប្រព័ន្ធផ្សព្វផ្សាយកូរ៉េនៅថ្ងៃទី ២០ ខែមីនា ក្រុមហ៊ុនគ្រប់គ្រង Gold Medalist បាននិយាយថា ខ្លួនបានតែងតាំងមេធាវីដើម្បីការពារកិត្តិយស និងសិទ្ធិរបស់ Soo Hyun ។ ក្រុមហ៊ុនបានចោទប្រកាន់ Kim Se Eui ដែលជាប្រតិបត្តិករនៃ YouTube Channel Garo Sero Institute ក្រុមគ្រួសាររបស់តារាសម្តែង Kim Sae Ron និងមនុស្សម្នាក់ដែលអះអាងថាជាម្តាយមីងរបស់ Sae Ron សម្រាប់ការផ្សព្វផ្សាយរូបថតឯកជនរបស់តារាសម្តែង។

យោងតាមការចែកចាយនៃរូបភាពនោះគឺបានបង្ហាញពី Kim Soo Hyun កំពុងលាងចាននៅផ្ទះរបស់ Sae Ron ត្រូវបានគេថតកំឡុងពេលណាត់ជួបរបស់ពួកគេ នៅពេលដែល Kim Sae Ron ពេញវ័យ។ ការដាក់រូបថតរសើបលើការផ្សាយបន្តផ្ទាល់របស់ YouTube អាចនឹងអាម៉ាស់ និងប៉ះពាល់ដល់ Kim Soo Hyun។ មេធាវីរបស់តារាសម្ដែងរូបនេះបាននិយាយថា ការចែកចាយរូបថតឯកជនដោយមិនមានការយល់ព្រមពីអ្នកក្នុងរូបថតនោះគឺជាការបំពានច្បាប់។

ក្រុមហ៊ុនក៏បានចោទប្រកាន់ Garo Sero ថាបានគំរាមកំហែង Kim Soo Hyun ដោយនិយាយថា «បន្តផ្សព្វផ្សាយរូបថតស្រដៀងគ្នានេះ» ដែលធ្វើឱ្យតារាសម្តែងស្ថិតនៅក្រោមសម្ពាធយ៉ាងខ្លាំង។ ក្នុងសេចក្តីប្រកាសនោះ ក្រុមហ៊ុន Gold Medalist បានចូលរួមរំលែកទុក្ខដល់ក្រុមគ្រួសាររបស់ Kim Sae Ron ចំពោះការបាត់បង់តារាស្រីរូបនេះ។ ទោះជាយ៉ាងណាក៏ដោយក្រុមហ៊ុនមិនអាចព្រងើយកន្តើយចំពោះ អំពើខុសច្បាប់ ទេដូច្នេះវាត្រូវចាត់វិធានការយ៉ាងខ្លាំងដើម្បីការពារសិល្បកររបស់ខ្លួន។

Gold Medalist បាននិយាយថា ពួកគេបានរារាំង និងប្រគល់ឱ្យសាច់ញាតិរបស់តារាសម្តែង ប៉ុន្តែមិនអាចបន្តបានទេ ដោយសារតែក្រុមគ្រួសារ និង Garo Sero បានចេញផ្សាយព័ត៌មានគ្មានមូលដ្ឋាន ដែលប៉ះពាល់ដល់កិត្តិយសរបស់ Kim Soo Hyun ។ ជាមួយគ្នានេះដែរ ក្រុមគ្រួសាររបស់ Kim Sae Ron បាននិយាយថា Kim Soo Hyun បានណាត់ជួប Sae Ron នៅពេលនាងមិនទាន់គ្រប់អាយុដោយទាមទារឱ្យតារាសម្តែងរូបនេះ ធ្វើការសូមទោសជាសាធារណៈ។

រឿងអាស្រូវពាក់ព័ន្ធនឹង Kim Soo Hyun បានផ្ទុះឡើងកាលពីថ្ងៃទី ១០ ខែមីនា នៅពេលដែល Garo Sero បានដកស្រង់សាច់ញាតិរបស់ Kim Sae Ron ដោយចោទប្រកាន់តារាសម្តែងរូបនេះពីបទ មានទំនាក់ទំនងជាមួយនាងមិនទាន់គ្រប់អាយុ និង ទារលុយពី Kim Sae Ron រុញនាងរហូតដល់ ស្លាប់ ។ នៅថ្ងៃទី ១៤ ខែមីនា Kim Soo Hyun បានសារភាពថាស្រលាញ់ Kim Sae Ron ពីឆ្នាំ ២០១៩ -២០២០ នៅពេលដែលនាងពេញវ័យ។ Gold Medalist បាននិយាយថាពួកគេបានសងបំណុលឱ្យ Kim Sae Ron នោះ គ្មានវិធីណាដែលពួកគេបានគាបសង្កត់តារាស្រីឱ្យសងបំណុលនោះទេ៕