នៅលើបណ្តាញទំនាក់ទំនងសង្គមថ្មីៗនេះ មានមតិជជែកវែកញែកជាច្រើន ទាក់ទងនឹងរឿងការធ្វើជំរឿនសត្វឆ្កែតាមផ្ទះ ដែលនៅក្នុងនោះមានមួយចំនួនយល់ស្របលើចំណាត់ការនេះ ខណៈមានមនុស្សមួយចំនួនទៀតមិនយល់ស្របទៅវិញ។
បន្ទាប់ពីសារសម្លេងរបស់លោក ញ៉ែម សំអឿន អភិបាលខេត្តមណ្ឌលគីរី ត្រូវបានចែកចាយនៅក្នុងប្រព័ន្ធផ្សព្វផ្សាយនាពេលថ្មីៗនេះ ពាក់ព័ន្ធជាមួយនឹងការបញ្ជារទៅកាន់មន្រ្តីក្រោមឳវាទ អោយចុះស្រង់បញ្ជីវត្តមានសត្វឆ្កែ ដែលមានតាមផ្ទះរបស់ប្រជាជនក្នុងមូលដ្ឋាន។ ការចុះទៅស្រង់វត្តមាន រឺធ្វើជំរឿននេះ គឺដើម្បីអោយដឹងថា តើក្នុងផ្ទះនីមួយៗ មានឆ្កែប៉ុន្មានក្បាល? ឆ្កែឈ្មោះអ្វីខ្លះ? ធ្លាប់ខាំគេពីមុនមកដែរ រឺទេ? ធ្លាប់ត្រូវឡាន រឺម៉ូតូបុកប៉ះប៉ុន្មានដង? និងសួរពីព័ត៌មានទូទៅជាច្រើនផ្សេងទៀត ជាពិសេសឆ្កែរបស់ពលរដ្ឋដែលមានផ្ទះតាមដងផ្លូវ។.png)
លោកញ៉ែម សំអឿន បានលើកឡើងថា ការធ្វើជំរឿនបែបនេះ ព្រោះលោកយល់ឃើញថា បញ្ហាឆ្កែដែលមានពាសវាលពាសកាលតាមដងផ្លូវ បានបង្ករគ្រោះថ្នាក់ដល់មនុស្សជាច្រើន មានទាំងរបួសធ្ងន់ ស្រាល និងស្លា.ប់ទៀតផង មិនថាឡាន មិនថាម៉ូតូ។ មិនតែប៉ុណ្ណោះ លោកផ្ទាល់ក៏ធ្លាប់ត្រូវបានឆ្កែរត់បុកឡាន បណ្ដាលអោយខូចខាត ត្រូវជួសជុលអស់រាប់ពាន់ដុល្លា។ លោកបានបន្តទៀតថា៖ មន្ត្រីមានសមត្ថកិច្ចតាមមូលដ្ឋាន ត្រូវចុះទៅណែនាំពលរដ្ឋ អោយឈប់ចិញ្ចឹមឆ្កែតទៅទៀត បើស្រលាញ់ឆ្កែណាស់ គួរចិញ្ចឹមក្នុងផ្ទះ ក្នុងរបង រឺ ដាក់ក្នុងបន្ទប់ដេកទៅ សម័យនេះហើយ គួរតែដល់ពេលដែលពលរដ្ឋត្រូវគ្រប់គ្រងសត្វរបស់ខ្លួន ដើម្បីកុំអោយនាំគ្រោះ.ថ្នាក់ដល់គេឯង។
ជុំវិញប្រសាសន៍របស់លោកអភិបាលដូចខាងលើ មានមតិមួយចំនួនមិនយល់ស្របនោះទេ ដោយពួកគាត់លើកឡើងថា៖ រឿងគ្រោះ.ថ្នាក់នេះបណ្ដាលមកពីមនុស្សលោកបើកបរខ្វះការប្រុងប្រយ័.ត្នខ្លួនឯង ជាពិសេសមនុស្សមួយចំនួន បើកបរមិនគោរពច្បាប់ បង្ករគ្រោះ.ថ្នាក់ចរាចរណ៍ ស្លា.ប់រាល់ថ្ងៃមិនបន្ទោស មិនអប់រំមនុស្សអោយគោររពច្បាប់ បែរជាមកបន្ទោសតែឆ្កែទៅវិញ។.jpg)
ដោយឡែក ក៏មានមតិរបស់មនុស្សជាច្រើនទៀត បានគាំទ្រលើចំណាត់ការរបស់លោកអភិបាល ដោយពួកគេយល់ថា ការធ្វើនេះមិនមែនជាដាក់សម្ពាធ រឺស្អ.ប់សត្វឆ្កែនោះទេ ប៉ុន្តែវាជាទំនួលខុសត្រូវរបស់ម្ចាស់ក្នុងការគ្រប់គ្រងសត្វចិញ្ចឹមរបស់ខ្លួន។ សត្វឆ្កែ ដែលម្ចាស់គ្រប់គ្រងមិនបានល្អ មិនត្រឹមអាចបង្ករគ្រោះ.ថ្នាក់ចរាចរណ៍ប៉ុណ្ណោះទេ ពេលខ្លះវាដេញ.ខាំគេឯង កាយសម្រាម បន្ទោ.របង់គ្មានសណ្ដាប់ធ្នាប់ដែលបង្ករភាពរញ៉េរញ៉ៃក្នុងតំបន់។ លើសពីនេះ ប្រទេសកម្ពុជាយើង ក៏មានច្បាប់ចែងផងដែរ អំពីបុគ្គលដែលកាន់កាប់សត្វ ត្រូវទទួលខុសត្រូវក្នុងការសងការខូចខាត ដែលកើតឡើងដល់អ្នកដទៃ ដោយសត្វដែលខ្លួនកាន់កាប់។ ហើយក្នុងនោះគឺរាប់បញ្ចូលទាំងសត្វចិញ្ចឹមផ្សេងទៀត រួមទាំងគោ ក្របី ជ្រូក ឆ្មា មាន់ ទា។ល៕
