តម្លៃដំឡូងមីស្រស់ ធ្លាក់ចុះខ្លាំង មួយគីឡូបានត្រឹម២០០រៀល តើវាជារឿងពិតដែររឺទេ?

ថ្មីៗនេះកសិករដាំដំឡូងមី បានសម្តែងការព្រួយបារម្ភពីការខាតដើមមិនចំណេញ ខណៈតម្លៃដំឡូងមីស្រស់ បច្ចុប្បន្នអាចលក់បានត្រឹម២០០រៀលក្នុង១គីឡូក្រាមប៉ុណ្ណោះ។

នេះបើយោងតាមការបង្ហោះតាមបណ្តាញសង្គមរបស់គណនីហ្វេសប៊ុកឈ្មោះ កសិកម្មឃុំ ស្អាង និង អាល្អិត បានឱ្យដឹងថា៖ ” ដំឡូងស្រស់មានតម្លៃចន្លោះពី១៥០រៀល ដល់១៧០រៀល ហើយដំឡូងស្ងួតតម្លៃ ៥៤០-៥៦០រៀល”។ ឆ្លៀតក្នុងវីដេអូខាងលើបានបញ្ជាក់ថា បើបានថ្លៃបានលើស 350រៀលទើបចំណេញខ្លះ ចំពោះដំឡូងមីស្រស់។

ដោយឡែក សម្រាប់កសិករខាងស្រុកកោះញែ ខេត្តមណ្ឌលគិរី បានលើកឡើងទាំងអស់សង្ឃឹមថា៖”ខាងខ្ញុំខេត្តមណ្ឌលគិរី ស្រុកកោះញែកមួយគីឡូបាន១២០រៀល កាត់អស់២០ភាគរយ។ ទឹកភ្នែកស្រក់តក់ៗ”។

បើធៀបតម្លៃទៅនឹងកាលពីឆ្នាំ២០២៤ ហាក់មានការធ្លាក់ចុះខ្លាំង ដោយមុន នៅក្នុងរដូវប្រមូលផល ប្រជាកសិករអាចលក់ដំឡូងមីស្រស់ចាប់ពី ៤៥០រៀល ទៅ៤៨០រៀល ក្នុងមួយគីឡូក្រាម។ រីឯដំឡូងមីក្រៀមវិញ ពី ៧៩០ ទៅ ៨៧០ រៀលក្នុង ១ គីឡូក្រាមឯណោះ។

ជុំវិញនឹងវិបត្តិតម្លៃដំឡូងមីស្រស់នេះ កសិករ បានស្នើឱ្យអាជ្ញាធរពាក់ព័ន្ធ ជាពិសេសក្រសួងកសិកម្មមេត្តា ស្វែងរកដំណោះស្រាយ និងទីផ្សារ ដើម្បីជួយឱ្យតម្លៃដំឡូងមីស្រស់ និងដំឡូងមីក្រៀម ហក់ឡើងដូចឆ្នាំកន្លងទៅ៕

សូមបញ្ជាក់ថារាល់ព័ត៌មានខាងលើ គឺគ្រាន់តែជាព័ត៌មានបឋមការ ដែលបានលើកឡើងតាមរយៈបណ្តាញសង្គម ខាងលើ។ ព័ត៌មានលំអិតច្បាស់ការ សារព័ត៌មាន KBN News យើងខ្ញុំរីករាយ នឹងផ្សាយបំភ្លឺជូនពីគ្រប់ភាគីពាក់ព័ន្ធទាំងអស់នៅពេលក្រោយបន្ថែមទៀត។