ផ្លូវជាតិលេខ៧៦ ជាផ្លូវជាតិ ដែលវែងជាគេនៅកម្ពុជា ដោយចាប់ផ្តើមចេញពីស្រុកស្នួល ខេត្តក្រចេះ រហូតដល់ស្រុកតាអង ខេត្តរតនគិរី និងតភ្ជាប់ពីផ្លូវជាតិលេខ៧៦-៤ ទៅកាន់ច្រកព្រំដែនដាក់ដាំ ក្នុងខេត្តមណ្ឌលគិរីផងដែរ។
ផ្លូវជាតិនេះ មានប្រវែងសរុបជាង ៣០៦គីឡូម៉ែត្រ ដោយក្រាលនូវកៅស៊ូ DBST ដោយត្រូវបានបញ្ចប់ការសាងសង់នៅក្នុង២០១២។.png)
កាលពីអតីតកាល បើចង់ធ្វើដំណើរទៅកាន់ខេត្តមណ្ឌលគិរី និងរតនគិរី ត្រូវចំណាយពេលវេលាយូរ រហូតដល់រាប់ថ្ងៃ ដោយសារតែផ្លូវមិនមានសភាពល្អប្រសើរ។
ក៏ប៉ុន្តែ ក្រោយពីសាងសង់រួចរាល់ ផ្លូវជាតិលេខ៧៦ បានក្លាយជាផ្លូវយុទ្ធសាស្ត្រ និងជាសរសៃឈាមក្នុងវិស័យដឹកជញ្ជូនទៅកាន់ទីផ្សារក្នុងស្រុក និងនាំចេញទៅក្រៅប្រទេស ក៏ដូចជាបម្រើដល់វិស័យទេសចរណ៍ ក្នុងការកាត់បន្ថយបាននូវពេលវេលាធ្វើដំណើរផងដែរ។
គួរបញ្ជាក់ថា ផ្លូវជាតិលេខ៧៦ បានចាប់ផ្ដើមការស្ថាបនា នៅក្នុងខែកុម្ភៈ ឆ្នាំ២០០៧ និងបញ្ចប់ការស្ថាបនា នៅក្នុងខែមីនា ឆ្នាំ២០១១៕
