ដើម្បីត្រៀមអបអរក្នុងឱកាសពិធីបុណ្យចូលឆ្នាំថ្មីប្រពៃណីជាតិខ្មែរខាងមុខនេះ រដ្ឋបាលខេត្តកំពត បាននឹងរៀបចំកែលម្អសោភ័ណភាពផ្លូវមាត់ព្រែកកំពង់បាយ ចាប់ពីចំណុចគល់ស្ពានថ្មថ្មី (ស្ពានកំពង់បាយ) រហូតដល់រំង្វង់មូលត្រីផ្សោត។.png)
បើតាម លោក លាង រឿនសុធី អភិបាលក្រុងកំពត បានលើកឡើងថា៖” ដើម្បីបន្ថែមសោភ័ណភាពក្រុង ក៏ដូចជាដើម្បីឱ្យមានការទាក់ទាញទេសចរបន្ថែមទៀត រដ្ឋបាលខេត្ត បានចាប់ផ្តើមស្ថាបនាសមិទ្ធផលទេសចរណ៍ថ្មីមួយដែលគួរឱ្យទាក់ទាញបន្ថែមទៀត សម្រាប់ស្វាគមន៍ទេសចរពេលចូលឆ្នាំថ្មីប្រពៃណីជាតិខ្មែរខាងមុខនេះ”។
ចំពោះសមិទ្ធផលទេសចរណ៍ថ្មីនេះ មានទីតាំងនៅមុខសាលាខេត្តកំពត តែមិនទាន់ត្រូវបានរដ្ឋបាលខេត្តកំពត បញ្ជាក់ថាជាអ្វីឱ្យប្រាកដនៅឡើយនោះទេ ដោយគេឃើញមានអជ្ញាធរដាក់ស័ង្កសីបាំង។
.png)
ប្រជាពលរដ្ឋរស់នៅក្នុងក្រុងកំពត បានសម្តែងសេចក្តីត្រេកអរ និងសង្ឃឹមថាសមិទ្ធផលទេសចរណ៍ថ្មីនេះ នឹងជួយទាក់ទាញភ្ញៀវឱ្យមកលេងខេត្តកំពតកាន់តែច្រើនបន្ថែមទៀត ខណៈនៅឆ្នាំ២០២៤កន្លងទៅ ខេត្តជាប់មាត់សមុទ្រដ៏មានសក្តានុពលមួយនេះ ទទួលភ្ញៀវទេសចរសរុបជាង ២លាន ៦សែននាក់។
គយរបញ្ជាក់ថា បច្ចុប្បន្ន កំពតមានសមិទ្ធផលទេសចរណ៍កែច្នៃ ទាក់ទាញចំនួន២ គឺរូបសំណាកត្រីសេះសមុទ្របាញ់ទឹក និងនាឡិកាយក្ស៕
