ជារៀងរាល់ឆ្នាំ បងប្អូនជនជាតិចិន ឬបងប្អូនជនជាតិខ្មែរ ដែលជាប់សែស្រឡាយចិន តែងតែប្រារព្ធបុណ្យចូលឆ្នាំប្រពៃណីចិនមិនដែលអាក់ខានឡើយ។
ឆ្នាំនេះ ថ្ងៃសែនចូលឆ្នាំចិន នឹងប្រព្រឹត្តិទៅនៅថ្ងៃទី២៨ ខែមករា ខណៈពិធីសែនដកជើងធូបនឹងចាប់ផ្តើមនៅថ្ងៃទី២៣។
នៅក្នុងពិធីបុណ្យនេះ ក្រៅតែពីសំណែន និងក្រដាស ជូនពរឆ្នាំថ្មី ដាក់តាំងនៅក្នុងផ្ទះ បងប្អូនជនជាតិខ្មែរ ជាប់សែស្រឡាយចិន ក៏តែងដាក់តាំងលម្អគេហដ្ឋាន ជាមួយដើមរុក្ខជាតិ ឬដើមផ្កាផ្សេងៗ ដូចជាដើមក្រូច ឬផ្កាអង្គាសិល្ប៍ជាដើម។
ការដាក់តាំងដើមអង្គារសិល្ប៍ ត្រូវបានពលរដ្ឋមួយចំនួនមានជំនឿថា ដើមនេះនឹងជួយលើករាសី ឱ្យរកស៊ីមានបាន និងបញ្ចៀសរឿងរ៉ាវអាក្រក់។.png)
គួរបញ្ជាក់ថា ផ្កានេះ ជាធម្មតាអាជីវករទាំងនាំគ្នាប្រមូលទិញពីខេត្តឆ្ងាយៗ ជាពិសេសខេត្តពោធិ៍សាត់ ដែលជាតំបន់សម្បូរព្រៃភ្នំ យកមកលក់នៅទីក្រុងភ្នំពេញ៕
