Liu Yifei លែងស្អប់ឈ្មោះហៅក្រៅថា «បងស្រីទេពអប្សរ»

តារាសម្ដែង Liu Yifei ដែលធ្លាប់ស្អប់ឈ្មោះហៅក្រៅរបស់នាងថា «Fairy Sister» ឬ«បងស្រីទេពអប្សរ» ឥឡូវនេះបានទទួលយកឈ្មោះនេះថែមទាំងនិយាយថាវាជាផ្នែកដ៏គួរឱ្យស្រឡាញ់នៃអត្តសញ្ញាណរបស់នាង។

នៅក្នុងបទសម្ភាសន៍ជាមួយ Harper’s Bazaar China ដែលត្រូវបានបោះពុម្ពផ្សាយក្នុងទស្សនាវដ្តីប្រចាំខែមករា Liu Yifei បានពន្យល់ថា គំនិត និងទស្សនៈរបស់នាងបានវិវត្តទៅតាមពេលវេលា។ ដំបូងឡើយនាងមិនចូលចិត្តការរំលឹកពីតួនាទីរបស់នាងនៅក្នុងរឿងភាគទូរទស្សន៍ ដែលនាំឱ្យនាងត្រូវបានគេដាក់ឈ្មោះថា «បងស្រីទេពអប្សរ» សម្រាប់ការបង្ហាញតួអង្គស្រីគ្មាននិស្ស័យ និងគ្មានកំហុស។ នាងចង់គេចពីការហៅឈ្មោះក្នុងតួនាទីបែបនេះ។

ទោះជាយ៉ាងណាក៏ដោយ ឥឡូវនេះ Liu Yifei ដឹងគុណចំពោះការដែលចងចាំដោយមានអត្ថន័យសំខាន់។ បន្ទាប់ពីបានដើរតួក្នុងរឿងភាគទូរទស្សន៍រឿង «The Tale of Rose» នាងត្រូវបានគេដាក់ឈ្មោះថា Golden Rose ដែលជាឈ្មោះដែលកើតចេញពីតួអង្គរបស់នាងនៅក្នុងខ្សែភាពយន្ត ដោយអ្នកគាំទ្រជាច្រើន។ នាងបានសម្ដែងការរីករាយក្នុងការហៅដូច្នេះ ដោយបញ្ជាក់ថា៖ «ឈ្មោះហៅក្រីនីមួយៗគឺជាមេដាយសម្រាប់រយៈពេលជាក់លាក់មួយ»។

តារាសម្តែងវ័យ៣៧ឆ្នាំរូបនេះ ក៏បានបង្ហាញដែរថា នាងមិនទាន់បានថតរឿងថ្មីណាមួយទេ នាពេលថ្មីៗនេះ ដោយសារនាងតែងតែត្រូវការពេលជាច្រើនខែ ដើម្បីផ្តាច់ចេញពីអារម្មណ៍ របស់តួអង្គមុនរបស់នាង បន្ទាប់ពីគម្រោងមួយ។ នាងមិនមានបំណងចង់សម្តែងក្នុងចំនួនជាក់លាក់ណាមួយនៃខ្សែភាពយន្តជារៀងរាល់ឆ្នាំនោះទេ ប៉ុន្តែជ្រើសរើសតួនាទីដោយផ្អែកលើការត្រៀមខ្លួនខាងផ្លូវចិត្ត និងការចាប់អារម្មណ៍លើតួសម្តែង ដោយចូលចិត្តសម្រាកពីឧស្សាហកម្មកម្សាន្តជាជាងបន្តតាមបរិមាណ។

គួរឱ្យដឹងថាប្រាក់ឈ្នួលផ្សាយពាណិជ្ជកម្មរបស់ Liu Yifei គឺជាតម្លៃខ្ពស់បំផុតក្នុងចំណោមតារាចិនសម្រាប់កិច្ចសន្យានីមួយៗនាងទទួលបានប្រហែល ២៥ លានយន់ (៣,៤ លានដុល្លារ)។ យោងតាម Yahoo Finance, St Headline ទ្រព្យសម្បត្តិរបស់ Liu Yifei មានលើសពី ១.២៣ពាន់លានយន់ (ប្រមាណ១៧០លានដុល្លារ)។ នាងមានផ្ទះវីឡាទំហំប្រហែល ៥,០០០ ម៉ែត្រការ៉េក្នុងទីក្រុងប៉េកាំង ប្រទេសចិន និងវីឡាមួយនៅអាម៉េរិក៕