ថ្មីៗមកនេះទស្សនិកជនជ្រាបមកហើយជុំវិញ influencer ថៃម្នាក់ត្រូវបានបាត់បង់ជីវិតព្រោះតែការភ្នាល់ផឹកស្រាយករង្វាន់ចំនួន៣ម៉ឺនបាតប្រមាណជាង៨០០ដុល្លារអាម៉េរិកដែលធ្វើឱ្យមានការភ្ញាក់ផ្អើលយ៉ាងខ្លាំង។ អ្វីកាន់តែខ្លោចចិត្តនោះ influencer ប៊ែង ឡេសស្ទ័រ សុខចិត្តទ្រាំធ្វើគោធ្វើសេះឱ្យអ្នកដទៃព្រោះតែត្រូវការរកលុយដើម្បីចិញ្ចឹមយាយ។ សោកនាដកម្មនេះបានជំរុញឱ្យ ប៉ូគឹមថេង សុតធីតា លើកឡើងយ៉ាងរំជួលចិត្ត។
ប៉ូគឹមថេង សុតធីតា Miss Grand Cambodia 2021 បានសរសេរនៅលើ Story របស់ខ្លួនថា «អ្នកក្រមិនមែនជាតួកំប្លែងសម្រាប់អ្នកមាននោះទេ ឃើញហើយសែនក្តុកក្តួលអាណិតម៉ាក់យាយខ្លាំង តទៅតើឱ្យគាត់រំពឹងអ្នកណា បើចៅតែម្នាក់គត់របស់គាត់បានស្លាប់ដោយសារភាពសប្បាយរបស់មនុស្សមានលុយតែមិនមានសតិនិងភាពជាមនុស្សបាត់ទៅហើយ»។ តារាសម្តែងរូបនេះបន្តទៀតថា ឃើញស្នាមញញឹមទឹកភ្នែកខ្ញុំហូរ គ្នាញញឹមពោរពេញទៅដោយការឈឺចាប់ គ្នាទ្រាំព្រោះដឹងថាខ្លួនឯងមិនដល់គេគ្រប់គ្នា ប្រឹងព្រោះដើម្បីប្រាក់យកមកឱ្យជីដូនចាស់ដែលឈឺ សូមទោសខ្ញុំគេងមិនលក់ព្រោះពិតជាអាណិតក្មេងកម្សត់ម្នាក់នេះខ្លាំងណាស់»។
កាលពីថ្ងៃទី២៦ ខែធ្នូ ឆ្នាំ២០២៤ អ្នកលេងបណ្តាញសង្គម មានការភ្ញាក់ផ្អើលនិងសោកស្តាយចំពោះការស្លា.ប់ របស់ Influencer ដ៏ល្បីម្នាក់ឈ្មោះ ប៊ែង ឡេសស្ទ័រ អាយុ២១ឆ្នាំ ក្រោយពីបានផឹកស្រាអស់យ៉ាងច្រើនក្នុងរយៈពេលខ្លី ព្រោះតែចង់បានប្រាក់៣ម៉ឺនបាត ។ មុនពេលក្លាយជា Influencer ប៊ែង មានមុខរបរដើរលក់កម្រងផ្កាតាមផ្លូវដើម្បីចិញ្ចឹមលោកយាយរបស់ខ្លួនដែលមានអាយុ៨០ឆ្នាំ ហើយលោកត្រូវបានគេជួលឱ្យផឹកស្រា និងបង្កើតមាតិកាផ្សេងជាច្រើន៕.png)
